Ma tikinmititikan videos akinmej tikinmachtiaj

Tla tikitaj tlen techmachtiaj, okachi tikajsikamatij uan tikilnamikij. Ijkon okichi Jehová, ye okiteititi seki tlamantli ijkuak sekimej okinmachti (Gén. 15:5; Jer. 18:1-6). Jesús noijki ijkon okichi ijkuak otlamachtiaya (Mat. 18:2-6; 22:19-21). Axkan okachi tikintekitiltiaj videos uan melauak techpaleuiaj. ¿Tikinmititiaj videos akinmej tikinmachtiaj?

Axkan tikinpiaj majtlaktli videos tlen techpaleuiaj okachi kuali ma titlamachtikan, ika amatlajkuilol Kuali tlajtolmej techmaka toTajtsin Dios. Ualeua intoka videos mouikaj iuan tlajtlanilmej tliliuikej tlen katej itech amatlajkuilol. Amatlajkuilol tlen tikpiaj itech jw.org techiluia keman tiktekitiltiskej se video. Noijki katej oksekimej videos tlen techpaleuiaj ma titlamachtikan ika amatlajkuilolmej.

Tla akin tikmachtia kita oui kajsikamatis tlen nanmomachtijtokej noso kipia se ouijkayotl, xiktemo se video itech jw.org® noso itech JW Broadcasting® tlen uelis kipaleuis. Uelis san sekan nankitaskej uan nanmomachtiskej.

Sejse metstli kisaj yankuikej videos, ijkuak tikinmita ximokuayejyeko ken uelis tikinpaleuis oksekimej ika nonmej videos.