Tetajmej xikinmachtikan namokoneuan tlen moneki kimatiskej

Miakej kijtouaj tlen kuali amo kuali uan tlen amo kuali kema kuali (Is. 5:20). Teyolkoko miakej kichiuaj tlen Jehová kikokolia. Kichiuaj tlen amo kuali se tlakatl uan okse tlakatl uan se siuatl uan okse siuatl. Akinmej inmiuan momachtiaj tokoneuan uelis kinmiluiskej ma kichiuakan ijkon ken yejuan kichiuaj. Tetajmej, ¿tlen nankichiuaskej tla ijkon kinmiluiskej namokoneuan?

Xikinmachtikan tlen Jehová technauatia (Lev. 18:3). Ijkuak moskaltijtiuij xikinmachtijtiakan tlen kijtoua Biblia ijkuak se tlakatl uan se siuatl motekaj (Deut. 6:7). Ximotlajtlani: “¿Yonikinmachti nokoneuan keman kuali uan keman amo ijkuak ikaj kineki kinnapalos, kinpipitsos noso kinmakitskis? ¿Yonikinmachti tleka moneki kuali motlakentiskej? ¿Yikimatij moneki kintlakaitaskej? ¿Yonikinmititi tlen kichiuaskej tla oksekimej kinmititiaj pornografía noso kinmiluiaj ma kichiuakan tlen amo kuali?”. Tla non nankinmachtiaj, momaluiskej (Prov. 27:12; Ecl. 7:12). Ijkuak tikinmachtiaj tokoneuan tikteititiaj tikmaluiaj tlen Jehová otechtliokoli (Sal. 127:3).

IJKUAK YOTIKITAK VIDEO MA TIKCHIUAKAN SE KALI MA TLAXIKO. MA TIKINMALUIKAN TOKONEUAN, XIKINNANKILI NINMEJ TLAJTLANILMEJ:

• 

  ¿Tleka tetajmej kitaj oui kintlapouiskej inkoneuan ijkuak se tlakatl moteka iuan se siuatl?

• 

  ¿Tleka tetajmej moneki inkoneuan ‘kinyekiskaltikeh ika tlanonotsálistli iwa ika itlajtolʼ Jehová? (Efes. 6:4).

• 

  ¿Ialtepe Jehová tlen tlamantli yokinmakak tetajmej para ma kinpaleuikan inkoneuan? (w19.05 pág. 12, xikita recuadro).

• ¿Tleka tetajmej moneki motlapouiskej iuan inkoneuan para amo kinpanos tlen amo kuali?