Tlamachtilmej para Toteki akinmej tikchiuaj ken Cristo
7-13 DE OCTUBRE
KEN TECHPALEUIA BIBLIA | SANTIAGO 3-5
“Ma tikteititikan tikpiaj ixtlamatilis toTajtsin Dios”
(Santiago 3:17) Pero akimeh kipiah n ixtlamatílistli non Dios kitemaka, amo kichiwah tlan amokuali, yej kitemoah yolsewílistli, yejwah tetlakitah iwa kualteh n tlakah iwan nochteh. Yejwah teiknomatkeh iwa kimatih tepalewiah, iwa nochipa kichiwah tlan kuali. Amo san techikotlasojtlah, nonteh de milajka tlaneltokakeh.
cl-S págs. 221, 222 párrs. 9, 10
¿Techyekana ixtlamatilis toTajtsin Dios?
9 “Amo kichiwah tlan amokuali”. Nin tlajtoli ika griego kijtosneki ikaj chipauak iyolo chipauak tlen kichiua. Amo uelis tikseliskej ixtlamatilis toTajtsin Dios tla timokuayejyekoaj uan tiknekij tikchiuaskej tlen amo kuali, ik non, Biblia kijtoa ma tikmaluikan toyolo (Proverbios 2:10; Mateo 15:19, 20). Tla timochijchikauaj tikpiaskej toyolo chipauak, tikchiuaskej tlen kuali uan tikixtopeuaskej tlen amo kuali (Salmo 37:27; Proverbios 3:7). Ik non, nin texto achto kiteititia amo ma tikchiuakan tlen amo kuali para uelis tikpiaskej ixtlamatilis toTajtsin Dios uan ijkon uelis tikchiuaskej okseki tlamantli tlen noijki kijtoa.
10 “Kitemoah yolsewílistli”. Tla tikpiaj ixtlamatilis toTajtsin Dios, tiktemoskej yolseuilistli porque non techmaka iespíritu santo (Gálatas 5:22). Ik non, timochijchikauaj para nochipa tiyetoskej ika “yolsewílistli” iuan oksekimej porque non techpaleuia san sekan ma tiyetokan itech ialtepe Jehová (Efesios 4:3). Noijki ijkuak tikpiaj ouijkayotl iuan oksekimej, timochijchikauaj uan tikyektlaliaj tlen amo kuali otikchijkej para ijkon san sekan tiyetoskej. ¿Tleka moneki ijkon ma tikchiuakan? Porque Biblia techiluia: “Ximosepanyekwikakah. Iwa Dios non teyolsewia iwa tetlasojtla, yetos nomowah” (2 Corintios 13:11). Tla kuali timouikaj iuan oksekimej, toTajtsin Dios techselis. Tla tikintlasojtlaj tokniuan, ye touan mouikas. ¿Ken tikteititiskej tiknekij kuali timouikaskej iuan oksekimej? Ma tikitakan.
(Santiago 3:17) Pero akimeh kipiah n ixtlamatílistli non Dios kitemaka, amo kichiwah tlan amokuali, yej kitemoah yolsewílistli, [kuali mokuayejyekoaj, TNM] yejwah tetlakitah iwa kualteh n tlakah iwan nochteh. Yejwah teiknomatkeh iwa kimatih tepalewiah, iwa nochipa kichiwah tlan kuali. Amo san techikotlasojtlah, nonteh de milajka tlaneltokakeh.
cl-S pág. 223 párr. 12
¿Tikteititiaj ixtlamatilis toTajtsin Dios?
12 “Kuali mokuayejyekoaj”. Sekimej ixtlamatkej kijtoaj non tlajtoli ika griego tlen ijkuilitok itech Santiago 3:17, oui kitlajtolkopaskej. Itech okseki Biblias okitlajtolkopkej ikaj “tetlasojtla”, “kimati mochias” uan “teajsikamati”. Traducción del Nuevo Mundo kipia se nota itech non tlajtoli uan kijtosneki ikaj “kikauilia” itlaj ma kichiua. ¿Ken uelis tikteititiskej kuali timokuayejyekoaj?
cl-S págs. 224, 225 párrs. 14, 15
¿Tikteititiaj ixtlamatilis toTajtsin Dios?
14 “Tetlakitah”. Nin motlajtolkopa ika se tlajtoli tlen san se uelta kajki itech Escrituras Griegas Cristianas. Se ixtlamatki okijto “non tlajtoli kitekitiltiaj ijkuak sekimej kinmachtiaj para yaskej guerra”. Non tlajtoli moajsikamati ijkuak ikaj “kikaua ma kinauatikan” uan “tetlakamati”. Ijkon akin kikaua ma kiyekana ixtlamatilis toTajtsin Dios, ika pakilistli kitlakamati tlen kijtoa Biblia. Mokuayejyekoa itlaj kichiuas pero tla Biblia kijtoa amo kuali, ayakmo kichiua. Kipatla tlen omokuayejyekoaya tla kititiaj ika Biblia tlen kichiua noso tlen mokuayejyekoa amo kuali. ¿Oksekimej kimatij tejuan titetlakamatij?
“Teiknomatkeh iwa kimatih tepalewiah”
15 “Teiknomatkeh iwa kimatih tepalewiah”. Tla tikpiaj ixtlamatilis toTajtsin Dios, “titeiknomatiskej”. Noijki Biblia kijtoa tla titeiknomatij, nochipa timotekipachoskej uan tiktemoskej ken “titepaleuiskej”, ijkon ken toTajtsin Dios kineki. Se amochtli kijtoa “titeiknomatiskej kijtosneki timoyolkokoskej ijkuak oksekimej tlajyouiaj, ik non, tiknekiskej tikinpaleuiskej”. Tla tikteititiskej ixtlamatilis toTajtsin Dios, amo titetlajyouiltiskej, amo titeyolkokoskej uan titetlasojtlaskej, tikintlakaitaskej oksekimej uan tikmachiliskej tlen kimachiliaj. ¿Ken tikteititiskej titeiknomatij?
(Santiago 3:17) Pero akimeh kipiah n ixtlamatílistli non Dios kitemaka, amo kichiwah tlan amokuali, yej kitemoah yolsewílistli, yejwah tetlakitah iwa kualteh n tlakah iwan nochteh. Yejwah teiknomatkeh iwa kimatih tepalewiah, iwa nochipa kichiwah tlan kuali. Amo san techikotlasojtlah, nonteh de milajka tlaneltokakeh [amo kipiaj ome inmixko].
cl-S pág. 226 párrs. 18, 19
¿Tikteititiaj ixtlamatilis toTajtsin Dios?
18 “Amo san techikotlasojtlah”. Tla tikpiaj ixtlamatilis toTajtsin Dios amo tikinchikoitaskej akinmej uitsej itech okse altepetl uan timochijchikauaskej amo san sekimej tikintlasojtlaskej (Santiago 2:9). Amo san tikintlakaitaskej akinmej ixtlamatkej, akinmej kipiaj miak tomin noso porque kipiaj se tekitl itech tlanechikol uan amo tikinmixtopeuaskej tokniuan tlen amitlaj kipiaj. Jehová kintlasojtla uan tejuan noijki moneki tikintlasojtlaskej.
19 “Amo kipiaj ome inmixko”. Ika tlajtoli griego “kipiaj ome inmixko”, ualeua ijkon okinmiluiayaj akinmej “otekipanoayaj teatro”. Yiuejkika, griegos uan romanos tlen otekipanoayaj teatro, itlaj okimoixtlaliliayaj. Ik non, tlajtoli “kipiaj ome inmixko”, kijtosneki akinmej okitlatiayaj ken melauak okipiayaj inyelis uan okinuetskitiayaj oksekimej. Ik non, tla tikpiaj ixtlamatilis toTajtsin Dios, amo san kuali tikinchiuiliskej tokniuan, noijki tikintlasojtlaskej.
Ma tiktemokan ken techpaleuia Biblia
(Santiago 4:5) Yika n tiotlajkuíloli kijtoa: “N espíritu non Dios okitlali totech, satlawel kitlasojtla asta kichawatilia.”
w08-S 15/11 pág. 20 párr. 6
Tlen okachi ipati omotlajtolti itech carta Santiago uan Pedro
4:5. ¿Tlen texto okijto Santiago? Amo okijkuilo tlen kijtoa se versículo. Nonmej tlajtolmej tlen Jehová okichi ma kijkuilo, xamo pouij itech Génesis 6:5; 8:21; Proverbios 21:10 uan Gálatas 5:17.
(Santiago 4:11, 12) Nokniwah, amo xitepojpoakah. Akin kipojpoa se tokni, mochiwa ken kipojpoaskiah itlanawatilis Dios. Iwa tla tikpojpoa itlanawatilis Dios, ayakmó tiktlakita itlanawatilis, yej tikixnamiki. 12 Pero sanwel onka se Akin okitemák n tlanawátili, Ye Akin temakixtia iwa tetlajtlakoltia, ¿akin te non tikijtoa kox kuali noso amo kuali tlan kichiwa se mokni?
w97-S 15/11 pág. 20 párr. 8
Titlaneltokaskej techpaleuis nochipa ma timotlatlaujtikan uan ma tikmatikan timochiaskej
8 Titlajtlakolchiuaj tla tikinteneuaj tokniuan (Santiago 4:11, 12). Akinmej kinteneuaj tokniuan mokuayejyekoaj okachi chipauak kipiaj innemilis, xamo mokuayejyekoaj amo tlajtlakolchiuaj, ik non, kinekij ma kinpinauikan oksekimej pero amo yejuan (Salmo 50:20; Proverbios 3:29). “Akin kipojpoa se tokni”, ika griego kijtosneki kikokolia uan kitlajtlakoltia. ¿Tleka akin ijkon kichiua kijtosneki amo ‘kitlakaita itlanawatilisʼ toTajtsin Dios uan “kixnamiki”? Escribas uan fariseos amo okintlakamatiayaj itlanauatiluan toTajtsin Dios uan otlaixkomakayaj ken yejuan okinekiayaj (Marcos 7:1-13). Tla tejuan tikijtoaj se tokni otlajtlakolchi pero Jehová amo kitlajtlakoltia, tikteititiskej amo ‘tiktlakitah itlanawatilisʼ. Tla tikteneuaj se tokni, noijki kijtosneki amo tiktlasojtlaj (Romanos 13:8-10).
14-20 DE OCTUBRE
KEN TECHPALEUIA BIBLIA | 1 DE PEDRO 1, 2
“Xiyetokah nonyolchipawakeh”
(1 Pedro 1:14, 15) Kemi tepilwah tetlakitakeh, amo xikchijtinemikah tlan achto ononkichiwayah ijkuak ayamó ononkixmatiah Dios. 15 Okachi kuali xinemikah non yolchipawakeh, porke Dios Akin onomechnotski, Ye yolchipawak.
Jehová okitemakak iKone para techmakixtis
5 ¿Uan tejuan ken tikteititiaj tiktlakaitaj itoka Jehová? Ika tlen tikchiuaj. Jehová kineki ma tiyetokan santos (xiktlajtolti 1 Pedro 1:15, 16). Ik non, san ye tikueyichiuaj uan tiktlakamatij ika pakilistli. Uan maski techtojtokaskej, timochijchikauaskej tikchiuaskej tlen Jehová kineki. Uan Ijkuak tikintlakamatij itlanauatiluan, tikueyichiuaj itoka (Mateo 5:14-16). Noijki, tikteititiaj techpaleuiaj itlanauatiluan Jehová uan Satanás tlakajkayaua. Uan ken titlajtlakolejkej ualeua tikchiuaj itlaj amo kuali. Pero timoyolkuepaj uan ayakmo tikchiuaj nochi tlen kisokiotia itoka Jehová (Salmo 79:9).
(1 Pedro 1:16) N tiotlajkuíloli kijtoa: “Xiyetokah nonyolchipawakeh, porke Ne niyolchipawak.”
¿Ken uelis tikpejpenaskej tlen ika timoyolpaktiskej?
6 Pablo okinmilui akinmej okichiuayaj ken Cristo tlen ochantiayaj Roma: “Amo xiktemakakah nomokuerpo itech tlajtlákoli para kichiwas tlan amokuali”. Noijki okinmilui ‘makipojpolokah nochi tlajtlákoli tlan inkuerpo kichijtinemi’ (Romanos 6:12-14; 8:13). Achto otlajto itech seki neskayomej tlen “tokuerpo kichijtinemi”. Pampa tlaltikpaktlakamej tlajtlakolchiuaj okijkuilo: “Intlajtol tentok ika tlan amo kuali iwa tlan teyolkoko”. “Ika inmikxiwah motleloah para temiktiskeh.” “Iwa amo kilnamikih kox moneki se makiimakajsi Dios.” (Romanos 3:13-18.) Akinmej kichiuaj ken Cristo uelis kisokiotiskej ‘inkuerpo’ noso itlaj itech intlalnakayo ijkuak kichiuaj se tlajtlakoli. Se neskayotl, tla se tokni san ik kichiua kimauisoa tlen sokio, ken pornografía noso ijkuak sapanoa temomojti moteuiaj, ‘kitemakatok [iixtololouan] itech tlajtlákoli’ uan kisokiotia nochi itlalnakayo. Ik non, toTajtsin Dios amo kiselis ken se “tlamíktili” nochi tlen ika tikueyichiuaj, tla amo chipauak (Deuteronomio 15:21; 1 Pedro 1:14-16; 2 Pedro 3:11). Sapanoa tlajyouis pampa moyolpaktia ika tlen sokio.
Ma tiktemokan ken techpaleuia Biblia
(1 Pedro 1:10-12) N profetas okimomachtijkeh itlajkuilol Dios, porke okinekiah kimatiskeh kenomi kajsiskeh n temakixtílistli, iwa otetlapowijkeh tlan Dios nomechmakaskia ika itlasojtlalis. 11 Ijkuak ayamó owalaya n Cristo itech nin tlaltíkpaktli, Iespíritu okinmachtiaya n profetas tlan Ye tlaijyowiskia itech nin tlaltíkpaktli, noiwa okinmachtiaya nochi tlan kualtsi satepa panoskia. Iwa n profetas okinekia kimatiskeh akin yetoskia n Cristo iwa kemania walaskia itech nin tlaltíkpaktli. 12 Pero Dios okinmajsikamatilti tlan yejwah okitetlapowiayah amo san para yejwah, yej nomejwah noiwa. Ye ni n tlanawatílistli non onomechmakakeh nomejwah akimeh onomechititijkeh n kuali tlájtoli. Iwa okichijkeh ika iweletilis n Espíritu Santo non okititlankeh de ilwikak. ¡Nochi ni n ángelteh kinekiskia kitaskeh!
w08-S 15/11 pág. 21 párr. 10
Tlen okachi ipati omotlajtolti itech carta Santiago uan Pedro
1:10-12. Ángeles okinekiayaj kimatiskej seki tlamantli porque profetas okijkuilojkej sekimej yetoskiaj tlapejpenalmej pero amikaj okajsikamatiaya hasta ijkuak sekimej opejkej kichiuaj ken Cristo (Efes. 3:10). Ma tikchiuakan ken ángeles, kuali ma timomachtikan “tlamantin de Dios katlej mach tiwelij tikmomakaj kuenta” (1 Cor. 2:10, Itlajtol totajtzin Dios).
(1 Pedro 1:18, 19) Dios onomechkixti itech nomonemilis non amitla ipati non onomechititijkeh nonmotatawah. Iwa kuali nonkimatih nin temakixtílistli amo omotlaxtla ika tlan ijtlakawi, kemi n oro noso n plata, 19 yej ika iesso n Cristo non okachi miak ipati, se ichkatsi kemi tlamánali, kuali iwa chipawak.
“Nikchiuas tlen tikneki”
11 Axkan kuali timokuayejyekoaj uan ayakmo tikchiuaj tlen amo kuali. Moneki yetoskej santos akinmej kitemoaj tlen tlamachtia Biblia (Is. 35:8; xiktlajtolti 1 Pedro 1:14-16). Tinochtin otikpatlakej miak tlamantli ijkuak opejki timomachtiaj Biblia. Sekimej sepa omopatlak innemilis. Pero amo oksepa ma tikchiuakan tlen amo kuali otikchiuayaj. ¿Tlen techpaleuis amo oksepa ijkon ma tikchiuakan? Ma tikilnamikikan Jehová okitemakak iKone para ma tiyetokan tisantos (1 Ped. 1:18, 19). Nochipa ma tikilnamiktokan sapanoa miak ipati Jesús omotemakak para ma tiyetokan tichipauakej ixpan Jehová.
21-27 DE OCTUBRE
KEN TECHPALEUIA BIBLIA | 1 PEDRO 3-5
“Ya walajsi n tonati ijkuak nochi pojpoliwis”
(1 Pedro 4:7) Ya walajsi n tonati ijkuak nochi pojpoliwis. Yika, nomejwah xinemikah ika nomotlalnamikilis chipawak iwa nochipa ximotiotsajtsilijtokah.
w13-S 15/11 pág. 3 párr. 1
“Nochipa ximotiotsajtsilijtokah”
SE TLAKATL tlen otekipanoaya yoak, okijto: “Okachi oui tiijsatoskej ijkuak yitlanestiuits”. Miakej tlen tekipanoaj yoak xamo noijki ijkon kijtoaj. Akinmej tikchiuaj ken Cristo noijki yetoskia ken tikatej ijkuak yitlanestiuits; ayakmo miak poliui toTajtsin Dios kixpolos Satanás uan nochi tlen kiyekana (Rom. 13:12). Uelis tikpoloskej nochi tla ayakmo tikpiaj chikauak totlaneltokilis, ik non, miak ipati ma tikpiakan ‘totlalnamikilis chipawakʼ uan nochipa ma ‘matiotsajtsilijtokahʼ (1 Ped. 4:7).
(1 Pedro 4:8) Tlan okachi moneki, ximosepantlasojtlakah, porke akin milák tetlasojtla, kimati tetlapojpolwia.
w99-S 15/4 pág. 22 párr. 3
¿Ken uelis tikmatiskej tla ayakmo tikpiaj chikauak totlaneltokilis uan tlen tikchiuaskej?
Ma tikilnamiktokan tlen okijto tlatitlanil Pedro: “Ya walajsi n tonati ijkuak nochi pojpoliwis. Yika, nomejwah xinemikah ika nomotlalnamikilis chipawak iwa nochipa ximotiotsajtsilijtokah. Tlan okachi moneki, ximosepantlasojtlakah, porke akin milák tetlasojtla, kimati tetlapojpolwia” (1 Pedro 4:7, 8). Tinochtin titlajtlakolejkej, non uelis kijtlakos tlen tikpiaj itech toyolo, tlen timokuayejyekoaj uan noijki uelis kichiuas amo kuali ma timouikakan iuan oksekimej. Satanás kimati non tlamantli uan kitekitiltia para amo san sekan ma tiyetokan. Ik non, tla ikaj techchiuilia itlaj amo kuali, ma tiktlasojtlakan uan ma tiktlapojpoluikan para amo tikchiuaskej ken Satanás kineki (Efesios 4:25-27).
(1 Pedro 4:9) Xitekalotikah iwa amo ximotlatlajtolwikah.
w18.03 págs. 14, 15 párrs. 2, 3
¿Tleka moneki kuali ma tikinselikan tokniuan?
2 Pedro okinmilui tokniuan ma kichiuakan seki tlamantli uan noijki okinmilui: “Xitekalotikah” (1 Ped. 4:9). Ika tlajtoli griego kijtosneki “kinseliskej kuali akinmej amo kinmixmatij”. Pero tlatitlanil Pedro okijto ma ‘tekalotikah’, nin kijtosneki kuali kinseliskej akinmej yokinmixmatiayaj uan inmiuan yomouikayaj. ¿Ken kinpaleuiskia tla ijkon kichiuaskiaj?
3 Kinpaleuiskia san sekan ma yetokan. ¿Uan tejuan? ¿Tikilnamiki ken otiyolpakik ijkuak se tokni omitsilui xio ikalijtik? Uan ijkuak ikaj otikilui ma uia mokalijtik, ¿amo melauak opejki okachi iuan timouika? Okachi kuali tikinmixmatiskej tokniuan tla tikinmiluiaj ma yakan tokalijtik. Ijkuak okatka Pedro, okachi omonekiaya san sekan ma yetokan tokniuan porque okixnamikiayaj miak ouijkayotl. Noijki ijkon techpanoa axkan porque tikatej “iksemi tonatijmeh” (2 Tim. 3:1).
Ma tiktemokan ken techpaleuia Biblia
(1 Pedro 3:19, 20) Iwa ijkó okintlapowito [...] espíritus non tsaktokeh. 20 Nonteh espíritus amo otetlakitakeh itech tonatijmeh ijkuak Noé onemia, Dios omóchixki mamolnamikikah, ijkuak Noé okichijchiwaya n arka. Sanwel chikweyi omomakixtijkeh imak n weyi kiawitl.
w13-S 15/6 pág. 23
Sekimej techtlajtlaniaj
¿Tlen kijtosneki ijkuak Biblia kijtoa Jesús “okintlapowito [...] espíritus non tsaktokeh”? (1 Ped. 3:19).
▪ Tlatitlanil Pedro okijto yejuan espíritus tlen “amo otetlakitakeh itech tonatijmeh ijkuak Noé onemia” (1 Ped. 3:20). Non kijtosneki ángeles tlen okixnamikej Jehová ijkon ken okichi Satanás. Judas noijki okijto “ángelteh non amo omokajkeh kan Dios okintlali, iwa ayakmó okinekeh otetlakitakeh iwa okikakajtejkeh incha” uan toTajtsin Dios “okintsak kan sentleyua” hasta ijkuak ye tlaixkomakas itech iueyi tonal (Judas 6).
¿Tlen amo kuali okichijkej nonmej ángeles ijkuak okatka Noé? Ijkuak ayamo otlatemiaya, nikan oualtemokej uan omochijkej ken tlakamej, toTajtsin Dios amo okinchijchi ángeles para ijkon ma kichiuakan (Gén. 6:2, 4). Noijki amo okinchijchijkej para ma motekakan iuan siuamej pero amo otetlakamatkej (Gén. 5:2). ToTajtsin Dios yokitlali se tonal para kinmixpolos amo kuali ejekamej. Judas okijto katej “kan sentleyua”, kijtosneki toTajtsin Dios amo kinkauilia ma kimatikan tlen melauak.
¿Keman uan tlen okintlapoui Jesús “espíritus non tsaktokeh”? Pedro okijto non opanok satepan ijkuak Jesús “omoyoliti ika espíritu” (1 Ped. 3:18, 19). Noijki, okijto Jesús “okintlapoui”. Nin tlajtoli kijtoa se tlamantli tlen yopanok, ik non, tikajsikamatij opanok ijkuak tlatitlanil Pedro ayamo okijkuiloaya achto carta. Ik non, xamo satepan ijkuak toTajtsin Dios okiyoliti Jesús, okinmilui kintlajyouiltiskej. Amo okinmilui kuali tlajtoli, okinmilui kinmixpoloskiaj (Jon. 1:1, 2). Ye ijkon okinmilui porque okiteititi yolmelajki hasta ijkuak okimiktijkej uan okiyolitijkej, ijkon Jesús okititi Diablo amo uelis kinauatiskia (Juan 14:30; 16:8-11).
Satepan Jesús kilpis uan kitlamotlas Satanás uan amo kuali ejekamej kanin “sentlawejkatlantik” (Lucas 8:30, 31, TNM; Apoc. 20:1-3). Nonmej espíritus amo kinkauiliaj ma kimatikan tlen melauak uan kinmixpoloskej (Apoc. 20:7-10).
(1 Pedro 4:6) Yika, noiwa okinmatiltijkeh n kualitlájtoli non yomikkeh, porke maya yokinmixkomakakeh kemi kinmixkomakah n tlakah, inmespíritu weletis yolitos inawak Dios.
w08-S 15/11 pág. 21 párr. 8
Tlen okachi ipati omotlajtolti itech carta Santiago uan Pedro
4:6. ¿Akinmej “non yomikkeh” tlen okintlapouijkej kuali tlajtolmej? Akinmej ayamo okikakiayaj kuali tlajtolmej uan ‘omiktokah itech intlajtlakolʼ, kijtosneki amo okixmatiayaj toTajtsin Dios (Efes. 2:1). Ijkuak okiselijkej kuali tlajtolmej opejki mouikaj iuan Jehová uan yetoskia ken okinyolitijkej.
28 DE OCTUBRE-3 DE NOVIEMBRE
KEN TECHPALEUIA BIBLIA | 2 PEDRO 1-3
“Ma tikchixtokan ‘maajsiki n tonati non Dios yokitlaliʼ”
(2 Pedro 3:9, 10) Noni amo kijtosneki Dios yokilka tlan okisentlali kichiwas, kemi sikimeh yowejka kiyejyekoliah, yej techchixtok iwa amo kineki aka mamoixpolo, yej tinochteh matimoyolpatlakah inawak. 10 Pero ijkuak, [uits itonal Jehová, TNM] kalakiki kemi ijkuak se tlachtek kalaki techa. Itech nonteh tonatijmeh tlatekuinis chikawak iwa n ilwikak san walpoliwis, n sítlalteh paatiskeh ika tletl, iwa n tlali iwa nochi tlan onka itech, tlatlas.
w06-S 15/12 pág. 27 párr. 11
Jehová kichiuas ma yeto melajkayotl
11 ¿Tlen kijtosneki ijkuak Jesús okijto Jehová kichiuas san “niman” ma yeto melajkayotl? ITlajtol toTajtsin Dios kiteititia ye kimati mochias pero noijki kijtoa san niman ajsis tonal ijkuak tlaixkomakas (Lucas 18:7, TNM 8; 2 Pedro 3:9, 10). Ijkuak Noé okatka uan otlatenki, san niman okinmixpolojkej akinmej amo yolkualmej. Noijki ijkuak okatka Lot, oualtemok tlitl uan okinmixpolojkej akinmej amo yolkualmej. Jesús okijto: “Ijkó tlamochiwas itech neká tonati ijkuak niwalmonextis, Ne Non onimochi ni tlakatl” (Lucas 17:27-30). Akinmej amo yolkualmej san niman kinmixpoloskej (1 Tesalonicenses 5:2, 3). Ik non, ma tikneltokakan Jehová san niman kixpolos Satanás uan nochi tlen kinauatijtok uan ijkon kiteititis imelajkayo.
(2 Pedro 3:11, 12) Iwa tla ijkó pojpoliwis nochi tlan onka, ¡moneki nomejwah sanwel xiktlakitakah Dios iwa xikchiwakah nochi tlan kuali! 12 Xikchiakah maajsiki n tonati non Dios yokitlali, ijkuak kinxexelos non kualteh iwa non amokualteh itech nin tlaltíkpaktli. Non tonati n tletl kipojpolos n ilwikak iwa n sítlalteh paatiskeh.
w06-S 15/12 pág. 19 párr. 18
“Iueyi tonal Jehová amo uejka kajki”
18 Tlatitlanil Pedro okijto ma tikchixtokan “maajsiki n tonati non Dios yokitlali”, ¿ken uelis tikchiaskej? Moneki ma ‘tiktlakitakah Dios iwa ma tikchiwakah nochi tlan kuali’ (2 Pedro 3:11, 12). Tla nochipa tiktekichiuiliaj Jehová, tikchixtoskej ika nochi toyolo “maajsiki n tonati non Dios yokitlali”. Ika griego tlajtoli “tikchixtoskej”, kijtosneki “totoka itlaj tikchijtoskej”. Tejuan amo uelis tikchiuaskej totoka ma ajsi itonal Jehová pero tla nochipa tiktekichiuiliaj, tikitaskej san niman ajsiki itonal (1 Corintios 15:58).
Ma tiktemokan ken techpaleuia Biblia
(2 Pedro 1:19) Yika, kuali nikmatok, tlan okikuilojkeh n profetas ye tlan milák, yika, kuali xikkakikah nin kualitlájtoli, porke nomechilis kenomi non nemiskeh, asta keman tlanesi iwa pankisa n sítlali non kisa kuinal iwa kitlawilia toyolo.
w08-S 15/11 pág. 22 párr. 2
Tlen okachi ipati omotlajtolti itech carta Santiago uan Pedro
1:19. ¿Akin “sítlali”? ¿Keman “pankisa” uan ken tikmatij non yopanok? Ijkuak Jesucristo okitlalijkej ueyi tekiua yetoskia ken omochi “sítlali” (Apoc. 22:16). Itech 1914, Jesús omochi ueyi Tekiua Mesiánico uan non yetoskia ken ‘opankiski’ ixpan nochi tlen Jehová okichijchi, yetoskia ken okiteititi yitlanestiuits uan okitematilti kuali tlajtoli. Pedro okitak Jesús opetlanki, non okiteititi Jesús ueyititok, ichikaualis tlen kiteititiskia ijkuak tlanauatiskia uan melauak mochiua tlen kijtoa toTajtsin Dios (Mar. 9:1-3). Tla kuali timomachtiaj tlen kijtoa non versículo kuali tikajsikamatiskej ‘yopankiski n sítlali’.
(2 Pedro 2:4) Dios amo okintlapojpolwi n ángelteh non otlajtlakolchijkeh, yej okualintlamotlak [itech Tártaro, TNM] iwa okinka ilpitokeh ika kadena kan tleyua para matsaktokah asta maajsiki neká iksemi tonati ijkuak Ye wits kinxexeloki iwa kijtos akin yas íwa, iwa akin amó.
w08-S 15/11 pág. 22 párr. 3
Tlen okachi ipati omotlajtolti itech carta Santiago uan Pedro
2:4. ¿Tlen kijtosneki “Tártaro”? ¿Keman ompa okintlamotlakej amo kuali ejekamej? Tártaro kijtosneki toTajtsin Dios itlaj amo kinkauilia ma kichiuakan amo kuali ejekamej pero amo ijkon kinchiuilia tlaltikpaktlakamej. Yejuan amo kajsikamatij tlen toTajtsin Dios kineki uan yetoskia ken katej kanin tlayoa. Noijki amo kiseliskej tlen toTajtsin Dios kichiuas. Ye okintlamotlak itech Tártaro, ángeles tlen amo okitlakamatkej ijkuak okatka Noé uan ompa yetoskej hasta ijkuak kinmixpoloskej.
© 2019 Watch Tower Bible and Tract Society of Pennsylvanias