TIKCHIUAJ KEN CRISTO

Xikinpaleui akinmej amo tlaneltokaj makixmatikan akin otechchijchi

¿Timomojtia tiktlapouis akin amo tlaneltoka porque timokuayejyekoua amo mitskakis? Xikilnamikto miakej tokniuan amo otlaneltokayaj uan sekimej amo okineltokayaj kajki toTajtsin Dios. Miakej san omonekiaya ikaj makinpaleui makineltokakan melauak kajki (Rom. 1:20; 10:14).

IJKUAK YOTIKITAK VIDEO XIKILNAMIKI: AKINMEJ AMO TLANELTOKAJ UELIS TLANELTOKASKEJ: AKINMEJ AMO KIPIAJ RELIGIÓN, XIKNANKILI NIN:

¿Tleka tlen okipanok Tommaso techpaleuia matikintlapouikan akinmej amo tlaneltokaj?

Xitlanankili

¿Ken uelis tikchiuas?

Tla tikajsi akin amo kineltoka kajki toTajtsin Dios, amo xikualani, kuali iuan ximotlapoui, xikkaki tlen mokuayejyekoua uan tlen kimachilia (2 Tim. 2:24). Xiktlapoui tlen makipakti. Tla kineki kimatis tleka sekimej okineltokakej melauak kajki toTajtsin Dios, xikititi videos uan amatlajkuilolmej tlen tikinpiaj. Amatlajkuilol ¿Es la vida obra de un Creador? uan El origen de la vida. Cinco cuestiones dignas de análisis, yokintlalijkej kanin katej amatlajkuilolmej tlen ika titlamachtiaj, ijkon amo oui tikinmajsiskej.

Xamo timomojtis ijkuak tiktlapouis akin amo kineltoka kajki toTajtsin Dios. Tla ijkon mitspanoua, xikilui se tokni tlen kuali tetlapouia mamitspaleui. Noijki xikilnamikto Jehová mitspaleuis maajsi itech inyolo akinmej tikintlapouia maski yejuan amo tlaneltokaj (Hech. 13:48).