KEN TECHPALEUIA BIBLIA

Noyolo nochipa ompa yetos

Jehová okijto okipejpenki iteokal (2 Crón. 7:11, 12).

Iyolo Jehová nochipa yetoskia itech iteokal. Non kijtosneki ye nochipa kitaskia tlen opanouaya itech non kali tlen okipiaya itoka (2 Crón. 7:16; w02-S 15/11 pág. 5 párr. 1).

Tla israelitas ayakmo kitekichiuiliskiaj Jehová ika nochi inyolo, ye kitekauiliskia makipojpolokan teokali (2 Crón. 6:14; 7:19-21; it-2-S pág. 1098 párr. 3).

Fotos: Tokniuan tlatlamantli kiueyichiuaj Jehová. 1. Se tokni motlatlaujtia. 2. Se tokni tlanankilia ijkuak monechikoua. 3. Se tokni tetlapouia iuan isiua. 4. Se tokni tlachipaua kanin timonechikouaj. 5. Se tokni iuan ifamilia kiueyichiuaj Jehová. 6. Se tokni kitlajtoltia Biblia. 7. Se tokni kitemaka itomin.

Ijkuak okiyankuilijkej teokali, xamo israelitas omokuayejyekojkej nochipa kitekichiuiliskiaj Jehová ika nochi inyolo pero yejuan okikajkej Jehová uan ayakmo okitekichiuilijkej ken achto okichiuayaj.

XIMOTLAJTLANI: “¿Ken nikteititia nikueyichiua Jehová ika nochi noyolo?”.