Amo ma tikijtojtinemikan tlen amo melauak

Axkan miakej san niman kimatij noticias porque kikakij radio, kitaj periódico, televisión uan Internet. Tejuan tikueyichiuaj Jehová uan ye nochipa kijtoua tlen melauak, ik non, amo tiknekij tiktematiltiskej tlen amo melauak (Sal. 31:5; Éx 23:1). Tla tikijtoskej itlaj tlen amo melauak, xamo ikaj tikyolkokoskej. Tikmatiskej kox itlaj melauak tla timotlajtlaniaj:

• ¿Uelis tikneltokiliskej akin okijto? Akin itlaj techiluia xamo amo kimati nochi tlen opanok. Ijkuak sekimej itlaj kijtojtinemij kajxitiliaj intlajtol, ik non, amo ma tikneltokakan porque amo tikmatij tlen melauak opanok. Akinmej tlayekanaj itech tlanechikol moneki yetos melauak tlen kijtoskej, ik non, okachi moneki momaluiskej para amo kijtoskej itlaj tlen amo kuali kimatij.

• ¿Kichiuas ayakmo kuali ma kitakan se tokni? Tla ayakmo kuali kitaskej se tokni, okachi kuali amitlaj ma tikijtokan (Prov. 18:8; Filip. 4:8).

• ¿Melauak opanok? Amo ma tikneltokakan nochi tlen oksekimej kijtojtinemij porque xamo amo melauak noso itlaj okajxitilijkej.

IJKUAK YOTIKITAK VIDEO AMO XITLAJTOJTINEMI, XIKINNANKILI NINMEJ TLAJTLANILMEJ:

• 

  Ijkon ken kijtoua Proverbios 12:18, ¿tlen panos tla san tlen tlamantli tikijtoskej?

• 

  ¿Ken techpaleuia Filipenses 2:4 ma timokuayejyekokan tlen tikinmiluiskej oksekimej?

• 

  ¿Tlen moneki tikchiuaskej tla ikaj peua tepinauia noso tlateneua?

• 

  ¿Tlen moneki timotlajtlaniskej tla tiknekij tikijtoskej itlaj tlen ikaj okipanok?