¿Moneki ma tipouikan itech se religión?

Biblia kijtoua

Kema, porque toTajtsin Dios kineki nochtin ma monechikokan para kiueyichiuaskej. Biblia kijtoua: “Matiktemolikah kenijki timosepampapalewiskeh, matimotlasojtlakah iwa matikchiwakah tlan kuali. Yika, nochipa matimololokah” (Hebreos 10:24, 25).

Jesús okimatiaya imachtijkauan yetoskiaj san sekan ijkuak okijto: “Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (Juan 13:35). Para kiteititiskej imachtijkauan Jesús motlasojtlaj moneki monechikoskej san sekan. Ijkon kichiuaj ijkuak yauij itech kalmej kanin monechikouaj para kiueyichiuaskej toTajtsin Dios (1 Corintios 16:19). Ijkon imachtijkauan katej ken se altepetl itech nochi tlaltikpak (1 Pedro 2:17).

Amo san moneki tipouiskej itech se religión

Biblia kijtoua moneki monechikoskej san sekan akinmej kinekij kiueyichiuaskej toTajtsin Dios. Pero amo kijtoua san moneki pouiskej itech se religión. Moneki kichiuaskej tlen momachtiaj. Biblia kijtoua: “Milajka tlaneltokálistli ixpa n Dios ye ni: matikimpalewikah n iknomeh iwan iknosiwameh ika tlan kimpoloa, iwa matinemikah ika toyolo chipawak iwa amo matechyoltilana tlan onka itech nin tlaltíkpaktli” (Santiago 1:27).