Moijtoua tlen opanok

Tikinpaleuiaj oksekimej ijkuak titeiknomatij

Se tonal, se tokni tlen chanti Nueva Zelanda okitak video tlen itoka “Preocupémonos unos por otros” kanin kijtoua Jehová kiteititia teiknomati uan amo san ijkon kijtoua (Is. 63:​7-9). Ikinon san niman okitemo akin uelis kipaleuis. Non tonal okiski otlakouato, ompa okitak se siuatl ipan ojtli uan okilui kitlakualkouiskia. Siuatl okijto kiseliskia. Ijkuak okiuikili tlakuali, opejki kitlapouia ika amatsintli ¿Se tonal tlamis tlajyouilistli?

Siuatl opejki choka. Okilui achto omomachtiaya Biblia ijkuak okatka takotsin pero yimiak xiuitl ayakmo omonechikouaya inuan tokniuan. Noijki okijto okitlatlaujtijtoka Jehová makipaleui oksepa monechikos. Tokni okimakak se Biblia uan okijtojkej san sekan momachtiskiaj.a

Tejuan noijki uelis tikteititiskej titeiknomatij ijkon ken Jehová kichiua. Uelis ijkon tikinmititiskej tofamiliares uan tokniuan kanin timonechikouaj. Noijki uelis ijkon tikteititiskej ijkuak timochijchikauaj nochipa titetlapouiskej.