“Tlan Dios yokiseitili...”

Tlanauatil tlen okijkuilo Moisés okijtoaya tla se tlakatl okinekiaya kikauas isiua, omonekiaya kichiuas se amatl. Nin tlanauatil okitlalijkej para amo san niman kikauaskiaj innamik. Pero ijkuak Jesús okatka tlaltikpak, teopixkej okichijkej amo oui ma mokajkauakan inmixpan tekiuajkej. Tlakamej san ika tlen tlamantli okikauayaj inamik (nwtsty xikita nota, Mar. 10:4: “amatl kan kijtoa kikajkawas”; nwtsty xikinmita notas, Mar. 10:11 : “akin kikajkawa isiwa” uan “tlajtlakolchijtok inawak”). Jesús okijto Jehová okitlali namiktilistli (Mar. 10:2-12). Tlakatl uan siuatl omonekiaya mochiuaskej “san se”, kijtosneki nochipa san sekan yetoskiaj. Mateo okijkuilo san uelis mokajkauaskej inmixpan tekiuajkej tla ikaj auilnemi (Mat. 19:9).

Axkan miakej tlen amo kitekichiuiliaj Jehová mokuayejyekoaj ken fariseos uan amo ken Jesús. Ijkuak kipiaj ouijkayotl, san niman mokajkauaj inmixpan tekiuajkej. Pero akinmej kichiuaj ken Cristo, kintlakaitaj innamik uan mochijchikauaj kintlakamatij principios bíblicos para kiyektlaliskej ouijkayotl. Ijkuak yonankitakej video Kuali timouikaskej iuan tokalchanejkauan tla timotlasojtlaj uan timotlakaitaj, xikinnankilikan ninmej tlajtlanilmej:

• 

  ¿Ken mitspaleuis Proverbios 15:1 kuali xiyeto iuan monamik uan tleka moneki tikchiuas ken ompa kijtoa?

• ¿Ken mitspaleuis Proverbios 19:11 para amo okachi tikpias ouijkayotl?

• ¿Tlen moneki achto motlajtlanis akin kineki kikajkauas inamik inmixpan tekiuajkej?

• ¿Ken mitspaleuis Mateo 7:12 tiyetos tiyolkuali iuan monamik?