Pampa okachi kuali titetlapouiskej: ma tikchiuakan okachi ma kinekikan kimatiskej akinmej tikinmakaj revistas

Tleka miak ipati. Miakej tlaltikpaktlakamej kinyolpaktia kintlajtoltiskej revistas pero amo kinekij momachtiskej Biblia. Uelis mokuayejyekoaj kuali katej itech intlaneltokalis noso kijtoaj amo majxiliaj momachtiskej Biblia. Pero pampa yejuan nochipa kintlajtoltiaj revistas, uelis kinekiskej okachi kimatiskej iTlajtol toTajtsin Dios (1 Ped. 2:2). Uelis se tlamachtil ajsis itech inyolo noso uelis itlaj kinpanos itech innemilis. Ik non, tla nochipa tikintlajpalotiuij maski amo tiuejkauaj, techpaleuis ma tikmatikan tlen kinpaktia uan tlen kintekipachoa. Satepan uelis kinekiskej touan momachtiskej.