OKACHI KUALI MA TITLAMACHTIKAN | XIYOLPAKI IJKUAK TITETLAPOUIA

Ma tikinpaleuikan akinmej tikinmachtiaj ayakmo ma kichiuakan tlen amo kuali

Tla akinmej tikinmachtiaj kinekij mouikaskej iuan Jehová moneki ayakmo kichiuaskej tlen amo kuali (1 Ped. 1:14-16). Ijkon kuali yetoskej, kuali mouikaskej iuan infamilia, amo mokokoskej uan kinmajxilis intomin.

Xikinmiluikan akinmej nankinmachtiaj tlen kineki Jehová ma kichiuakan, tleka ijkon kinmiluiaj uan ken kinpaleuis tla ijkon kichiuaj. Achto xikinpaleuikan ma kipatlakan ken mokuayejyekouaj uan satepan kichiuaskej tlen moneki (Efes. 4:22-24). Ma tikinmiluikan Jehová kinpaleuis ma kikauakan tlen okichiuayaj maski sapanoua oui (Filip. 4:13). Ma tikinmachtikan san niman ma kitlatlaujtikan Jehová ijkuak itlaj kinyoltilanas. Ma tikinpaleuikan ma kitakan tlen tlamantli uelis kichiuas ma tlajtlakolchiuakan. Noijki ma kichiuakan okseki tlamantli para amo mokuayejyekoskej kichiuaskej tlen amo kuali. Melauak tiyolpakis ijkuak tikitas ken Jehová kinpaleuia akinmej tikinmachtia para ayakmo ma kichiuakan tlen amo kuali.

IJKUAK YOTIKITAK VIDEO MA TIKINPALEUIKAN AKINMEJ TIKINMACHTIAJ MA KIKAUAKAN TLEN JEHOVÁ KIKOKOLIA, XIKINNANKILI NINMEJ TLAJTLANILMEJ:

¿Ken okiteititijkej tlayekankej uan Ana okineltokayaj Coral uelis kikauaskia marihuana?
¿Tlen okichi Ana para kipaleuis Coral?
¿Tlen okichi Coral para ma kipaleui Jehová?