Xikpapatlati ijkuak titlajtos

Proverbios 8:4, 7

XIKILNAMIKTO: Kuali ma moajsikamati tlen tikijtos. Amo sapanoa chikauak xitlajto nion totoka, moneki tikpapatlatias ken titlajtos uan kualtsin ma mokaki.

¿KEN TIKCHIUAS?

• Amo sapanoa chikauak xitlajto nion totoka. Amo xitsatsajtsi ijkuak tikijtos tlen okachi ipati uan ijkon ajsis itech inyolo akinmej tikinmachtis. Noijki ijkon xikchiua ijkuak tiktlajtoltis Biblia kanin kijtoa Jehová tlaixkomaka. Yolik xikintlapoui tla tikneki ma kipakti tlen tikinmachtis.

• Xikpapatlati ijkuak titlajtos. Xikpapatlati motlajtol tla amo mokuejsoaj akinmej tikinmachtis. Uelis tiyolpakis ijkuak tikijtos itlaj sapanoa ueyi noso ijkuak tikijtos itlaj uejka mokaua. Noijki xikpapatlati motlajtol ijkuak tikijtos itlaj teyolkoko noso itlaj tetikipacho.

• Kualtsin ma mokaki ijkuak titlajtos. Amo yolik xitlajto tla moneki tiyolpakis. Pero yolik xikijto tlen okachi ipati.