Ma tikinyoleuakan tlaltikpaktlakamej pampa tikilnamikiskej iCena toTeko

Itech nin xiuitl peuas tikinyoleuaskej tlaltikpaktlakamej itech tonal 27, metstli febrero, timochijchikauaskej pampa tikinyoleuaskej nochtin tlaltikpaktlakamej pampa tikilnamikiskej iCena toTeko. Moneki tikitaskej akinmej kinekij okachi kimatiskej pampa uelis tikinpaleuiskej.

KEN UELIS TIKCHIUASKEJ

TLEN UELIS TIKIJTOS

“Tiknekij timitsyoleuaskej itech se tonal tlen miak ipati. Itech tonal 23, metstli marzo, sapanoa miakej tikilnamikiskej imikilis Jesús uan tikkakiskej se tlapoualistli tlen kisa itech Biblia tlen kijtoa ken techpaleuia imikilis. Nin amatsintli kijtoa kanin uan tlen hora mochiuas. Ompa timitschiaj”.

Tla okachi kineki kimatis:

• XIKTEMAKA REVISTA AKIN TETLAPOUIJTOK

  Xikilui oksepa tiktlapouiti.

• XIKITAKAN VIDEO TLEN TLAJTOA ITECH ICENA TOTEKO

  Xikilui oksepa tiktlapouiti.

Ijkuak oksepa tiktlapouiti:

• XIKITAKAN VIDEO ¿TLEKA MONEKI TIMOMACHTIS BIBLIA?

  Satepan xikmaka se amatlajkuilol tlen ika titlamachtiaj.

• XIKTEMAKA AMOCHTLI ¿TLEN MELAUAK TLAMACHTIA BIBLIA?

  Xikintekitilti páginas 206-208 pampa tikyekiluis akin tikmachtis tlen kijtosneki iCena toTeko. Xikmaka amochtli.

• XIKTEMAKA AMATLAJKUILOL XIKAKI TOTAJTSIN DIOS

  Xikintekitilti páginas 18, 19 pampa tikyekiluis akin tikmachtis tlen kijtosneki iCena toTeko. Xikmaka amatlajkuilol.