Akinmej monamiktiaj moneki nochipa yetoskej san sekan

Ijkuak akinmej monamiktiaj san sekan katej, kiyolpaktiaj Jehová uan yejuan yolpakij (Mar. 10:9). Ijkuak se tokni kineki yolpakis uan nochipa yetos iuan inamik noso isiua, moneki moyekanas ika principios bíblicos ijkuak kipejpenas akin iuan monamiktis.

Amo xiktemo monovio noso monovia hasta ijkuak yitikpias xiuitl, non kijtosneki ijkuak ikaj ayakmo san kineki ikaj iuan motekas (1 Cor. 7:36). Tla ok moselti, xikita ken okachi timouikas iuan Jehová uan ximochijchikaua tikchiuas ken Cristo. Non mitspaleuis tiktlasojtlas monamik noso mosiua ijkuak timonamiktis.

Moneki kuali xikixmati achto akin iuan timonamiktis, ijkon tikitas tlen kipia ‘tlaijtik, itech iyoloʼ (1 Ped. 3:4). Tla itlaj mitstekipachoua ximotlapoui iuan akin tikneki timonamiktis. Ijkuak ikaj monamiktia noso kineki ikaj iuan mouikas, moneki kitas tlen uelis kitemakas uan amo san tlen uelis kiselis (Filip. 2:3, 4). Tla ok timoselti uan timoyekana ika principios bíblicos, amo tikitas oui ijkon tikchiuas ijkuak timonamiktis uan tiyolpakis.

IJKUAK YOTIKITAK VIDEO ¿TLEN MITSPALEUIS TLA TIKNEKI TIMONAMIKTIS? PARTE 3: XIKITA TLA MITSAJXILIS TOMIN, XIKNANKILI NIN:

• ¿Ken omouikaya tokni siuatl iuan Shane ijkuak opejki kixmati?

• ¿Tlen okitak tokni siuatl ijkuak okachi okixmatiaya Shane?

• ¿Ken okipaleuijkej itatajuan uan tlen okichi?