TLAKUIKALI 134
Xiktlasojtla uan xikmalui mokone
Amatlajkuilol
(Salmo 127:3-5)
1. Tla se konetl yitikpias,
xiktlasojtla, kuali xikiskalti,
noijki kuali xikmaluijto,
xikmachti tlen kineki Dios.
Ye otechmakak tonemilis
uan kinamiki ma techyekana.
Xikilui tikneki tikmatis
ken mokonetsin tikmakixtis.
(ESTRIBILLO)
Jehová moDios mitsualpaleuis,
mokone kuali kimaluis.
Xikmachti ken tetlakamatis
ijkon nochipa yolpakis.
2. Kuali ximomachti Biblia,
xikteititi tiktlasojtla Jehová,
ijkon mokone tikyolinis
ma kiyolpakti san Jehová.
Tla tiyolkuali iuan mokone,
tikmachtis ken nochipa yeknemis
uan kilnamiktos ken mojmostla
otiktlasojtlak, otikmalui.
(ESTRIBILLO)
Jehová moDios mitsualpaleuis,
mokone kuali kimaluis.
Xikmachti ken tetlakamatis
ijkon nochipa yolpakis.
(Noijki xikita Deut. 6:6, 7; Efes. 6:4; 1 Tim. 4:16).