Jesús, tlakamej uan siuamej tlen tlatlamantli inmialtepe

¿Ken techmakixtia Jesús?

Biblia kijtoua

Jesús okitemakak inemilis para ma momakixtikan nochtin akinmej yolmelauakej (Mateo 20:28). Ik non, Biblia kijtoua Jesús ouala “para kinmakixtikis nochteh n tlaltikpaktlakah” (1 Juan 4:14). Noijki kijtoua: “Mach [amo] onka ok se tlakatl akin weletis techmakixtis, porke Dios mach [amo] otechmák ok se tlakatl itech nin tlaltíkpaktli para inawak matimomakixtikah” (Hechos 4:12).

Jesús omikik para nochtin akinmej kineltokaj (Hebreos 2:9; Juan 3:16). Satepan, toTajtsin Dios okiyoliti Jesús ken se espíritu uan oyajki iluikak (Hechos 3:15). Maski kajki iluikak “Jesús weletis kinmakixtis semijkak akimeh mijkuaniah [noso motokia] inawak Dios por Ye, porke Cristo nochipa yolitok, iwa motlatlautijtos inawak Dios por yejwah” (Hebreos 7:25).

¿Tleka moneki Jesús ma techpaleui?

Tinochtin titlajtlakolejkej (Romanos 3:23). Ik non, tiixpoliuij uan ayakmo techkauilia ma tiktekichiuilikan toTajtsin Dios (Romanos 6:23). Jesús “techtlajtolpalewia”, pero moneki tikneltokaskej imikilis techpaleuia (1 Juan 2:1). Ken Jesús omikik topatka, uelis techpaleuis para toTajtsin Dios ma techkaki ijkuak timotlatlaujtiaj uan ma techtlapojpolui (Mateo 1:21; Romanos 8:34). ToTajtsin Dios kikaki tlen Jesús kitlajtlanilia porque kipaktia tlen kiluia. Ye okiualtitlanki para techmakixtis (Juan 3:17).

¿San moneki tikneltokaskej Jesús para timomakixtiskej?

Amo. Maski tikneltokaskej Jesús amo san non moneki para timomakixtiskej (Hechos 16:30, 31). Biblia kijtoua: “Tla se kuerpo amo kipia espíritu, non kuerpo miktok, ijkó noiwa totlaneltokalis amitla ipati tla amitla tikchiwah” (Santiago 2:26). Para timomakixtiskej moneki:

Tikixmatiskej Jesús uan iTajtsin, Jehová (Juan 17:3).
Titlaneltokaskej (Juan 12:44; 14:1).
Tikteititiskej titlaneltoka tla tikintlakamatij itlanauatiluan (Lucas 6:46; 1 Juan 2:17). Jesús okijto amo nochtin akin kiluiskej “Noteko” momakixtiskej, san momakixtiskej akinmej kitlakamatij iTajtsin (Mateo 7:21).
Tikteititiskej titlaneltokaj maski titlajyouiaj. Jesús okijto: “Pero akin nochi kixikos, momakixtis” (Mateo 24:13).