Tlamachtilmej para Toteki akinmej tikchiuaj ken Cristo
5-11 DE MARZO
KEN TECHPALEUIA BIBLIA | MATEO 20, 21
“Akin kinekis nomowa moweyijkatlalis, achto makintekitili oksikimeh”
(Mateo 20:3) ’Satepa n tekowa okiski kemi las nueve de kuinal, iwa okinmitak tiánkistli sikimeh tlakah non omajxilijtokah.
nwtsty multimedia
Tiankistli
Se tiankistli ken nikan mota okintlaliayaj ipan ojtli. Akinmej otlanemakayaj okitlaliayaj miak tlamantli, ik non, oksekimej okitayaj oui ompa panoskiaj. Akinmej ik ompa ochantiayaj okimokouiayaj miak tlamantli patio para inkalijtik, tlen ochijchitoka ika teskatl uan omotlakouiayaj tlen ika motlakualchiuaskiaj. Yiuejkika amo okipiayaj kanin kitlaliskej tlakuali para amo ijtlakauiskia, ik non, mojmostla okikoayaj tlen kikuaskiaj. Ompa miakej okimatiayaj tlen opanoaya itech okseki altepemej porque tlasemankej uan oksekimej uejka oualayaj. Konemej omauiltiayaj itech tiankistli uan sekimej ompa omochiayaj para ma kintlakeuakan. Ijkuak Jesús okatka itech se tiankistli okinpajti akinmej omokokoayaj uan tlatitlanil Pablo noijki ompa otetlapoui (Hech.17:17). Pero escribas uan fariseos omoueyinekiayaj, okinpaktiaya ma kinmitakan uan ma kintlajpalokan itech tiankistli.
(Mateo 20:20, 21) Ijkuakó isiwa n Zebedeo iwa itelpochwah, omijkuanijkeh ixpa Jesús iwa omotlankuaketskeh. N siwatl omotlatlaujti inawak. 21 Jesús okitlajtlani: —¿Tlan tikmonekiltia? N tena okili: —Nimitstlatlaujtia xitlanawati ninteh ome nopilwah mamoyayantikah monakastla, se ik moyekma iwa ok se kan ik moopochma, keman tejwatsi pewas titlanawatis.
nwtsty notas, Mat. 20:20, 21
isiwa n Zebedeo iwa itelpochwah: Noso innantsin tlatitlanil Santiago uan Juan. Omotokayotiaya Salomé, xamo okatka itía Jesús (Mat. 27:55, 56; Mar. 15:40, 41; Juan 19:25). Marcos okijto Santiago uan Juan oyajkej inauak Jesús. Pero innantsin inpatka okilui Jesús tlen okinekiayaj.
se ik moyekma iwa ok se kan ik moopochma: Non kijtosneki ueyititoskej uan tlanauatiskej, pero okachi ueyititok akin kajki iyekma (Sal. 110:1; Hech. 7:55, 56; Rom. 8:34).
(Mateo 20:25-28) Pero Jesús okínnotski iwa okinmili: —Nomejwah kuali nonkinmatih n tekiwajkeh non tlanawatiah itech nin tlaltíkpaktli, kinnawatiah n tlakah, iwa n wejweyi tlanawatijkeh kinmapixtokeh ika intlanawatilis. 26 Pero nomejwah amo ijkó nonkichiwaskeh. Akin kinekis nomowa moweyijkatlalis, achto makintekitili oksikimeh. 27 Akin kinekis tlayakantos, achto mamochiwa nomotlakewal 28 Ijkó kemi Ne Non onimochi ni tlakatl amo oniwala manechtekitilikah, yej oniwala onitekitiko iwa nimotemakas manechmiktikah iwa ijkó miakeh mamomakixtikah.
nwtsty notas, Mat. 20:26, 28
tlakeuali: Noso “akin kintekichiuilia oksekimej”. Tlajtoli diákonos ika griego miak uelta motekitiltia itech Biblia uan kijtosneki akin kintekichiuilia oksekimej ika yolyamanilistli. Non tlajtoli motekitiltia para Jesucristo (Rom. 15:8), akinmej kitekichiuiliaj Cristo (1 Cor. 3:5-7; Col. 1:23), siervos ministeriales (Filip. 1:1; 1 Tim. 3:8), akinmej tlapaleuiaj tekalijtik (Juan 2:5, 9) uan tekiuajkej (Rom. 13:4).
amo oniwala manechtekitilikah, yej oniwala onitekitiko: Noso amo ouala para ma kitekichiuilikan, ouala otechtekichiuiliko.
Ma tiktemokan ken techpaleuia Biblia
(Mateo 21:9) N tlakah non otlayakanayah, iwa non oyayah tlakuitlapa otsajtsitiayah chikawak: —¡Hosanna! ¡Matechmakixti ikone n rey David! ¡Tiochitok akin wits itech Itoka n Toteko Dios! ¡Hosanna kan ilwikak!
nwtsty nota, Mat. 21:9
Hosanna: Nin se tlajtoli ika griego uan kajki ika tlajtoli hebreo, kijtosneki “techmakixti, timotlatlaujtiaj”. Nikan ijkon okitlajtlanilijkej toTajtsin Dios ma kinmakixti noso ma kinpaleui ma tlatlanikan. Noijki uelis motlajtolkuepas ken “timitstlatlaujtiaj noso xikmakixti”. Satepan nin tlajtoli okijtoayaj ijkuak otlakuikayaj uan okiueyichiuayaj toTajtsin Dios. Ken okijtoayaj ika hebreo ijkuilitok itech Salmo 118:25. Ninmej tlakuikalmej okintekitiltiayaj ijkuak okichiuayaj pascua uan katej itech Salmo 113 uan tlamij itech Salmo 118. Ik non, ijkuak Jesús okatka sekimej okijtojkej non tlajtoli. Ijkuak Jehová okiyoliti iKone, okinankili non tlajtoli. Tlen Jesús okijto itech Mateo 21:42 ijkuilitok itech Salmo 118:22, 23 uan okijto ijkon kipanoskia Mesías.
ikone n rey David: Kijtosneki Jesús ouala itech ikalchanejkauan David uan ye yetoskia Mesías.
(Mateo 21:18, 19) Kuinal, ijkuak otlejkoaya Jerusalén, owalxitlatlak. 19 Ijkuakó okitak se igoskuawitl non okatka iselti itempa n ojtli, Ye okitlatemolito pero amo okajsik nion se igos, yej san tekil omoxiujyoti. Ijkuakó Jesús okili n igoskuawitl: —¡Ayik xiktemaka igos! Iwa n igoskuawitl sa nima owaki.
jy-S pág. 244 párrs. 4-6
Ika se higoskuauitl okinmachti ken tlaneltokaskej
¿Pero tleka Jesús okichi ma uaki higoskuauitl? Ye okijto tleka: “De milajka nomechilia, tla nonkipiah tlaneltokálistli, amo sanwel nonkichiwaskeh ijkó, yej noiwa weletis nonkiliskeh nin tepetl: “Ximoachiwa iwa ximotlamotlati ijtik weyi atl”, iwa ijkó tlamochiwas. Iwa nochi tlan nonkitlajtlaniliskeh itech nomotiotsajtsilis, nonkiseliskeh tla nonkineltokah ijkó mochiwas” (Mateo 21:21, 22). Uan ijkon oksepa okijto: tlaneltokilistli kinmolinis tepemej (Mateo 17:20).
Ijkuak Jesús okiuatski kuauitl, okiteititi ken moneki tlaneltokaskej itlatitlaniluan. Ye okijto: “Nochi tlan nonkitlajtlaniskeh itech nomotiotsajtsilis, xikneltokakah kemi yaskia yononkiselijkeh” (Mar. 11:24). Ijkon okinpaleui itlatitlaniluan porque san niman tlajyouiskiaj. ¡Tlen Jesús otlamachti miak ipati para nochtin imachtijkauan! Pero ken ouaki higoskuauitl techmachtia okse tlamantli.
Israelitas omochijkej ken non kuauitl. Okipiayaj se tlajtolsenkaualistli iuan Jehová uan omotaya okintlakamatiayaj itlanauatiluan, pero amo melauak. Okiteititijkej amo otlaneltokayaj uan amo okichiuayaj ken Jehová okinekiaya. ¡Hasta okixtopejkej iKone Jehová! Ik non, ijkuak Jesús okichi ma uaki higoskuauitl okiteititi tlen kinpanoskia israelitas.
12-18 DE MARZO
KEN TECHPALEUIA BIBLIA | MATEO 22, 23
“Ma tikintlakamatikan ome tlanauatilmej tlen okachi inpati”
(Mateo 22:36-38) Tlamachti, ¿katlie tlanawátili okachi weyi kijtosneki? 37 Jesús okili: —“Xiktlasojtla Moteko Dios ika nochi moyolo, ika nochi moalma iwa ika nochi motlalnamikilis.” 38 Ye nin tlanawátili non okachi tlayakantok iwa okachi weyi kijtosneki.
nwtsty nota, Mat. 22:37
moyolo: Nin kijtosneki ken tikpiaj toyelis. Pero ijkuak non tlajtoli ijkuilitok iuan “alma” uan “tlalnamikilistli”, kijtosneki tlen tikmachiliaj uan tlen tiknekij. Nikan motekitiltiaj eyi tlajtolmej (moyolo, moalma uan motlalnamikilis) uan nochi nin san se tlatlamantli kijtosneki, kiteititia ken moneki tiktlasojtlaskej Jehová, ika nochi tonemilis.
moalma: Noso “nochi toyolilis”.
motlalnamikilis: Noso ken timokuayejyekoaj. Moneki tiktekitiltiskej tokuayejyekol para tikixmatiskej toTajtsin Dios uan okachi tiktlasojtlaskej (Juan 17:3; Rom. 12:1). Itech Deuteronomio 6:5, ika hebreo omotekitilti eyi tlajtolmej: moyolo, moalma uan mochikaualis. Xamo ijkon omoijkuilo porque hebreo tlen yiuejkika otlajtoayaj amo okatka se tlajtoli para kijtoskiaj “motlalnamikilis” uan ika tlajtoli “moyolo” noijki omoajsikamatiaya. Ualeua non tlajtoli motekitiltia para moteititis ken tikpiaj toyelis, kijtosneki tlen timokuayejyekoaj, tlen tikmachiliaj uan ken itlaj tikchiuaj (Deut. 29:4; Sal. 26:2; 64:6; xikita nota, moyolo itech nin tlaxelol). Ik non, ijkuak itech hebreo omotekitilti tlajtoli moyolo, ika griego itech septuaginta okitlajtolkuepkej “tlalnamikilistli” (Gén. 8:21; 17:17; Prov. 2:10; Is. 14:13). Mateo okitekitilti tlajtoli “motlalnamikilis” ika griego ijkuak okijto tlen ijkuilitok itech Deuteronomio 6:5. Ika hebreo ijkuilitok “mochikaualis” nin noijki kijtosneki ken timokuayejyekoaj noso totlalnamikilis. Ik non, ken tlajtolmej ika griego uan hebreo kijtosneki san se tlamantli, akinmej okinmijkuilojkej Evangelios amo okitekitiltijkej san se tlajtoli ijkuak okijkuilojkej tlen kijtoa Deuteronomio.
(Mateo 22:39) Iwa onka ok se tlanawátili non kimoiknitia iwa kijtoa: “Xiktlasojtla mokni [akin monauak chanti, TNM] kemi te timotlasojtla.”
nwtsty nota, Mat. 22:39
ok se tlanawátili: Tlen Jesús okinankili fariseo ijkuilitok itech Mateo 22:37, pero itech nin tlaxelol Jesús noijki okilui okse tlanauatil (Lev. 19:18). Ijkon okiteititi, moneki tikintlakamatiskej ome tlanauatilmej, ijkon tikchiuaskej nochi Tlanauatil tlen okijkuilo Moisés uan tlen okijkuilojkej teotlajtojkej (Mat. 22:40).
akin monauak chanti: Nin tlajtoli ika griego kijtosneki “akin ikaj inauak chanti” (noso “kajki inauak”) pero amo san non kijtosneki, noijki kijtosneki akin iuan mouika (Luc. 10:29-37; Rom. 13:8-10).
(Mateo 22:40) Ninteh ome tlanawátilteh kitlakxiliah itlanawatil Moisés iwa intlamachtilis n profetas.
nwtsty nota, Mat. 22:40
itlanawatil Moisés iwa intlamachtilis n profetas: “Itlanawatil Moisés” peua itech amochtli Génesis uan tlami itech Deuteronomio. “Intlamachtilis n profetas” kijtosneki amochmej tlen katej itech Escrituras Hebreas. Pero ijkuak nonmej tlajtolmej san sekan ijkuilitokej, xamo noijki kijtosneki nochi amochmej itech Escrituras Hebreas (Mat. 7:12; 22:40; Luc. 16:16).
kitlakxiliah: Ika griego kijtosneki “pilkatok itech” uan nikan motekitiltia para moijtos “itech mokitskijtok”. Ijkon Jesús okiteititi nochi amochmej tlen katej itech Escrituras Hebreas motlakxilijtokej itech tlasojtlalistli uan amo san itech iTlanauatil Moisés uan Majtlaktli Tlanauatilmej (Rom. 13:9).
Ma tiktemokan ken techpaleuia Biblia
(Mateo 22:21) Yejwah okinankilijkeh: —De César. Ijkuakó Jesús okinmili: —Xikmakakah n César tlan iaxka n César, iwa xikmakakah Dios tlan iaxka Dios.
nwtsty nota, Mat. 22:21
Xikmakakah n César tlan iaxka n César: San itech non tonal Jesús otlajto itech tekiua romano (Mar. 12:17; Luc. 20:25). “Tlan iaxka n César” kijtosneki tiktlaxtlauaskej tekitl tlen kichiuaj tekiuajkej uan tikintlakamatiskej ken moneki (Rom. 13:1-7).
xikmakakah Dios tlan iaxka Dios: Nin kijtosneki tikueyichiuaskej ika nochi toyolo, ika nochi toyolilis uan moneki nochipa tiktlakamatiskej uan amo keman tikkauaskej (Mat. 4:10; 22:37, 38; Hech. 5:29; Rom. 14:8, TNM).
(Mateo 23:24) ¡Teyakankeh ixpojpóyakteh, nomejwah nonkitsejtseloah n atl para makitseko n moyotl pero nonkitoloah se kameyo!
nwtsty nota, Mat. 23:24
nonkitsejtseloah n atl para makitseko n moyotl pero nonkitoloah se kameyo: Israelitas amo okinmitayaj chipauakej moyomej uan camellos (Lev. 11:4, 21-24). Jesús ijkon okijto porque okinekiaya kiteititis teopixkej okitsetseloayaj tlen okoniayaj para amo kitoloskiaj se moyotl pero amo okichiuayaj Tlanauatil tlen okijkuilo Moisés, non yetoskia ken kitoloskiaj se camello.
19-25 DE MARZO
KEN TECHPALEUIA BIBLIA | MATEO 24
“Ma tikpiakan chikauak totlaneltokilis itech itlamian tonalmej”
(Mateo 24:12) Momiakilis n tlajtlákoli, yika miakeh ayakmó tetlasojtlaskeh.
it-1-S pág. 125 párr. 6
Tlasojtlalistli
Akin tetlasojtla satepan uelis ayakmo tetlasojtlas. Ijkuak Jesús okinmilui imachtijkauan tlen panoskia satepan, okinmilui miakej ayakmo tetlasojtlaskiaj (a·gá·pē) akinmej kijtoskiaj kichiuaj ken Cristo (Mat. 24:3, 12). Tlatitlanil Pablo okijto ijkuak yetoskia miak ouijkayotl miakej “satlawel kiwilitaskeh tomi” (2 Tim. 3:1, 2). Ik non, ikaj uelis ayakmo kintlakamatis principios bíblicos uan ayakmo tetlasojtlas ijkon ken achto otetlasojtlaya. Nin kiteititia moneki nochipa ma timokuayejyekokan tlen kijtoa iTlajtol toTajtsin Dios uan ma tikchiuakan tlen technauatia uan ijkon nochipa titetlasojtlaskej (Efes. 4:15, 22-24).
(Mateo 24:39) Mach okajsikamatkeh asta ijkuak okinmajsiko non kiawitl temojti iwa nochteh okinwík. Ijkó noiwa tlamochiwas ijkuak niwalmuikas, Ne Non onimochi ni tlakatl.
w99-S 15/11 pág. 19 párr. 5
¿Tikchijtokej nochi tlen toTajtsin Dios technauatia?
5 Jesús okijto tlen panoskia itech ninmej tonalmej: “Iwa ijkó kemi opanok ijkuak onemia n Noé, ijkó yetos noiwa ijkuak niwits Ne Non onimochi ni tlakatl. Itech nekateh tonatijmeh ijkuak ayamó owalaya n chikawak kiawitl, n tlakah otlakuayah, okoniah, omonamiktiayah iwa okinmijtlaniah ichpokameh, asta n tonati ijkuak Noé okalak kan weyi arka. Mach okajsikamatkeh asta ijkuak okinmajsiko non kiawitl temojti iwa nochteh okinwík. Ijkó noiwa tlamochiwas ijkuak niwalmuikas, Ne Non onimochi ni tlakatl” (Mateo 24:37-39). Amo tlajtlakoli titlakuaskej noso itlaj tikoniskej ken moneki, noijki amo tlajtlakoli timonamiktiskej porque toTajtsin Dios ijkon otlanauati (Génesis 2:20-24). Pero tla okachi tikpatioitaj nochi nin tlamantli, ma tiktlatlaujtikan Jehová uan ye techpaleuis achto ma tiktlalikan itech tonemilis iTekiuajkayo uan ma tikchiuakan nochi tlen ye technauatia (Mateo 6:33; Romanos 12:12; 2 Corintios 13:7).
(Mateo 24:44) Ijkó nomejwah noiwa xiijsatokah, porke Ne Non onimochi ni tlakatl niwalkalakiki ijkuak nomejwah mach nonnechchiah.
jy-S pág. 259 párr. 4
Tlatitlanilmej kinekij se neskayotl
Jesús okinmilui imachtijkauan omonekiaya motlachilijtoskej. Okiteititi miak ipati ijkon ma kichiuakan, ik non, okinmilui okse neskayotl: “Pero xikkajsikamatikah tlan nomechilia: tla se chane kimatiskia tlan oras kalakiki n ichtek, ye ijsatoskia iwa amo kitekawiliskia aka makalaki icha para makitlachteki. Ijkó nomejwah noiwa xiijsatokah, porke Ne Non onimochi ni tlakatl niwalkalakiki ijkuak nomejwah mach nonnechchiah” (Mateo 24:43, 44).
Ma tiktemokan ken techpaleuia Biblia
(Mateo 24:8) Pero ijkuak ijkó tlamochiwas, sikin pewa n tlaijyowílistli.
nwtsty nota, Mat. 24:8
tlaijyowílistli: Ika griego nin tlajtoli kijtosneki ijkuak se siuatl yikipias ikone, peua kualo. Maski nikan kijtosneki nochi tlajyouilistli tlen onka, xamo noijki kijtosneki ijkon ken tlajyouia se siuatl ijkuak yikipias ikone okachi kualo, ijkon tlajyouilistli uan ouijkayotl okachi momiaktiliskia ijkuak yiajsis ueyi tlajyouilistli tlen ijkuilitok itech Mateo 24:21.
(Mateo 24:20) Ximotiotsajtsilikah tla noncholoskeh, amo mayeto itech sewaya nion itech sábado,
nwtsty nota, Mat. 24:20
itech sewaya: Ken chikauak okiauiaya, otlatemiaya uan oseuaya, okachi oui ikaj uejka yaskia, oui kajsiskia tlakuali uan kanin mokalotiskia (Esd. 10:9, 13).
itech sábado: Akinmej ochantiayaj itech altepetl Judea, amo miak tlamantli okichiuayaj sábado, ik non, amo uejka oyayaj uan amo itlaj etik okimamayaj. Noijki sábado otsaktokaj inkaltlatsakuil altepemej (xiktlajtolti Hechos 1:12 uan xikita sgd tlaxelol 16).
26 DE MARZO-1 DE ABRIL
KEN TECHPALEUIA BIBLIA | MATEO 25
“Xiijsatokah”
(Mateo 25:1-6) ’Itech ilwikak kan Dios tlanawatia, ye kemi omochijkeh májtlakteh ichpokameh non okinmonankeh intlawilwah iwa okinamikitoh n novio. 2 Mákuili ichpokameh kuali intlalnamikilis iwa mákuili amó. 3 Non amo tlalnamikilisejkeh, okinwikakeh intlawilwah pero mach okiwikakeh oksiki aseite. 4 Pero n ichpokameh tlalnamikilisejkeh, ixkoya okiwikakeh oksiki aseite para intlawilwah. 5 Kemi n novio owejkawaya, nochteh n ichpokameh okinkitski kochílistli, iwa okochtlamilajkeh. 6 Kemi ik tlajkoyuak aka owaltsajtsik: “¡Ompa wits n novio, xikonnamikitih!”
(Mateo 25:7-10) Ijkuakó nochteh n ichpokameh omejtewakeh iwa opé kinyektlaliah intlawilwah. 8 Iwa n mákuilteh ichpokameh non amo tlalnamikilisejkeh okinmilijkeh non tlalnamikilisejkeh: “Techonmakakah siki nomoaseite, porke totlawilwah ya sejseujtokeh.” 9 Pero n ichpokameh non tlalnamikilisejkeh okinmilijkeh: “Amó, porke tla tomechmakaskeh, mach ok techajxilis nion nomejwah mach nomechajxilis. Okachi kuali xiwiah kan monamaka iwa xikmokowikah.” 10 Pero ijkuak n mákuilteh okikoatoh inmaseite, n novio owalkalakiko. N ichpokameh non omotlatlalijkah okalakeh iwa n novio kan monamiktilo iwa owalmotsak n kaltentli.
(Mateo 25:11, 12) Satepa okalakikoh non amo tlalnamikilisejkeh iwa omotlatlautiayah: “¡Noteko, Noteko, techtlatlapoli!” 12 Pero ye okinnankili: “De milajka nomechilia, ne amo nomechixmati.”
Ma tiktemokan ken techpaleuia Biblia
(Mateo 25:31-33) ’Ijkuak Ne Non onimochi ni tlakatl niwalmuikas ika nomawistilis iwan nochteh noangelwah, ijkuakó nimoyayantis ika nochi nomawistilis. 32 Iwa nochteh n tlaltikpaktlakah moololoskeh noyakapa, iwa Ne nikinxexelos ijkó kemi se tlájpixki kinxexeloa n ichkameh iwa n tentsomeh. 33 Nikintlalis n ichkameh ik noyekma iwa n tentsomeh ik noopochma.
Ma tikinpaleuikan iikniuan Cristo
7 Axkan kuali tikajsikamatij nin tlapoualistli. ¿Akinmej kineskayotiaj tlakatl uan ueyi tekiua? Jesús. ¿Akinmej kineskayotiaj iikniuan ueyi tekiua? Kineskayotiaj akinmej Jehová yokinpejpenki ika espíritu santo. Yejuan tlanauatiskej iuan Jesús itech iluikak (Romanos 8:16, 17). ¿Akinmej kineskayotiaj ichkamej uan tentsomej? Nochtin tlaltikpaktlakamej. ¿Keman kinmixkomakaskej? Ijkuak tlamis ueyi tlajyouilistli, tlen ayakmo miak poliui peuas. ¿Uan akinmej kintokayotiaj ichkamej uan tentsomej? Jesús kijtos ijkuak kitas ken kinpaleuiaj tlapejpenalmej tlen ok katej itech Tlaltikpak. Tiktlasojkamatiliaj Jehová pampa techpaleuia ma tikajsikamatikan nin neskayotl uan okseki tlen ijkuilitokej itech Mateo 24 uan 25.
(Mateo 25:40) Ijkuakó nikinnankilis: “De milajka nomechilia, ijkuak nomejwah ijkí ononkinchiwilijkeh nokniwah non okachi amitla impati, Ne ononnechchiwilijkeh.”
w09-S 15/10 pág. 16 párrs. 16-18
“Nomejwah de milajka notlakaikniwah”
16 Akinmej tichantiskej tlaltikpak, ¿ken tikteititiaj timouikaj iuan tlapejpenalmej? Tikteititiaj ika eyi tlamantli. Se, moneki titetlapouiskej ika nochi toyolo. Jesús okinnauati imachtijkauan ma tetlapouikan itech nochi tlaltikpak (Mat. 24:14, TNM). Akinmej mokauaskej tlaltikpak, tla amo kinpaleuiskej tlapejpenalmej tlen ok nikan katej, oui san yejuan tetlapouiskiaj. Ijkuak titetlapouiaj tikinpaleuiaj tlapejpenalmej ma kichiuakan tekitl tlen okinnauatijkej. Nin kiteititia melauak timouikaj iuan Jesús uan tlakeuali yolmelajki uan ixtlamatki.
17 Ome, ma tiktemakakan tomin para okachi ma motetlapoui. Jesús okinmilui imachtijkauan ma kitekitiltikan tlen “onka itech nin tlaltíkpaktli” para kinpiaskej inyolikniuan (Luc. 16:9). Nin amo kijtosneki tiktlaxtlauaskej para timouikaskej iuan Jehová uan Jesús. Kijtosneki tikteititiskej tikintlasojtlaj uan inmiuan timouikaj ijkuak tiktekitiltiaj totomin para tikpaleuiskej iTekiuajkayo toTajtsin Dios, ik non, “amo matitetlasojtlakah san ika tokamak noso tonenepil, yej matimosepantlasojtlakah ika tlan tikchiwah” (1 Juan 3:16-18). Ma tiktekitiltikan totomin para titetlapouiskej. Ma tiktemakakan ika nochi toyolo para ma motetlapoui itech nochi tlaltikpak, ma kinchijchiuakan uan ma kinyektlalikan kalmej kanin timonechikoaj. Maski tiktemakaskej miak tomin noso amo, tikyolpaktiskej Jehová uan Jesús porque tiktemakaj ika pakilistli (2 Cor. 9:7).
18 Eyi, tikteititiaj Jesús toyolikni ijkuak tikinkauiliaj tlayekankej ma techyekanakan. Tlayekankej okinpejpenkej ika espíritu santo uan Jesús kinyekana (Efes. 5:23). Tlatitlanil Pablo okijto: “Xikintlakitakah akimeh nomechyakanah iwa xikchiwakah tlan nomechnawatiah” (Heb. 13:17). Ualeua tikitaj oui ma techyekanakan ijkuak technojnotsaj ika Biblia. Ken noijki tlajtlakolejkej, tikitaj oui tikinkakiskej. Cristo kiyekana tlanechikol uan yolpaki kintekitiltis tlayekankej maski noijki tlajtlakolejkej ken tejuan. Ik non, tla tikintlakamatij, motas melauak timouikaj iuan Jesús. Tla tikinkauiliaj ma techyekanakan uan amo san tikitaj ken motlapololtiaj, tikteititiskej tiktlasojtlaj Jesús.