Ixtlamatkej okijtojkej Reloj del Juicio Final yitlamis | ¿Tlen kijtoua Biblia?

24 de enero 2023, ixtlamatkej okijtojkej Reloj del Juicio Finala yitlamis, nin kijtosneki yipojpoliuis tlaltikpak.

• “Nin martes, Reloj del Juicio Final, tlen kiteititia nochi tlen amo kuali panoua, yitlamis porque mochijtok guerra ompa Ucrania, motekipachouaj porque kijtouaj kinkajkauaskej bombas uan san kanin tlaxixini” (Servicio internacional de noticias de la agencia AFP).

• “Nin martes ixtlamatkej okijtojkej axkan Reloj del Juicio Final kineskayotia poliui 90 segundos para ajsis tlajko youak, kijtosneki yipojpoliuis tlaltikpak” (ABC News).

• “Sekimej ixtlamatkej okijtojkej axkan panoua miak tlamantli tlen kichiuas san niman matiixpoliuikan” (The Guardian).

¿Tiixpoliuiskej uan pojpoliuis tlaltikpak? ¿Moneki timomojtiskej? ¿Tlen kijtoua Biblia?

Tlen melauak panos satepan

Biblia kijtoua “tlaltikpak nochipa yetos” uan miakej “nochipa itech chantiskej” (Eclesiastés 1:4; Salmo 37:29). Ikinon tlaltikpak amo pojpoliuis uan nochipa itech chantiskej.

Pero Biblia kijtoua kema itlaj pojpoliuis, kijtoua “tlaltíkpaktli ya tlanti” (1 Juan 2:17).

• Tla tikneki tikmatis tlen kijtosneki ijkuak Biblia kijtoua pojpoliuis tlaltikpak, xiktlajtolti “¿Se acerca el fin del mundo? ¿Qué es el apocalipsis?”.

• Para tikmatis keman panos seki tlamantli tlen kijtoua Biblia, xiktlajtolti “¿Cuándo será el fin del mundo?”.

Amo ximotekipacho

Biblia techpaleuia amo matimotekipachokan maski panotok miak tlamantli tlen amo kuali. ¿Ken techpaleuia?

• Biblia techiluia tlen uelis tikchiuaskej (2 Timoteo 3:16, 17). Tla tikneki tikmatis ken uelis mitspaleuis Biblia amo ximotekipacho ijkuak titlajyouia, xiktlajtolti “Qué puedo hacer para no preocuparme tanto”.

• Biblia noijki techiluia itlaj kuali panos satepan (Romanos 15:4). Techiluia tlen panotok axkan uan tlen panos satepan. Nin techpaleuia amo matimomojtikan.

Tla tikneki tikajsikamatis tlen kijtoua Biblia, timitsyoleuaj touan ximomachti Biblia.