Para okachi kuali titetlapouiskej: ¿Tlen tikchiuas tla akin tikmachtia amo mochijchikaua kichiuas tlen momachtia?

¿TLEKA MIAK IPATI? Nochtin akinmej ‘kijtoskej itokaʼ Jehová momakixtiskej (Rom. 10:13, TNM, 14). Pero amo nochtin akinmej tikinmachtiaj, kinekij kintlakamatiskej itlanauatiluan Jehová. Para okachi kuali titetlapouiskej uan amo san timotonalpoloskej, moneki tikinpaleuiskej san akinmej melauak kinekij kipatlaskej innemilis uan kiyolpaktiskej Jehová. Tla yiuejkika ikaj tikmachtiaj uan tikitaj amo kineki kichiuas tlen kijtoa Jehová, ayakmo ma tikmachtikan. Ma tikinpaleuikan akinmej Jehová kinpaleuia itech ma motokikan uan itech ialtepe (Juan 6:44). Pero tla akin otikmachtiayaj satepan kiteititia ye ‘akin Dios yokipejpenki para mayolito nochipaʼ, uelis oksepa tikmachtiskej (Hech. 13:48).

¿KEN TIKCHIUAS?

• Akin tikmachtia xikilui kuali kichijtok porque momachtijtok tlen kijtoa Biblia (1 Tim. 2:4).

• Xikilui tleka miak ipati ma kichiua tlen momachtijtok (Luc. 6:46-49).

• Xikteititi tiktlakaita uan iuan ximomachti neskayotl tlen Jesús okijto: tlakatl akin otlatokak uan xikilui ma mokuayejyeko tlen kitsakuilia amo ma kichiua tlen momachtijtok (Mat. 13:18-23).

• Xiktlakaita ijkuak tikiluis tleka ayakmo tikmachtis.

• Xikilui ualeua tiknotsas ika teléfono noso tiktlajpaloti uan uelis oksepa tikmachtis ijkuak ye kichiuas tlen kijtoa Biblia.

IJKUAK YOTIKITAK VIDEO, XIKINNANKILI NINMEJ TLAJTLANILMEJ:

• ¿Tlen kiteititia akin momachtijtok amo kichiua tlen kijtoa Biblia?

• ¿Tokni ken okipaleui akin kimachtia ma kajsikamati omonekiaya kipatlas inemilis?

• ¿Ken okiyekilui satepan uelis oksepa uelis kimachtiskia?