¿Kitemakaj diezmo iTlaixpantijkauan Jehová?

Amo, iTlaixpantijkauan Jehová amo moneki tiktemakaskej diezmo. Tekitl tlen tikchiuaj mochiua ika tomin tlen miakej kitemakaj ika nochi inyolo. Diezmo se costumbre ¿kanin opejki motemaka diezmo uan tleka amo kitemakaj iTlaixpantijkauan Jehová?

Tlanauatil tlen okinmakakej israelitas okijtouaya omonekiaya kinmakaskej diezmo —noso décima parte tlen okipiayaj— teopixkej. Biblia kuali kijtoua akinmej tikchiuaj ken Cristo amo moneki tiktlakamatiskej non tlanauatil. Ikinon amo moneki tiktemakaskej diezmo (Hebreos 7:5, 18; Colosenses 2:13, 14).

ITlaixpantijkauan Jehová amo tiktemakaj diezmo nion tlamanal, okachi kuali, tikchiuaj ijkon ken akinmej okichiuayaj ken Cristo. Yejuan otlapaleuiayaj itech tlanechikol: okitemakayaj tomin uan otetlapouiayaj iTlajtol toTajtsin Dios uan amo okitlajtlaniayaj tomin.

Timoyekanaj ika nin principio bíblico: “Xiktemakakah ijkó kemi yononkitlalijkeh itech nomoyolo, amo manomechixkoko nion xiktemakakah ijkuak nomechchijchikawah, porke Dios kitlasojtla akin kitemaka ika pakílistli” (2 Corintios 9:7).