Comstock Images/Stockbyte via Getty Images
¡XIMOMALUIJTOKAN!
¿Akin tikneki mamitsnauati? | ¿Tlen kijtoua Biblia?
Siuamej uan tlakamej kipejpenaskej akin kinekij makinnauati.
¿Tlen kijtoua Biblia?
Tekiuajkej amo nochi ueli kichiuaj
Biblia kijtoua tekiuajkej amo uelis kichiuaskej miak tlamantli.
“Amo xikinneltokilikan akinmej tlanauatiaj nion ikone se tlaltikpaktlakatl akin amo ueli temakixtia. Ijkuak ikaj ixpoliui oksepa mokopa tlali, itech non tonal melauak poliui nochi tlen mokuayejyekoua” (Salmo 146:3, 4 xikita nota).
Maski sekimej tekiuajkej mochijchikauaj kichiuaskej tlen kuali, satepan ixpoliuiskej uan amo uelis kichiuaskej oksekimej tekiuajkej makichiuakan ken yejuan (Eclesiastés 2:18, 19).
Biblia kijtoua tlakamej amo kinnamiki san inselti mamonauatikan.
“Tlakatl amo kinamiki monauatis nion kinamiki kiyekanas kanin tlaksas” (Jeremías 10:23).
¿Axkan ikaj uelis kuali tlanauatis?
Se tekiua tlen toTajtsin Dios okitlali
Biblia kijtoua toTajtsin Dios okitlali Jesús matlanauati uan ye kuali tlayekana (Salmo 2:6). Jesús kajki ken tekiua itech iTekiuajkayo toTajtsin Dios tlen kajki iluikak (Mateo 6:10).
¿Tikkauilis Jesús mamitsnauati? Biblia kijtoua miak ipati tla ijkon tikpejpenas.
“Xiktlakaitakan tekone [Jesucristo] tlamo toTajtsin Dios kualanis uan nanmikiskej itech ojtli, porque ye san niman kualani. Yolpakij akinmej itech mopaleuiaj” (Salmo 2:12).
Axkan moneki tikpejpenas akin tikneki matechnauati. Jesús opejki tlanauatia itech xiuitl 1914 uan ayakmo miak poliui iTekiuajkayo toTajtsin Dios kinpojpolos nochtin tekiuajkej (Daniel 2:44).
Tla tikneki okachi tikmatis ken tikpaleuis iTekiuajkayo toTajtsin Dios, xiktlajtolti nin tlamachtil tlen itoka “Axkan ma tiktemokan iTekiuajkayo toTajtsin Dios”.