TLAMACHTIL 1

Kuali xipeua ijkuak titlamachtis

Hechos 17:22

XIKILNAMIKTO: Ma kinpakti ijkuak peuas titlamachtis, xikinmilui tlen nanmomachtiskej uan tleka miak ipati.

Xikintlapoui itlaj tlen kinekij kimatiskej. Ximokuayejyeko tlen tikintlajtlanis akinmej tikinmachtis, xikinmilui itlaj tlen panotok, tlen okinpanok oksekimej noso xikinmilui se noticia tlen kintekipachoa.

Ijkuak timomachtis, ximokuayejyeko tlen kintekipachoa uan non mitspaleuis ijkuak peuas titlamachtis.
Xikinmilui tlen nanmomachtiskej. Ijkuak peuas titlamachtis, xikinmilui tlen nanmomachtiskej uan ken kinpaleuis tlen tikinmachtis.
Xikinmilui kinpaleuis tlen nanmomachtiskej. Xikinmilui axkan onka miak tlamantli tlen techtekipachoa. Ik non, tlen nanmomachtiskej kinpaleuis kuali ma yetokan.

Ijkuak timomachtis, ximotlajtlani: “¿Tlen ouijkayotl kixnamikij tokniuan?”. Tla tikmati tlen kinpanoa, mitspaleuis ijkuak peuas titlamachtis.