Ma timouikakan iuan akinmej kitlasojtlaj Jehová

¿Tleka moneki timouikaskej iuan akinmej kitlasojtlaj Jehová? Porque akinmej inmiuan timouikaj kipatlaj ken timokuayejyekoaj (Prov. 13:20). Tekiua Jehoás okichi tlen kuali ixpan Jehová ijkuak omouikaya iuan ueyi teopixki Jehoiadá (2 Crón. 24:2). Ijkuak Jehoiadá oixpoliuik, Jehoás okika Jehová porque opejki mouika iuan akinmej amo yolkualmej (2 Crón. 24:17-19).

Itech achto siglo tlatitlanil Pablo okijto tlanechikol okatka ken “se weyi kali” uan akinmej ompa opouiayaj, okatkaj ken vasos. Tla amo timouikaj iuan akinmej amo kitlakamatij Jehová, maski tokalchanejkauan noso tokniuan, tiyetoskej ken se vaso “non patio imak Toteko Dios” (2 Tim. 2:20, 21). Ik non, ma timouikakan iuan akinmej kitlasojtlaj Jehová uan techyoleuaj ma tiktekichiuilikan.

IJKUAK YOTIKITAK VIDEO AMO MA TIMOUIKAKAN IUAN AKINMEJ TECHIJTLAKOSKEJ, XIKINNANKILI NINMEJ TLAJTLANILMEJ:

• ¿Ken uelis timouikaskej iuan akinmej techijtlakoskej maski tejuan amo tikitaskej?

• ¿Tlen okinpaleui tokniuan ayakmo ma mouikakan iuan akinmej uelis kinmijtlakoskiaj?

• ¿Tlen principios bíblicos techpaleuiskej kuali ma tikinpejpenakan akinmej inmiuan timouikaskej?