“Tlali okitlapo ikamak iwa okitolo n atl”

Desde yiuejkika tekiuajkej yokipaleuijkej miak uelta ialtepe Jehová (Esd. 6:1-12; Est. 8:10-13). Axkan yotikitakej ken “tlali” (tekiuajkej tlen tlanauatiaj itech seki altepemej kiteititiaj melajkayotl), “okitolo n atl” non kijtosneki nochi ouijkayotl tlen kitekitiltia “dragón” noso Satanás (Apoc. 12:16). Jehová “akin techmakixtia”, miak uelta yokichi tekiuajkej ma kinpaleuikan itekipanojkauan (Sal. 68:20; Prov. 21:1).

Tla te titsaktok porque tiktekichiuilia Jehová, xikmato ye nochipa mitsmaluis (Gén. 39:21-23; Sal. 105:17-20). Jehová melauak mitsteochiuas uan tla amo tikkauas, miakej tokniuan itech nochi tlaltikpak kinyolchikauas tlen tikchiuas (Filip. 1:12-14; Apoc. 2:10).

IJKUAK YOTIKITAK VIDEO TOKNIUAN TLEN KATEJ COREA AYAKMO TSAKTOKEJ, XIKINNANKILI NINMEJ TLAJTLANILMEJ:

• ¿Tleka miakej tokniuan ompa Corea del Sur miak xiuitl okintsakej?

• ¿Tlen okijtojkej tekiuajkej uan non okinpaleui sekimej tokniuan ma kisakan?

• ¿Ken uelis tikinpaleuiskej tokniuan akinmej tsaktokej itech okseki altepemej?

• Tla kanin tichantij amo techtlajyouiltiaj tekiuajkej, ¿tlen moneki tikchiuaskej?

• ¿Akin moneki tiktlasojkamatiliskej porque miak uelta yotitlatlankej inmixpan tekiuajkej?