Pampa okachi kuali titetlapouiskej: kanin tlanemakaj

Tleka miak ipati. Pampa tlaltikpaktlakamej tekitij miak, okachi kuali ma tikintlapouitij itech iTekiuajkayo toTajtsin Dios kanin tekitij. Titetlapouiskej kanin tlanemakaj teyolpaktia miak uan okachi tikinmajsij tlaltikpaktlakamej uan kuali techseliaj pampa mokuayejyekoaj timotlakouitiuij. Pampa uelis tikintlapouiskej tlaltikpaktlakamej, moneki kuali timokuayejyekoskej, timotlakentiskej ken moneki uan tikteititiskej tikpiaj kuali toyelis (2 Cor. 6:3). Akin kiyekana tetlapouilistli moneki kitas keski uelta motetlapouia kanin tlanemakaj uan akinmej tetlapouiaj.

Ken uelis tikchiuaskej:

Ximoyektlali pampa amo tiuejkauas iuan timotlapouis. Tla tiuejkaua iuan akin ompa tekiti, satepan ayakmo kinekis iuan ximotlapoui.
Xitetlapoui kanin tlanemakaj ijkuak tikitas majxiliaj, ken ijkuak yikin tlatlaposkej.
Achto iuan ximotlapoui akin ompa tlayekana ika tlakaitalistli. Uelis tikiluis: “Tikintlajpalojtokej tlaltikpaktlakamej itech inteki pampa amo tikinmajsij itech inkalijtik”. Amo xiuejkaua uan san niman xikmaka se amatsintli, revistas noso okse amatlajkuilol. Amo tiknekij ma mokuayejyekokan titlanemakaj, ik non, amo ma tikinmiluikan uelis kitemakaskej seki tomin ika nochi inyolo. Pero tla techtlajtlaniaj, uelis tikinmiluiskej ken mochiua nin tekitl.
Tla akin ompa tlayekana kuali techselia, ma tikiluikan kox uelis timotlapouiskej san tepitsin iuan akinmej ompa tekitij. Noijki ma tikiluikan kox uelis tikintlaliskej seki amatlajkuilolmej kanin moseuiaj pampa ma kintlajtoltikan.
Kuali ximokuayejyeko. Se neskayotl, tla akin ompa tekiti ikaj kitlanemakiltijtok noso amo majxilia, moneki ma timochiakan pampa tiktlapouiskej.

Xikchiua nin itech nochi metstli:

Ijkuak nankiueyichiuaskej Jehová ken kalchanejkej, ximomachtikan tlen nankichiuaskej tla nantetlapouiaj kanin tlanemakaj.