¿Uelis tlapaleuiskej nochi altepemej para ayakmo maijtlakaui tlaltikpak? | ¿Tlen kijtoua Biblia?

Domingo 20 de noviembre 2022 otlanki omonechikojkej Naciones Unidas tlen kitaj ken yoijtlakauik tlaltikpak (COP27). Akinmej omonechikojkej omotlapouijkej kinmakaskej tomin akinmej chantij itech altepemej kanin okachi tlajyouiaj para kinpaleuiskej. Pero miakej kijtouaj non amo tlapaleuis para ayakmo maijtlakaui tlaltikpak.

• 19 de noviembre 2022 se tlakatl tlen itoka António Guterres uan secretario general itech Naciones Unidas, okijto: “Nipaki otikijtojkej tiktemakaskej tomin [...]. Pero amo san non moneki tikchiuaskej porque tlaltikpak okachi ijtlakaui”.

• 20 de noviembre 2022 se siuatl tlen itoka Mary Robinson uan okatka tekiua itech altepetl Irlanda uan otlapaleuiaya itech ONU para Derechos Humanos, okijto: “Tlaltikpak uelis san niman okachi ijtlakauis”.

Telpochmej okachi kintekipachoua ken yetos tlaltikpak. ¿Uelis altepemej san sekan tekipanoskej uan tlapaleuiskej para amo okachi maijtlakaui tlaltikpak? ¿Tlen kijtoua Biblia?

¿Uelis san sekan tekipanoskej nochi altepemej uan mopaleuiskej?

Sekimej sapanoua tekipanouaj uan kinekij tlapaleuiskej para ayakmo maijtlakaui tlaltikpak pero Biblia kijtoua amo uelis nochi kiyektlaliskej. Matikitakan tleka:

• “Tlen chijkoltik amo uelis kimelauaskej” (Eclesiastés 1:15).

  Kijtosneki: Tejuan amo otechchijchijkej para matimonauatikan ikinon tekiuajkej amo ueli itlaj kichiuaj (Jeremías 10:23). Maski altepemej mochijchikauaskej san sekan tekipanoskej amitlaj uelis kiyektlaliskej.

• “N tlakah yetoskeh xíkojteh, satlawel kiwilitaskeh tomi, [...] nion tetlapojpolwiskeh [noso amo teajsikamatiskej]” (2 Timoteo 3:2, 3).

  Kijtosneki: Biblia kijtoua miakej tlaixnekiskiaj uan amo kinekiskiaj san sekan tekipanoskej inmiuan oksekimej. Axkan tikitaj ijkon panotok.

Tlen techpaleuis amo matimosotlauakan

Tlen kijtouaj tekiuajkej kichiuaskej amo tlapaleuis kuali mayeto tlaltikpak. Ikinon toTajtsin Dios yokitlali Jesucristo ken tekiua para matlanauati tlaltikpak. Biblia kijtoua:

• “Itech iajkoluan kipias tekiuajkayotl. Uan itoka yetos Akin kuali Tlanojnotsa, Dios tlen Chikauak, Tajtsin tlen nochipa yoltok, Tekiua tlen kitemaka Yolseuilistli” (Isaías 9:6).

Jesús okitlalijkej makiyekana iTekiuajkayo toTajtsin Dios tlen kajki iluikak (Mateo 6:10). Ye kipia chikaualistli, ixtlamatki, kineki kimaluis tlaltikpak uan noijki akinmej ipan chantiskej (Salmo 72:12, 16). Ijkuak ualtlanauatis, kinpojpolos “akimeh kijtlakoah n tlaltíkpaktli” uan tlayektlalis (Apocalipsis 11:18; Isaías 35:1, 7).

Tla tikneki tikmatis ken moyektlalis tlaltikpak, xiktlajtolti nin tlamachtil tlen itoka “¿Qué dice la Biblia sobre el cambio climático y nuestro futuro?”.