TLAKUIKALI 31
Nochipa xinemi iuan Jehová
Amatlajkuilol
(Miqueas 6:8)
1. Tla tinemis iuan Jehová,
xiyeto yolyamanki.
Xitetlasojtla, xitlaneltoka
uan ye amo mitskauas.
Ximomachti iTlajtol Jehová
uan xiktlakamati.
Jehová kuali mitsyekanas
uan nochipa mitsmaluis.
2. Xinemi iuan Dios ika
chipauak monemilis
uan xikkokoli tlen amo kuali,
ijkon Jehová yolpakis.
Mokuayejyekol xikmaluijto,
ma yeto chipauak.
Jehová kinekis mitsselis
uan nochipa tiyoltos.
3. Tla tinemis iuan Jehová,
nochipa tiyolpakis.
Xikititi Dios tikpatioita
nochi tlen ye mitsmaka.
Kuali ximouika iuan Dios
uan xiktlakuikili.
Tla tiyetos yolmelajki,
ye mitstlasojtlas miak.
(Noijki xikita Gén. 5:24; 6:9; Filip. 4:8; 1 Tim. 6:6-8).