TIKCHIUAJ KEN CRISTO
¿Keman uelis niyetos precursor auxiliar?
Teokali tlen okitak Ezequiel kiteititia itekipanojkauan toTajtsin Dios tlatemakaskiaj ika nochi iyolo. ¿Tlen uelis tikmakaskej Jehová uan ijkon tikueyichiuaskej? (Heb. 13:15, 16).
Uelis tiyetoskej precursores auxiliares. Seki metstli itech xiuitl 2018 kipiaj makuili sábados noso makuili domingos. Nin kinpaleuis akinmej tekitij nochi semanas uan tetlapouiaj san sábados uan domingos. Uelis kichiuaskej 30 noso 50 horas marzo uan abril, noijki ijkuak uits tlayekanki itech circuito.
¿Uan tla amo uelis tiyetoskej precursores auxiliares? Nin ma tikchiuakan: okachi ma titetlapouikan uan okachi kuali ma tikchiuakan. Maski uelis titetlapouiskej miak horas noso amo, ken tiktlasojtlaj Jehová, ma tikmakakan tlen okachi kuali tikpiaj itech xiuitl 2018 (Os. 14:2).
¿Ken uelis niktekichiuilis Jehová ika nochi noyolo ken tokni Sabina Hernández?
IJKUAK YONANKITAKEJ VIDEO “SABINA UELI KITEKICHIUILIA JEHOVÁ UAN TEJUAN NOIJKI UELIS TIKTEKICHIUILISKEJ”, XIKINNANKILIKAN NINMEJ TLAJTLANILMEJ:
¿Tlen kiyolinia tokni Sabina okachi ma kitekichiuili Jehová?
¿Ken mitsyolchikaua tlen kichiua tokni Sabina?
¿Keski metstli uelis tiyetos precursor auxiliar itech xiuitl 2018?