TIKCHIUAJ KEN CRISTO
Achto itlaj mitspanos ximoyektlali
¿Tleka moneki timoyektlaliskej? Tinochtin uelis timokokoskej noso itlaj techpanos uan monekis techuikaskej itech hospital. Pero achto moneki tikmatiskej tlen tikchiuaskej tla tiknekij kuali matechpajtikan. Ijkon tikteititiskej timomaluiaj uan tiktlakamatij Jehová ijkuak kijtouaj amo matikmotlalilikan estli (Hech. 15:28, 29, TNM).
¿Ken timoyektlaliskej?
Ijkuak kuali yotimokuayejyekojkej uan yotimotlatlaujtijkej, matiktemitikan amatl kanin kijtoua amo tikseliaj estli (DPA).a Akinmej yomoapolaktijkej uelis kitlajtlaniliskej nin amatl akin kintemaka amatlajkuilolmej uan tetajmej uelis kitlajtlaniskej Tarjeta de identidad (ic) para inkoneuan.
Tla ikaj kipias ikonetsin, makitlajtlanili se tlayekanki amatl Tlen moneki kimatiskej siuamej tlen kipiaskej inkonetsin (S-401). Nin amatl kinpaleuis makimatikan tlen kichiuaskej tla itlaj kinpanos ijkuak ayamo nesi inkonetsin noso ijkuak yinesis.
Tla kinekij mitstlaliliskej estli noso timokauas itech hospital, xikinmilui tlayekankej uan noijki xikinmilui tlapajtijkej tikneki se iTlaixpantijka Jehová mamitstlajpaloti.
¿Ken uelis tlapaleuiskej tlayekankej? Uelis mitspaleuiskej xiktemiti amatl DPA, pero yejuan amo kipejpenaskej ken timopajtis nion mitsiluiskej tleka ijkon otikpejpenki timopajtis (Rom. 14:12; Gál. 6:5). Ijkuak tikinmiluis tlayekankej tlapajtijkej kinekij mitstlaliliskej estli, yejuan san niman motlapouiskej inmiuan akinmej pouij itech Comité de Enlace con los Hospitales (CEH) para mamitspaleuikan.
¿Ken tlapaleuia CEH? Ninmej tokniuan kinmachtiaj ken motlapouiskej inmiuan tlapajtijkej uan tekiuajkej para makajsikamatikan tleka amo tikmotlaliliaj estli. Yejuan uelis kinmiluiskej onka okse tlamantli tlen uelis ika techpajtiskej para amo matechtlalilikan estli uan tla moneki uelis kitemoskej okse tepajti tlen amo tlapajtia ika estli.
IJKUAK YOTIKITAK VIDEO ¿TLEN TECHPALEUIS MA TIKMATIKAN KOX TIKMOTLALILISKEJ ESTLI?, XIKNANKILI NIN:
¿Ken uelis timoyektlalis para tikmatis tlen moneki tikchiuas tla timokokos uan kinekiskej mitstlaliliskej estli?
a Amochtli Tiyoltos uan tiyolpakis itech tlamachtil 39 uelis mitspaleuis kuali xikpejpena tlen tikchiuas tla kinekiskej mitstlaliliskej estli.