TIKCHIUAJ KEN CRISTO
Jehová mitspaleuis xitlaxiko
Ken tikatej itlamian tonalmej tinochtin titlajyouiaj, xamo tikmachiliaj ayakmo titlaxikoskej. Pero tla amo tikkauaj Jehová, uelis titlaxikoskej maski sapanoua titlajyouiaj (Is. 43:2, 4). Tla ijkon mitspanotok, ¿tlen mitspaleuis ok ximouika iuan Jehová?
Ximotlatlaujti. Tla tikiluiaj Jehová tlen techpanoua, ye techpaleuis matitlaxikokan uan matimoyolseuijtokan (Filip. 4:6, 7; 1 Tes. 5:17).
Ximonechiko. Ijkuak timonechikouaj Jehová techpaleuia uan techmachtia, noijki timoyolchikauaj inmiuan tokniuan (Heb. 10:24, 25). Para techpaleuis iespíritu santo Jehová moneki nochipa timonechikoskej, timoyektlaliskej uan titlanankiliskej (Apoc. 2:29).
Xitetlapoui. Tla timochijchikaua titetlapouis, okachi tiyolpakis uan kuali timomachilis. Non kichiuas okachi ximouika iuan Jehová uan noijki inmiuan tokniuan (1 Cor. 3:5-10).
IJKUAK YOTIKITAK VIDEO JEHOVÁ NOCHIPA ONECHMALUI, XIKNANKILI NIN:
¿Tlen okipaleui Malu amo makikaua Jehová?
¿Ken techyolchikaua Salmo 34:18 ijkon ken okiyolchika Malu?
¿Ken techpaleuia Jehová ijkuak titlajyouiaj ijkon ken okipaleui Malu? (2 Cor. 4:7).