¿Ken uelis kuali titlanankiliskej?

Ijkuak kuali titlanankiliaj itech nechikol, tikinyolchikaua tokniuan (Rom. 14:19). Noijki tejuan techpaleuia (Prov. 15:23, 28). Ik non moneki ma titlanankilikan itech nechikol, maski san se uelta. Pero amo nochipa techiluiskej ma titlanankilikan, ik non miak ipati ma timoyektlalikan ika miakej tlanankililmej.

¿Tlen kijtosneki kuali titlanankiliskej?

• Amo oui, ma moajsikamati, uan amo miak ma titlajtokan. Uelis titlanankiliskej kanaj veinte noso treinta segundos.

• Okachi kuali tla titlanankiliaj san ika totlajtoluan.

• Amo oksepa tikijtoskej tlen yokijtojkej.

¿Ken uelis titlanankiliskej tla achto tejuan techiluiaj?

• San ma titlanankilikan tlen moneki uan amo ma tiuejkauakan.

¿Tlen uelis tikchiuaskej tla yomonankili tlajtlanilistli?

• Ma tikteititikan ika se tlaxelol ken kipaleuia tlen okachi ipati itech tlamachtil.

• Ma tikijtokan ken techpaleuia itech tonemilis.

• Ma tikyekijtokan ken uelis tikchiuaskej tlen timomachtijtokej.

• Ma tikijtokan se neskayotl tlen kiteititis ken tlapaleuia.