Nin uelis timomachtis

¿Tlen moneki achto timomachtiskej?

Ualeua amo ueli timomachtiaj Biblia ken tiknekiskiaj tikchiuaskej. ¿Ken uelis timomachtiskej? Kuali matimomachtikan ijkuak tiktlajtoltiaj Biblia. Tla amo miak tiktlajtoltiskej okachi tikajsikamatiskej uan techpaleuis.

Matimokuayejyekokan tlen achto tikchiuaskej (Efes. 5:15, 16). Nin uelis tikchiuaskej:

Nochipa matiktlajtoltikan Biblia (Sal. 1:2). Uelis tiktlajtoltiskej capítulos tlen timomachtiaj ijkuak timonechikouaj tlajko semana.
Matimomachtikan tlen tikitaskej tlajko semana uan itlamian semana. Kuali matimomachtikan para titlanankiliskej (Sal. 22:22).
Noijki tla ok timajxiliaj para okachi timomachtiskej, matimomachtikan revistas tlen ika titetlapouiaj, videos uan nochi tlen kajki itech jw.org.
Matikitakan tlen okachi moneki timomachtiskej. Matimomachtikan tlen uelis techpaleuis tla timotekipachouaj. Noijki matimomachtikan tlen amo tikajsikamatij noso tlen tiknekij okachi tikmatiskej.