¿Tleka amikaj ueli kichiua matimoyolseuikan? | ¿Tlen kijtoua Biblia?

Nion tekiuajkej nion oksekimej organizaciones uelis kichiuaskej matimoyolseuikan. Desde ijkuak opanok Segunda Guerra Mundial axkan okachi panoua miak tlamantli tlen amo kuali. Kanaj 2,000 millones chantij kanin miakej mokualaniaj.

¿Tleka amikaj ueli kichiua matimoyolseuikan? ¿Tlen kijtoua Biblia?

Kajki eyi tlamantli tleka amikaj ueli kichiua matimoyolseuikan

1. 1. Biblia kijtoua axkan “miakej san yejuan motlasojtlaskej, kixnekiskej tomin, moueyinekiskej, tetlauelitaskej, […] ayakmo mouikaskej inuan oksekimej, […] amo teajsikamatiskej, […] amo kimatiskej monauatiskej, tetlajyouiliskej, […] amo mokuayejyekoskej tlen kichiuaskej, sapanoua moueyinekiskej”. Nochi nin kichiua amo matimoyolseuikan (2 Timoteo 3:2-4).

2. 2. Tejuan amo uelis tikyektlaliskej ouijkayotl tla amo techpaleuia toTajtsin Dios Jehová.a Biblia techmachtia “tlakatl amo kinamiki monauatis nion kinamiki kiyekanas kanin tlaksas” (Jeremías 10:23).

3. 3. Nin tlaltikpak kiyekantok se tekiua tlen amo yolkuali uan kipia miak chikaualistli, “ye kinkajkayaua nochtin tlen chantij tlaltikpak”. Itoka Satanás. Tlaltikpak kajki “imak Satanás” ikinon mokualaniaj uan onka guerras (Apocalipsis 12:9; 1 Juan 5:19).

¿Akin uelis kichiuas matimoyolseuikan?

Biblia kijtoua san toTajtsin Dios kichiuas matimoyolseuikan.

• “Ne kuali nikmati tlen namotech nimokuayejyekojtok, ijkon kijtoua Jehová, nimokuayejyekoua itech yolseuilistli uan amo itech ouijkayotl para satepan namechmakas tlen okachi kuali” (Jeremías 29:11).

¿Ken kichiuas toTajtsin Dios? Biblia kijtoua toTajtsin Dios tlen kitemaka yolseuilistli kipojpolos Satanás (Romanos 16:20). ToTajtsin Dios okitlali se tekiuajkayotl ompa iluikak uan non tekiuajkayotl kichiuas nochtin akinmej chantij tlaltikpak mamoyolseuikan. Biblia kijtoua “iTekiuajkayo toTajtsin Dios” tlanauatis uan akin kiyekanas ye Jesucristo (Lucas 4:43). Ijkuak Jesús ualtlanauatis timoyolseuijtoskej (Isaías 9:6, 7).

• Tla tikneki okachi tikmatis, xikita tlamachtil “¿Tlen kichiuas iTekiuajkayo toTajtsin Dios?”.