¿Akin uelis mokalotis ikalijtik Jehová?

Timokalotiskej ikalijtik Jehová kijtosneki tiyetoskej tiiyolikniuan, itech titlaneltokaskej uan tiktlakamatiskej. Salmo 15 techiluia tlen kineki Jehová ma tikchiuakan pampa uelis iuan timouikaskej.

AKIN MOKALOTIA IKALIJTIK JEHOVÁ MONEKI...

• amo tlakajkayauas.

• kijtos tlen melauak onka itech iyolo.

• kintlakaitas oksekimej itekipanojkauan Jehová.

• kichiuas tlen kijtoa maski ualeua oui.

• kinpaleuis akinmej amo itlaj kipiaj uan amo kichias itlaj ma kimakakan.

AKIN MOKALOTIA IKALIJTIK JEHOVÁ AMO...

• kijtoa tlen amo melauak intech oksekimej.

• kinchiuilia tlen amo kuali oksekimej.

• kintemoa ikniuan san pampa itlaj kitlanis.

• mouika iuan akinmej amo kitekichiuiliaj uan amo kitlakamatij Jehová.

• kiselia tomin pampa kichiuas tlen amo kuali.