“Iwa nochipa xikintlakitakah akimeh nemih kemi ye”

AKINMEJ pouij itech Cuerpo Gobernante xexelitokej itech chikuase nechikolmej.a Itech xiuitl 1992 opejki kinpejpenaj tlayekankej tlen chikauak intlaneltokilis pampa ma kinpaleuikan. Akinmej kinpaleuiaj mokauaskej itech Tlaltikpak (Juan 10:16). Yejuan sejse semana monechikoaj iuan akinmej kinpaleuiaj, kinmiluiaj Cuerpo Gobernante tlen kintlajtlaniliaj uan kinmiluiaj tlen uelis kichiuaskej. Tokniuan tlen pouij itech Cuerpo Gobernante kipejpenaj tlen mochiuas, uan akinmej kinpaleuiaj kitaj melauak ijkon ma mochiua. Yejuan kinekij kichiuaskej san tlen tekitl kinmakaskej. Uan noijki ijkuak tokniuan tlen pouij itech Cuerpo Gobernante yauij itech se ueyi nechikol internacional noso okseki nechikolmej, yejuan noijki yauij. Ualeua noijki yauij ipatka Cuerpo Gobernante pampa kintlajpaloskej kalmej kanin moyekana tekitl.

Se tokni tlen itech xiuitl 1992 opejki kipaleuia Cuerpo Gobernante, kijtoa ijkuak kuali kichiua iteki, nin kichiua tokniuan tlen pouij itech Cuerpo Gobernante kuali ma kichiuakan tekitl tlen toTajtsin Dios okinmakak. Okse tokni tlen yikipia 20 xiuitl kipaleuia Cuerpo Gobernante kijtoa amo keman omokuayejyeko kipiaskia nin tlateochiualistli.

Tokniuan tlen pouij itech Cuerpo Gobernante yokinmakakej miak tekitl ninmej tokniuan uan melauak kipatioitaj nochi tlen yejuan kichiuaj. Tinochtin moneki ma tikintlakaitakan tokniuan akinmej kichiuaj nin tekitl (Filipenses 2:29).