Xikinpaleui mokoneuan ma kipiakan chikauak intlaneltokilis itech akin oTlachijchi

Tlen okichijchi Jehová kiteititia ye sapanoa ueyititok (Sal. 19:1-4; 139:14). Pero nochi tlen Satanás kinauatia, kiteititia toTajtsin Dios amo otechchijchi uan non kichiua ayakmo ma kitlakaitakan (Rom. 1:18-25). ¿Ken uelis tikinpaleuis mokoneuan uan ijkon amo kineltokaskej non tlamantli uan amo ajsis itech inyolo? Xikinpaleui ijkuak ok konemej ma kineltokakan melauak kajki toTajtsin Jehová uan ma kimatikan ye melauak kintlasojtla (2 Cor. 10:4, 5; Efes. 6:16). Moneki tikmatis tlen mokuayejyekoaj itech tlen kinmachtiaj escuela, xiktekitilti nochi tlen tikpiaj, non mitspaleuis xiajsi itech inyolo (Prov. 20:5; Sant. 1:19).

IJKUAK YONANKITAKEJ VIDEO TLEN MOKUAYEJYEKOAJ TELPOKAMEJ UAN ICHPOKAMEJ: ITECH TOTAJTSIN DIOS

• ¿Tlen kijtoaj tlaltikpaktlakamej itech toTajtsin Dios?

• ¿Tlen tlamachtiaj itech escuela?

• ¿Tleka tikneltoka toTajtsin Dios melauak kajki?

• ¿Ken uelis ikaj tikpaleuis ma kineltoka toTajtsin Dios melauak okichijchi nochi tlen onka?