-
Amo ximotekipachoAkin Tetlapouijtok (tlen ika titetlapouiaj) 2016 | Núm. 1
-
-
TLEN YIUEJKIKA OMOIJTO UAN TLEN AXKAN TECHPALEUIA
Amo ximotekipacho
PRINCIPIO BÍBLICO: “Amo ximotekipachokah” (Mateo 6:25).
¿Tlen kijtosneki? Jesús okinmijto ninmej tlajtolmej ijkuak oTlamachti itech Tepetl. Se diccionario bíblico kijtoa ijkuak motlajtolkuepa tlajtoli “ximotekipachokah” kijtosneki ijkuak se tlaltikpaktlakatl sapanoa tlasojti, ijkuak onka apistli uan okseki tlamantli tlen moneki kixnamikis. Ualeua techtekipachoa tlen techpanos satepan. Uan tinochtin techtekipachoa tlen ika timopanoltiskej uan kuali ma yetokan akinmej tikintlasojtlaj (Filipenses 2:20). Pero ijkuak Jesús okijto: “Amo ximotekipachokah”, okijto amo sapanoa ma timotekipachokan, pampa nin uelis kichiuas sapanoa ma timomojtikan itech tlen panos mostla uan non kichiuas ayakmo ma tiyolpakikan (Mateo 6:31, 34).
¿Techpaleuia nin principio? Melauak kuali tlen okijto Jesús. Sekimej amochmej kijtoaj ijkuak se tlaltikpaktlakatl sapanoa motekipachoa, isistema nervioso simpático nochipa kichixtok tlen panos. Noijki kijtoaj uelis kipias úlceras, moketsas iyolo uan asma.
Sapanoa ipati tlen okijto Jesús pampa amo ma timotekipachokan itech tlen amo itlaj ipati. Ye okijto: “¿Tla aka de nomejwah satlawel motekipachoa, yolitos ok se tonati?” (Mateo 6:27). Maski sapanoa timotekipachoskej amo uelis itlaj tikyektlaliskej uan amo uelis tikmiaktiliskej kauitl. Uan ualeua tlen techtekipachoa amo melauak ijkon panoa. Ijkon ken okijto se ixtlamatki: “Sapanoa timotekipachoskej itech tlen techpanos satepan, amo itlaj ipati, [...] amo nochipa amo kuali kisa ijkon ken otimokuayejyekoayaj”.
¿Tlen uelis techpaleuis amo sapanoa ma timotekipachokan? Achto, xitlaneltoka itech Jehová. Tla toTajtsin Dios kintlamaka totomej uan kualtsin kintlakentia xochimej, ¿amo kinmaluis akinmej kiueyichiuaj? (Mateo 6:25, 26, 28-30). Noijki amo ximotekipachojto itech tlen panos satepan, san itech sejse tonal. Jesús okijto: “Nochi tonati saman yetos itla tlan ika weletis nonmotekipachoskeh” (Mateo 6:34).
Tla tikchiuaskej tlen Jesús okijto, amo timokokoskej uan tikpiaskej iyolseuilis toTajtsin Dios (Filipenses 4:6, 7).
-
-
¿Akin okixexelo Biblia ika tlakotonalmej uan tlaxelolmej?Akin Tetlapouijtok (tlen ika titetlapouiaj) 2016 | Núm. 2
-
-
uan akinmej okinmachtiayaj, oui okinmajsiayaj tlaxelolmej. ¿Tleka? Pampa inBiblias tlatlamantli oxexelitokaj.
Ik non, Langton okse tlamantli okitemo ken kixexeloskia Biblia. Ijkon ken kijtoa amochtli El Libro. Historia de la Biblia (Amochtli. Ken omoijkuilo Biblia), ijkon ken okixexelo “okinpakti miakej akinmej okitlajtoltiayaj uan okijkuiloayaj Biblia uan okixmatkej itech nochi ueyi altepetl Europa”. Ijkon ken Langton okixexelo Biblia, miakej Biblias axkan ijkon xexelitokej.
¿AKIN OKINTLALILI TLAXELOLMEJ?
Kanaj 300 xiuitl satepan, itech siglo 16, se tlakatl francés tlen omotokayotiaya Robert Estienne akin okinchijchiuaya amochmej uan okinpaleuiaya tlaltikpaktlakamej, okichi amo oui ma kinmajsikan tlaxelolmej itech Biblia. Ye okinekiaya miakej ma momachtikan Biblia, uan okitak amo oui yetoskia tla Biblia kintlaliliskiaj tlakotonalmej uan tlaxelolmej.
Amo ye Estienne akin achto omokuayejyeko kixexeloskia Biblia ika tlaxelolmej. Seki xiuitl achto, judíos tlen okinchijchiuayaj copias itech Tlen omoijkuilo ika tlajtoli hebreo noso Antiguo Testamento okixexelojkej ika tlaxelolmej pero amo ika tlakotonalmej. Ijkon ken opanok ika tlakotonalmej, amo san se tlamantli okatka ken kixexeloskiaj tlaxelolmej.
Estienne okixelo Nuevo Testamento uan tlaxelolmej okintlalili yankuik números uan okisetili iuan Escrituras Hebreas. Uan itech xiuitl 1553, okichijchi achto Biblia ika tlajtoli francés ika tlaxelolmej uan tlakotonalmej ken axkan tikinmixmatij. Sekimej amo okinpakti uan okijtojkej tla kixexeloskiaj ika tlaxelolmej, ayakmo moajsikamatiskiaj. Maski ijkon okijtojkej, oksekimej tlen okinchijchiuayaj Biblias noijki ijkon opejkej kixexeloaj.
TECHPALEUIA OKACHI KUALI MA TIMOMACHTIKAN BIBLIA
Uelis ikaj kijtos amo miak ipati Biblia ma kipia tlakotonalmej uan tlaxelolmej, pero non kichiua sejse tlaxelol ma kipia se número kanin uelis tikajsiskej, ijkon ken sejse kali kipiaj dirección. ToTajtsin Dios amo otlanauati Biblia ma kitlalilikan tlakotonalmej uan tlaxelolmej, uan ualeua mota oksekan omonekiaya kixexeloskiaj. Pero ken Biblia kipia tlakotonalmej uan tlaxelolmej, totoka tikinmajsij tlaxelolmej tlen tikinpatioitaj, ijkon ken ijkuak totoka tikajsij itech se amatl noso se amochtli, se tlajtoli tlen otiktlapaluijkej uan tlen tiknekij tikilnamikiskej.
Maski ken xexelitok Biblia sapanoa techpaleuia, tlen okachi kipia miak ipati: ma tikajsikamatikan tlen toTajtsin Dios kineki techiluis. Ximochijchikaua xiktlajtolti nochi se tlapoualistli uan amo san se tlaxelol. Tla ijkon tikchiuas, okachi tikmatis tlen kijtoa iTlajtol toTajtsin Dios uan ijkon uelis timomakixtis (2 Timoteo 3:15).
-