¿Ken uelis titlapaleuiskej kanin tlaxixini?

Axkan okachi tlaxixini. Tokniuan tlen tlapaleuiaj kanin tlaxixini kuali moyektlaliaj para tlapaleuiskej kanin itlaj panoua. Ikinon tokniuan tlen pouij itech Cuerpo Gobernante okinmiluijkej akinmej tlapaleuiaj Betel itech nochi tlaltikpak, moneki yetoskej sekimej tokniuan tlen tlapaleuiskej ijkuak tlaxixini.

Ijkuak ninmej tokniuan kimatij itlaj amo kuali opanok, san niman kinnotsaj tlayekankej para kimatiskej ken moneki kinpaleuiskej tokniuan. Tla sapanoua otlaxixinki uan tokniuan moneki makinpaleuikan, akinmej tlapaleuiaj Betel kintitlanij sekimej tokniuan matlapaleuitij. Yejuan kinmiluiaj oksekimej tokniuan makinpaleuikan noso kintlajtlaniliaj seki tlamantli tlen uelis tlapaleuis. Noijki uelis kikouaskej seki tlamantli uan kinmakaskej tokniuan tlen tlajyouijtokej.

Moneki kuali timoyektlaliskej ijkuak tlaxixini. Tla ijkon tikchiuaskej, okachi kuali titlapaleuiskej uan amo san timotonalpoloskej. Noijki kuali motekitiltis tomin uan seki tlamantli tlen kikouaj tokniuan pero okachi oui titlapaleuiskej tla amo timoyektlaliaj.

Tokniuan tlen tlapaleuiaj Betel kintitlanij sekimej tokniuan uan yejuan kimatij tlen moneki mokouas uan keski tokniuan moneki tlapaleuiskej. Yejuan noijki uelis motlapouiskej inmiuan tekiuajkej uan ijkon xamo okachi kuali tlapaleuiskej. Ikinon tla tikmati kanaj otlaxixinki, amo xikinmilui tokniuan mamitsmakakan tomin noso okseki tlamantli para tiktitlanis nion amo xio kanin otlaxixinki.

Tejuan tikintlasojtlaj tokniuan ikinon tiknekij tikinpaleuiskej (Heb 13:16). ¿Tlen uelis tikchiuaskej? Ximotlatlaujti inpatka tokniuan uan inpatka akinmej kinpaleuiaj. Noijki uelis tiktemakas motomin ika nochi moyolo. Cuerpo Gobernante kinyekanaj tokniuan tlen tlapaleuiaj Betel, ikinon yejuan kuali kimatij ken uan kanin kitekitiltiskej tomin. Tla tikneki titlapaleuiti kanin otlaxixinki, xiktemiti Solicitud de voluntario local de diseño y construcción (DC-50).

IJKUAK YOTIKITAK VIDEO SAPANOUA OATEMIK BRASIL, XIKNANKILI NIN:

¿Tlen okachi omitspakti ijkuak otikitak tokniuan otlapaleuijkej Brasil?