Ma tiyetokan tiyolchikauakej porque yitlamis tlen amo kuali

¿TLEKA MIAK IPATI? Ayakmo miak poliui panos miak tlamantli uan motas kox tiyolchikauakej uan kox tikneltokaj Jehová. Ueyi tlajyouilistli peuas ijkuak kinpojpoloskej nochi religiones tlen tlakajkayauaj (Mat. 24:21; Apoc. 17:16, 17). Ijkuakon xamo titetlapouiskej tlen amo kinpaktis oksekimej (Apoc. 16:21). Techtlajyouiltis Gog de Magog (Ezeq. 38:10-12, 14-16). Ijkuakon ‘motekilmakaskeh iwa n Dios nochi weletini itech neká weyi tonati non Ye yokitlali’ (Apoc. 16:14, 16). Moneki axkan ma tikpiakan chikauak totlaneltokilis tla tiknekij tiyetoskej tiyolchikauakej ijkuak titlajyouiskej.

¿KEN TIKCHIUASKEJ?

• Ma tikintlakamatikan itlanauatiluan Jehová (Is. 5:20).

• Ma tikueyichiuakan Jehová san sekan iuan tokniuan (Heb. 10:24, 25).

• San niman ma tikchiuakan tlen technauatia ialtepe Jehová (Heb. 13:17).

• Ma timokuayejyekokan ken okinmakixti itekipanojkauan Jehová (2 Ped. 2:9).

• Ma tiktlatlaujtikan Jehová uan ma tikneltokakan ye techpaleuis (Sal. 112:7, 8).

IJKUAK YOTIKITAK VIDEO MONEKI MA TIYETOKAN TIYOLCHIKAUAKEJ PARA TLEN YIKIN PANOS (VIDEO TLEN AMO UEYI), XIKINNANKILI NINMEJ TLAJTLANILMEJ:

• 

  ¿Ken okiteititijkej tokniuan otetlakamatkej ijkuak okipatlakej seki tlamantli itech intlanechikol?

• 

  ¿Tleka moneki tiyetoskej tiyolchikauakej uan ma titetlakamatikan?

• 

  ¿Tleka moneki tiyetoskej tiyolchikauakej ijkuak peuas Armagedón?

• 

  ¿Tlen techpaleuia ma tikneltokakan Jehová techmakixtis? (2 Crón. 20:1-24).