¡Nochtin xikinmilui satepan kuali tiyetoskej!

Itech noviembre timochijchikauaskej nochtin tikinmiluiskej ayakmo miak poliui uan nochtin kuali tiyetoskej (Sal. 37:10, 11; Apoc. 21:3-5). Ma timochijchikauakan para uelis okachi titetlapouiskej itech non metstli. Akinmej mochiuaskej precursores auxiliares uelis kichiuaskej 30 noso 50 horas.

Itech non metstli miakej ma tikinmititikan se texto kanin kijtoua ken tiyetoskej satepan. Achto ma tikitakan akinmej tikintlapouiskej ma timokuayejyekokan tlen okachi kinpaktiskia kikakiskej uan ijkon tikitaskej tlen texto tikintlajtoltiliskej. Tla techkakij, uelis tikinmakaskej revista Akin Tetlapouijtok número 2 del 2021 (tlen ika titetlapouiaj). San niman oksepa ma tikintlapouitij uan ma timochijchikauakan ma tikinmachtikan ika amatlajkuilol Tiyoltos uan tiyolpakis. ¡Tiyolpakij tikinmatiltiskej oksekimej satepan okachi kuali tiyetoskej! (Is. 52:7).

IJKUAK YOTIKITAK VIDEO MELAUAK TIYOLPAKISKEJ, XIKINNANKILI NINMEJ TLAJTLANILMEJ:

• ¿Tlen mokuayejyekoua takotsin panos satepan?

• ¿Tlen tlamantli okachi mitspaktiskia tikpias itech xochitlali?

• ¿Tleka tla timokuayejyekos itech xochitlali mitspaleuis okachi xitetlapoui itech noviembre? (Luc. 6:45).