KEN TECHPALEUIA BIBLIA | ÉXODO 15, 16
Tikueyichiuaj Jehová ijkuak tiktlakuikiliaj
Tlatsotsonali kichiua itlaj ma tikmachilikan uan ma timokuayejyekokan. Tikueyichiuaj Jehová ijkuak tiktlakuikiliaj.
Moisés uan israelitas okitlakuikilijkej Jehová ijkuak okinmakixti ompa mar Rojo.
Tekiua David okintlali ompa teokali 4,000 tlakamej ma tlakuikakan uan ma tlatsotsonakan.
Se youak ijkuak Jesús yikimiktiskiaj, ye uan itlatitlaniluan okitlakuikilijkej Jehová.
¿Keman uelis tiktlakuikiliskej Jehová?