Ma tikinmachtikan tlen melauak

Itech metstli septiembre, amatlajkuilol Toteki akinmej tikchiuaj ken Cristo kipias se yankuik tlamachtil tlen itoka “Ma tikinmachtikan tlen melauak”. Nin techpaleuis pampa tikteititiskej se tlamantli tlen melauak ika se tlajtlanilistli uan ika se tlaxelol itech Biblia.

Tla tikitaj akin iuan timotlapouijtokej kineki okachi kimatis, uelis iuan timokauaskej oksepa tiktlapouitiuij, tikmakaskej se amatlajkuilol noso tikititiskej se video tlen kajki itech www.jw.org/ncx. Moneki timochijchikauaskej san niman oksepa tiktlapouitiuij. Yankuikej tlamachtilmej uan tlamachtilmej tlen tokniuan kinpanoltiskej kisaskej itech recuadro kanin tlami se tlamachtil itech amochtli What Can the Bible Teach Us? Nin amochtli amo kajki ika náhuatl del centro, pero motekitiltis amochtli ¿Tlen melauak tlamachtia Biblia?, tlen kipia tlamachtilmej pampa uelis oksepa tikintlapouitiuij akinmej inmiuan otimokajkej noso pampa tikinmachtiskej san ika Biblia.

Onka san se ojtli tlen melauak (Mat. 7:13, 14). Miakej tlaltikpaktlakamej tlen inmiuan timotlapouiaj kineltokaj miak tlamantli uan tlatlamantli inyelis, moneki timochijchikauaskej pampa ma kinpakti uan ma kinekikan kimatiskej okachi tlen tikinmachtiaj itech Biblia (1 Tim. 2:4). Tla tikintlapouiskej itech miak tlamantli okachi kuali tikmatiskej ken tiktekitiltiskej “kualitlájtoli non techmatiltia tlan milák”, okachi tiyolpakiskej uan kuali tikinmachtiskej tlaltikpaktlakamej tlen melauak tlamachtia Biblia (2 Tim. 2:15).