Kuali ma timoyektlalikan pampa kuali titlamachtiskej

Ome uelta Jesús okitlajtlanijkej itech yolilistli tlen amo keman tlamis. Pero amo san se tlamantli otlanankili, pampa akinmej okitlajtlanijkej amo san se tlamantli okintekipachoaya (Luc. 10:25-28; 18:18-20). Tejuan noijki, maski kuali tikixmatij tlen tlamachtil ika titlamachtiskej, moneki achto kuali timoyektlaliskej uan timokuayejyekoskej ken uelis tikpaleuiskej akin tikmachtiaj. ¿Tlen tlamantli amo kajsikamati? ¿Tlen tlaxelolmej tlen nesij itech párrafos moneki tikintlajtoltiskej? ¿Keski párrafos moneki iuan nimomachtis? Uelis tiktekitiltiskej se neskayotl, kuali tikyekiluiskej noso tikinchiuiliskej okseki tlajtlanilmej pampa kuali ma kajsikamati tlamachtil. Ma tikmatokan, Jehová ye akin kichiua ma moskalti tlen melauak itech inyolo tlaltikpaktlakamej. Ik non, moneki tiktlatlaujtiskej Jehová ma kipaleui akin tikmachtiaj uan noijki ma techpaleui ijkuak timoyektlaliaj uan ijkuak timochijchikauaj tikpaleuiskej ma kichikaua itlaneltokilis (1 Cor. 3:6; Sant. 1:5).