Yikipia se xiuitl opejki guerra altepetl Ucrania | ¿Tlen kijtoua Biblia panos satepan?

Viernes 24 de febrero 2023, ajsis se xiuitl ijkuak opejki guerra altepetl Ucrania. Sekimej kijtouaj kanaj 300,000 soldados ucranianos uan rusos okinmiktijkej uan okinkojkojkej noijki kanaj 30,000 tlen ik ompa chantij omikej. Pero xamo okachi miakej omikej.

Teyolkoko porque amo mota kox niman tlamis nin guerra.

• 19 de febrero 2023, radio tlen kajki Estados Unidos (NPR, siglas ika inglés) okijto: “Yopanok se xiuitl Rusia opejki kiteuia Ucrania uan amo motaj kox tlamis nin guerra. Nion mota akin uelis kitlanis nin guerra uan noijki amo kinekij kuali kiyektlaliskej tlen panotok”.

Miakej moyolkokouaj ijkuak kitaj ken sapanoua tlajyouiaj kanin onka guerra. Ijkuak mochiuaj guerras miakej sapanoua tlajyouiaj ikinon ijkuak oksekimej kimatij nin sapanoua moyolkokouaj ¿Tlen kijtoua Biblia panos satepan? ¿Se tonal ayakmo yetos guerras?

Ayakmo yetos guerras

Biblia kijtoua yetos se guerra tlen miakej kinmakixtis. Nin guerra itoka Armagedón uan Biblia kijtoua moixmati ken “iueyi tonal toTajtsin Dios” (Apocalipsis 16:14, 16). Ika nin guerra toTajtsin Dios kinpojpolos nochtin tekiuajkej tlen axkan kichiuaj mayetokan guerras. Tla tikneki okachi tikmatis ken Armagedón kichiuas kuali matiyetokan, xikinmita tlamachtilmej:

• “¿Tlen kijtosneki Armagedón?”

• “Tiyolpakiskej ijkuak ajsiki Armagedón”