¿Kajki se amochtli tlen mitspaleuis kuali xiyeto satepan?

Yotikitakej miakej kinekij kuali yetoskej satepan, ik non, kineltokaj itlaj yikajki tlen kiteititia tlen kinpanos satepan, okachi momachtiaj, kitemouaj kipiaskej miak tomin noso oksekimej kinekij yetoskej yolkualmej. Pero non yetoskia ken kitaj se mapa tlen amo kuali kajki. Non amo kijtosneki amikaj uelis techpaleuis para kuali tiyetoskej satepan.

KAJKI IKAJ IXTLAMATKI TLEN UELIS TECHYEKANAS

Ijkuak itlaj tikpejpenaj tikchiuaskej achto tikiluiaj ma techpaleui akin yikipia miak xiuitl noso akin okachi ixtlamatki. Ik non, tla tiknekij kuali tiyetoskej satepan, moneki ma techpaleui akin okachi kimati uan okachi ixtlamatki. Uelis techpaleuis se amochtli tlen yiuejkika omoijkuilo, yikipia kanaj tres mil quinientos xiuitl. Non amochtli, Biblia.

¿Tleka uelis tikneltokas tlen kijtoua Biblia? Porque akin okijkuilo okachi ixtlamatki. Ye “Akin nochipa kajki” ‘uan nochipa yetos’ (Daniel 7:9; Salmo 90:2). Biblia kijtoua ye “oKichijchi iluikak, Ye akin melauak toTajtsin Dios, akin okichijchi tlaltikpak” (Isaías 45:18). Uan techiluia itoka Jehová (Salmo 83:18).

Tlen ijkuilitok itech Biblia iaxka toTajtsin Dios uan ye otechchijchi, ik non, ye techititia amo ma timochikoitakan. Tlen techiluia yokinpaleui miakej. Non amochtli yomotlajtolkopki ika miak tlatlamantli tlajtolmej uan yokixexelojkej itech nochi tlaltikpak.a Ik non, nochtin uelis kajsikamatiskej uan uelis kichiuaskej tlen ompa kijtoua. Biblia kijtoua:

“Dios amo kintlasojtla san sikimeh, iwa oksikimeh amó, yej itech nochi nin tlaltíkpaktli, Dios kinselia akimeh kitlakitah iwa kichiwah tlan kuali” (HECHOS 10:34, 35).

Ijkon ken se teta kintlasojtla uan kinpaleuia ikoneuan, toTajtsin Jehová techtlasojtla uan techpaleuia ika iTlajtol Biblia (2 Timoteo 3:16). Uelis tikneltokas tlen kijtoua iTlajtol toTajtsin Dios porque ye otechchijchi uan kimati ken techpaleuis.

UELIS TIKNELTOKASKEJ TLEN KIJTOUA BIBLIA

Uelis tikneltokaskej tlen kijtoua Biblia porque yikipia kanaj dos mil xiuitl okijto tlen panoskia itech nochi tlaltikpak uan ken kipiaskiaj innemilis akinmej nikan chantij.

NIN PANOSKIA

“Tlanawatijkeh de se weyi tlali motekilmakaskeh iwa n tlanawatijkeh de ok se weyi tlali, iwa n tekiwajkeh de se altepetl motekilmakaskeh iwan tekiwajkeh de ok se altepetl. Tlalolinis chikawak, iwa sentetl yetos apisotl iwa kokólistli” (LUCAS 21:10, 11).

TLALTIKPAKTLAKAMEJ

“Itech iksemi tonatijmeh yetos miak tlaijyowílistli. N tlakah yetoskeh xíkojteh, satlawel kiwilitaskeh tomi, moweyiliskeh iwa xaxankuatiskeh. Tlajtoskeh fiero de Dios, iwa mach kintlakitaskeh intajwah. Amo kimatiskeh motlasojkamatiskeh iwa mach ok kitlakitaskeh Dios. Mach kimatiskeh tetlasojtlaskeh nion tetlapojpolwiskeh. Satlawel kiwilitaskeh tepojpoaskeh iwa amo kixikoskeh tlan amokuali kelewis inkuerpo, tetlaijyowiltiskeh iwa kikokoliskeh tlan kuali. Yetoskeh teichtakawijkeh, ayakmó pinawaskeh nion mach itla kixmawiliskeh. Moyolpaktijtinemiskeh ika tlan amo kuali kelewia inkuerpo, iwa ayakmó kitemoskeh Dios” (2 TIMOTEO 3:1-4).

Ijkuak tikita tlen yiuejkika okijto Biblia mochijtok, ¿tlen timokuayejyekoua? Xamo timokuayejyekoua ken Leung, tlen ialtepe Hong Kong, ye okijto: “Nonmej profecías tlen yiuejkika okijkuilojkej melauak mochijtok uan mota amo okijto se tlakatl. Tlen ijkuilitok itech Biblia iaxka akin sapanoua ixtlamatki”.

Itech Biblia ijkuilitok miak profecías tlen yomochijkej.b Non kiteititia itlajtol toTajtsin Dios. Jehová kijtoua: “Ne niDios uan amo onka okse”. “Nikijtoua ken tlamis se tlamantli” (Isaías 46:9, 10). Ik non, uelis tikneltokaskej tlen kijtoua Biblia panos satepan.

¿TLEN MITSPALEUIS AXKAN UAN SATEPAN?

Tla tikchiua tlen kijtoua Biblia, kuali tiyetos axkan uan satepan. Ximokuayejyeko tlen nikan kajki.

TOMIN UAN TEKITL

“Okachi kuali tepitsin ma timoseuikan uan amo sapanoua ma titekipanokan porque yetoskia ken tiktokaj ejekatl” (ECLESIASTÉS 4:6).

TOFAMILIA

“Nochi tlakatl makitlasojtla isiwa kemi ye inewia motlasojtla, iwa n tesiwa noiwa makitlakita iokich [noso inamik]” (EFESIOS 5:33).

KUALI TIMOUIKASKEJ IUAN OKSEKIMEJ

“Ximoyolseui uan ayakmo xikualani; amo san niman xikualani para tiktechiuilis tlen amo kuali” (SALMO 37:8).

Techpaleuis tla tikchiuaj tlen kijtoua Biblia porque satepan kuali tiyetoskej. Biblia kijtoua tlen kichiuas toTajtsin Dios para kuali ma tiyetokan.

TIKPIASKEJ YOLSEUILISTLI

“Melauak yolpakiskej porque yetos miak yolseuilistli” (SALMO 37:11).

TIKPIASKEJ TOKALIJTIK UAN TLAKUALI

“Kinchijchiuaskej kalmej uan ompa chantiskej, kitokaskej viñas uan kikuaskej itlakilo” (ISAÍAS 65:21).

AMIKA MOKOKOS NION IXPOLIUIS

“Ayakmó yetos mikílistli, nion chokílistli, nion neyolkókoli, nion tekipanólistli” (APOCALIPSIS 21:4).

¿Tlen moneki tikchiuas para ijkon kuali tiyetos? Non tikitas itech okse tlamachtil.

a Tla okachi tikneki tikmatis ken okitlajtolkopkej Biblia uan ken okixexelojkej, xikalaki itech www.jw.org kanin kijtoua BIBLIA TLAMACHTIA > BIBLIA UAN TLEN YIUEJKIKA OPANOK.

b Tla okachi tikneki tikmatis xikita amochtli La Biblia... ¿la Palabra de Dios, o palabra del hombre? tlamachtil 9. Okichijchijkej iTlaixpantijkauan Jehová uan kajki itech www.jw.org. Xikalaki kanin kijtoua BIBLIOTECA > OTRAS PUBLICACIONES.