Kuali ma tiktekitiltikan amatlajkuilol Introducción a la Palabra de Dios pampa tipeuaskej timotlapouiskej iuan ikaj
1. ¿Tlen yankuik amatlajkuilol otikselijkej pampa tiktekitiltiskej itech tetlapouilistli?
1 Itech ueyi nechikol regional “Ma tiktemokan achto iTekiuajkayo toTajtsin Dios”, omotemakak amatlajkuilol Introducción a la Palabra de Dios. ¿Ken uelis tiktekitiltiskej nin yankuik amatlajkuilol ijkuak timoyektlaliaj ken tipeuaskej titetlapouiskej? Kiualika miakej tlaxelolmej itech miak tlamantli tlen tlamachtia Biblia, ijkon ken amochtli Razonamiento, non amatlajkuilol techpaleuis pampa tipeuaskej timotlapouiskej iuan tlaltikpaktlakamej.
2. ¿Ken uelis tiktekitiltiskej amatlajkuilol Introducción a la Palabra de Dios ijkuak titetlapouiaj?
2 Se neskayotl, itech tlajtlanilistli 8 uelis tikijtos: “Tikintlajpalojtokej tlaltikpaktlakamej pampa miakej motlajtlaniaj kox itlajtlakol toTajtsin Dios titlajyouiaj. [Itech seki altepemej, okachi kuali xikititi tlajtlanilistli itech amatlajkuilol.] ¿Tlen timokuayejyekoa? [Xikkaua ma tlanankili.] Biblia kuali technankilia”. Xiktlajtolti kanaj se tlaxelol noso okachi itech Biblia uan iuan ximotlapoui. Tla non tlaltikpaktlakatl kineki okachi kimatis, uelis tikititis nochi tlajtlanilmej tlen kiualika amatlajkuilol uan tiktlajtlanis tlen kineki okachi kimatis pampa nanmomachtiskej ijkuak timokuepas. Noso uelis tikmakas se amatlajkuilol tlen okachi kimachtis itech tlen onanmotlapouijkej.
3. ¿Ken uelis tiktekitiltiskej amatlajkuilol Introducción a la Palabra de Dios pampa tipeuaskej timotlapouiskej iuan akinmej kipiaj okseki tlaneltokalismej?
3 Itech tlajtlanilmej 4 uan 13 a 17 okachi uelis techpaleuis ijkuak titetlapouiaj kanin kipiaj okseki tlaneltokalismej. Se neskayotl, uelis tiktekitiltis tlajtlanilistli 17 uan tikijtoskej: “Tikintlajpalojtokej tlaltikpaktlakamej pampa tiknekij tikinpaleuiskej inkalchanejkauan. ¿Tikita axkan miakej kalchanejkej kipiaj miak ouijkayotl? [Xikkaua ma tlanankili.] Miakej akinmej yomonamiktijkej kitaj sapanoa kinpaleuia ninmej tlajtolmej: “N tesiwa noiwa makitlakita iokich” noso inamik. [Amo moneki tikiluiskej kox kisa itech Efesios 5:33. Tla timotlapouijtok iuan se siuatl, uelis tikiluiskej tlen kijtoa Efesios 5:28.] ¿Timokuayejyekoa ken uelis kinpaleuis ninmej tlajtolmej akinmej yomonamiktijkej?”.
4. ¿Tlen uelis tikchiuaskej ijkuak tlamis timotlapouiskej iuan ikaj tlen kipia okse tlaneltokalistli?
4 Pampa tlamis iuan timotlapouis, uelis iuan timokauas keman oksepa nanmotlapouiskej. Noso iuan timokauas nanmotlapouiskej itech okse tlaxelol itech tlajtlanilistli tlen onankitakej. Uan ijkuak tikitas yiuelis tikchiuas, xikilui non tlaltikpaktlakatl nochi tlen onanmotlapouijkej kisa itech Biblia. Ijkuak yotikitak tlen mokuayejyekoa non tlaltikpaktlakatl itech Biblia uan itech tlen onanmotlapouijkej, uelis tikmakas se amatlajkuilol tlen uelis ajsis itech iyolo. Xikita Nuestro Ministerio del Reino (ika náhuatl del centro Toteki itech Tekiuajkayotl) de diciembre de 2013.