Tlamachtilmej para Toteki akinmej tikchiuaj ken Cristo
7-13 DE MARZO
KEN TECHPALEUIA BIBLIA | 1 SAMUEL 12, 13
“Techpanos tlen amo kuali tla amo tiyolyamankej”
w00-S 1/8 pág. 13 párr. 17
Techpanos tlen amo kuali tla timoueyinekij
17 Xamo uelis timokuayejyekoskej kuali okatka tlen okichi Saúl. Israelitas omomojtiayaj uan hasta ouiuiokayaj porque kinteuiskiaj (1 Samuel 13:6, 7). Amo tlajtlakoli tla tejuan tikchiuaj seki tlamantli ijkuak moneki (1 Samuel 16:7). Pero ma tikilnamikikan Jehová kita tlen tikpiaj itech toyolo, tlen tikmachiliaj uan tlen timokuayejyekouaj. Ik non, xamo Jehová okitak Saúl yokichiuaya seki tlamantli tlen Biblia amo kijtoua. Xamo noijki okitak omoueyinekiaya, ik non, san niman itlaj okichijtikiski. Xamo noijki sapanoua okualantoka porque ye okatka tekiua uan omonekiaya kichias iprofeta Jehová akin yokipiaya miak xiuitl uan yolik okichiuaya seki tlamantli. Saúl omokuayejyekouaya Samuel ouejkajtoka. ¿Tlen opanok satepan? Samuel amo okipakti tlen okichi Saúl, ye okajuak uan okilui: “Motekiuajkayo amo uejkauas [...] porque te amo otikchi tlen Jehová omitsnauati” (1 Samuel 13:13, 14). Tla timoueyinekij techpanos tlen amo kuali.
“Xiyeto yolyamanki ixpan moDios”
11 Ma timokuayejyekokan tlen okipanok tekiua Saúl. Amo omoueyinekiaya ijkuak okatka telpochtli uan okijto amo kiseliskia tekitl tlen okimakakej porque ye okimachiliaya amitlaj ipati (1 Sam. 9:21; 10:20-22). Pero ijkuak yokatka tekiua omoueyineki uan itlaj okichi tlen amo okinamikiaya kichiuas. Se tonal, omosotla ijkuak amo oejkoya profeta Samuel. Omoueyineki uan amo okineltokak Jehová kipaleuiskia ialtepe. Okitemakak se tlamanali maski amo okinamikiaya ye kitemakas. Ik non, Jehová okijto ayakmo yetoskia tekiua (1 Sam. 13:8-14). Non techmachtia amo ma tikchiuakan tlen amo toteki.
Ma tiktemokan ken techpaleuia Biblia
w11-S 15/7 pág. 13 párr. 15
¿Tikkauiliskej Jehová ma techyekana?
15 ¿Xamo israelitas omokuayejyekouayaj tla kinnauatiskia se tlakatl okachi kinpaleuiskia uan amo Jehová? Tla Ijkon omokuayejyekouayaj, okichijtokaj tlen amitlaj ipati. Ijkon amo oui kichiuaskiaj tlen Satanás kipaktia. Tekiuajkej kichiuaskiaj ma kinueyichiuakan teotsitsintin. Yejuan uelis amo kineltokaskiaj toTajtsin Dios kinpaleuiskia, kineltokaskiaj teotsitsintin tlen okinchijchiuayaj ika kuauitl uan ika tetl okachi kinpaleuiskiaj. Pero toTajtsin Dios okichijchi nochi tlamantli uan Pablo okijto “diosmeh non kinmachijchiwah, tikmatokeh amitla impati” (1 Cor. 8:4). Melauak teotsitsintin amitlaj inpati. ¿Ken uelis techpaleuiskej tla amo tlachiaj, amo tlakakij uan amo tlajtouaj? Yejuan amo uelis techpaleuiskej porque amo yoltokej, tla tikinueyichiuaj tiixpoliuiskej (Sal. 115:4-8).
14-20 DE MARZO
KEN TECHPALEUIA BIBLIA | 1 SAMUEL 14, 15
“Okachi ipati ma titetlakamatikan”
w07-S 15/6 pág. 26 párr. 4
Jehová kipatioita ma titetlakamatikan
4 Nochi tlen onka iaxka Jehová porque ye nochi okichijchi. Tla nochi iaxka, ¿kox itlaj uelis tikmakaskej? Kema, uelis tikmakaskej itlaj tlen miak ipati. Uelis tikchiuaskej tlen ye kijtoua: “Nokone xiyeto ixtlamatki uan techyolpakti, ijkon niknankilis akin nechpinauia” (Proverbios 27:11). Tejuan uelis tiktlakamatiskej toTajtsin Dios maski tlatlamantli otechiskaltijkej uan tlatlamantli toaltepe. Tla ijkon tikchiuaj, tikteititiskej Satanás san tlakajkayaua porque ye kijtoua tla titlajyouiskej ayakmo tiktlakamatiskej toTajtsin Dios. ¡Se ueyi tlateochiualistli tikchiuaskej tlen toTajtsin Dios kineki!
¿Moneki tikpatlaskej tlen tikchiuaj?
4 Tlen okipanok tekiua Saúl, techititia tlen uelis techpanos tla amo tiyolyamankej. Sapanoua omoueyineki, ik non, amo okinek kipatlas tlen omokuayejyekouaya uan tlen okichiuaya (Sal. 36:1, 2; Hab. 2:4). Ijkon omotak ijkuak Jehová okilui tlen omonekiaya kichiuas ijkuak kintlaniliskia amalequitas pero Saúl amo okitlakamatki. Ijkuak profeta Samuel okilui tleka ijkon okichi, Saúl amo okiseli tlen okilui. Ye okijto amo tlajtlakoli tlen okichi uan okintlajtlakolti oksekimej (1 Sam. 15:13-24). Achto Saúl ijkon yokichijka (1 Sam. 13:10-14). Iyolo okikajkaya, ik non, omoueyineki. Amo okipatlak iyelis, ik non, Jehová okajuak uan ayakmo okiseli ken tekiua.
5 Para tikitaskej kox tikchiuaj ken Saúl, moneki timotlajtlaniskej: “¿Nikijtoua san tlen tlamantli para amo nikchiuas tlen kijtoua Biblia? ¿Nikijtoua amitlaj nechpanos tla amo niktlakamati tlen kijtoua Biblia? ¿Nikintlajtlakoltia oksekimej ijkuak nikchiua itlaj amo kuali?”. Tla ijkon tikchiuaj, moneki tikpatlaskej tlen timokuayejyekouaj uan noijki toyelis. Tlamo tikpatlaj tlen timokuayejyekouaj, peuas timoueyinekiskej uan Jehová ayakmo kinekis touan mouikas (Sant. 4:6).
Ma tiktemokan ken techpaleuia Biblia
Ma titeiknomatikan ijkon ken Jehová
10 ¿Kijtosneki nochipa moneki titeiknomatiskej? Amo. Para tikajsikamatiskej, ma tikitakan keman Jehová amo oteiknomatki. Ijkuak ye okinauati Saúl ma kinmikti amalequitas uan inyolkauan, Saúl amo okimikti ueyi tekiua nion sekimej yolkamej. Uelis Saúl omokuayejyeko omonekiaya kinmiknomatis pero toTajtsin Dios ayakmo okinek ma tlanauati porque amo okitlakamatki (1 Sam. 15:3, 9, 15). Jehová yolmelauak. Ye kita ken inyelis tlaltikpaktlakamej uan kimati keman amo moneki teiknomatis (Lam. 2:17; Ezeq. 5:11). Ayakmo miak poliui uan kinmixpolos akinmej amo kitlakamatij (2 Tes. 1:6-10). Ijkuakon amo kinmiknomatis akinmej amo yolkualmej uan kinmixpolos para kinmakixtis itekipanojkauan yolmelajkej.
21-27 DE MARZO
KEN TECHPALEUIA BIBLIA | 1 SAMUEL 16, 17
“Jehová techpaleuis”
Techpaleuis tla titlaneltokaj
David sapanoa otlaneltokak (Heb. 11:32, 33). Pero ikalchanejkauan amo otlaneltokakej. Ma tikitakan tleka ijkon tikijtoaj. David okipiaya se ikni tlen omotokayotiaya Eliab, ye amo otlaneltokaya porque okajuak David ijkuak okitlajtlani tleka Goliat okinmixnamiktoka (1 Sam. 17:26-28). Ijkuak tinesij amo titlaneltokaj itech toTajtsin Dios nion techpanoltiliaj totatajuan. David okipiaya chikauak itlaneltokilis porque kuali omouikaya iuan toTajtsin Dios.
Itech Salmo 27 itech versículo 1 kijtoa David okiteititi ken okachi opejki tlaneltoka itech Jehová. Versículo 2 uan 3 kijtoa ye omokuayejyekoaya tlen okipanok uan tlen okinchiuili Jehová akinmej okikokoliayaj. Versículo 4 kijtoa David okipatioitaya itabernáculo Jehová. Versículo 6 kijtoa okiueyichiuaya Jehová iuan oksekimej israelitas. Versículo 7 uan 8 kijtoa nochipa okitlatlaujtiaya Jehová ma kiyekana. Versículo 11 kijtoa David okiluiaya Jehová ma kimachti tlen ojtli kitokaskia. Versículo 13 kijtoa sapanoa okipatioitaya tlaneltokas porque tlamo amo okimatiaya kanin yetoskia.
w19.07 págs. 4, 5 párrs. 11, 12
Axkan ma timoyektlalikan porque techtlajyouiltiskej
11 Moneki tiyetoskej tiyolchikauakej ijkuak techtlajyouiltiskej. ¿Tlen tikchiuaskej tla amo okachi tiyolchikauakej? Ma tikilnamiktokan amo tiyetoskej tiyolchikauakej porque tiuejkapantikej, tichijchikauakej noso tikmatij tikchiuaskej miak tlamantli. Ma tikitakan tlen okichi David. Ijkuak okatka ok tsikitsin okixnamik se tlakatl uejkapantik tlen itoka Goliat. David okatka tsikitsin uan amo okatka chikauak ken non tlakatl. Noijki amo okimatiaya moteuis nion okipiaya se espada. Pero ye okatka yolchikauak uan omoteuito iuan non tlakatl tlen sapanoa omoueyinekiaya.
12 ¿Tleka David okatka yolchikauak? Porque ye okimatiaya Jehová okipaleuiaya (xiktlajtolti 1 Samuel 17:37, 45-47). David amo omokuayejyeko ye amitlaj ipati ixpan Goliat. Ye omokuayejyeko Goliat amitlaj ipati ixpan Jehová. Tlen okipanok David techmachtia itlaj miak ipati. Tiyetoskej tiyolchikauakej tla tikneltokaj Jehová techpaleuis uan tla tikmatokej akinmej techkokoliaj amitlaj inpati ixpan toTajtsin Dios (2 Crón. 20:15; Sal. 16:8). ¿Tlen tikchiuaskej axkan tla tiknekij tiyetoskej tiyolchikauakej ijkuak techtlajyouiltiskej?
¿Kuali tikixmatij Jehová?
19 ¿Tlen techmachtia tlen okichi David? Amo san ma tikiluikan Jehová ma techpaleui. Noijki ma tikitakan ken techpaleuia uan keman kichiua. Ma tiyetokan tiyolyamankej uan ma tikilnamiktokan amo nochi uelis tikchiuaskej. Ijkon Jehová techmakas tlen techpoloua. Ijkuak tikitaskej ken techpaleuia okachi iuan timouikaskej. Ijkon okipanok Isaac. Se tokni tlen chanti Fiyi uan yikipia miak xiuitl kitekichiuilijtok Jehová, okijto: “Ijkuak nikita ken nikpia nonemilis, nikita Jehová sapanoua yonechpaleui ijkuak opejki nimomachtia Biblia. Non nechpaleuia ma nikita Jehová melauak kajki”.
Ma tiktemokan ken techpaleuia Biblia
it-2-S pág. 975 párr. 1
Saúl
Ijkuak Jehová okipejpenki David ma yeto intekiua israelitas, iespíritu santo ayakmo okipaleui Saúl. Ijkuakon Jehová okika ma kipia “se espíritu amo kuali”, ik non, sapanoua omomojtiaya, Jehová okikixtili iespíritu santo, ik non, ayakmo omokuayejyekouaya ken omonekiaya nion amo kuali omomachiliaya. Ijkuak Saúl amo okitlakamatki Jehová, okiteititi tlen okipiaya itech iyolo amo kuali okatka nion ken omokuayejyekouaya, ik non, iespíritu santo Jehová ayakmo okipaleuiaya uan opejki kichiua tlen amo kuali. Jehová okikixtili iespíritu santo Saúl uan okika ma kipia “se espíritu amo kuali”, ik non, sapanoua omomojtiaya. Jehová okika ma kipia se espíritu amo kuali, ik non, itlakeualuan Saúl okijtouayaj okatka iespíritu toTajtsin Dios tlen amo kuali. Saúl okichi tlen okilui se itlakeual uan otlanauati David ma kitlatsotsonili para moyolseuiskia uan kuali momachiliskia (1 Sam. 16:14-23; 17:15).
28 DE MARZO-3 DE ABRIL
KEN TECHPALEUIA BIBLIA | 1 SAMUEL 18, 19
“Amo ma timoueyinekikan tla itlaj kuali tikchiuaj”
w04-S 1/4 pág. 15 párr. 4
Ma tikneltokakan Jehová techpaleuis ijkuak itlaj mopatla itech tonemilis
4 Telpochtli tlen otlajpiaya itech nochi altepetl san niman opejki kixmatij. Okitlakejkej para ma kipaleui tekiua uan ma kitlatsotsonili. Okimikti Goliat maski okatka chikauak uan uejkapantik, nochtin soldados israelitas okinmojtiaya, ik non, amo iuan omoteuiayaj. David okinyekanki soldados uan okintlanili filisteos. Ik non, israelitas okitlasojtlayaj uan okitlakuikiliayaj. Se itlakeual tekiua Saúl yokijtojka David okimatiaya kitsotsonas arpa uan noijki okijto: “Amo momojtia tlateuis uan chikauak. Nochipa kimati tlen kijtos, kuali mokuayejyekoua” (1 Samuel 16:18; 17:23, 24, 45-51; 18:5-7).
Mota akinmej kitekichiuiliaj Jehová uan akinmej amo
6 Sekimej moueyinekij porque kualtsin motaj, miakej kinmixmatij, kualtsin tlakuikaj, sapanoa chikauakej noso miakej kinpatioitaj. David okipiaya nochi nin tlamantli pero nochipa okatka yolyamanki. Se neskayotl, ijkuak okimikti Goliat, ueyi tekiua Saúl okilui uelis monamiktiskia iuan ichpoch. Pero David okijto: “¿Akin ne, nokalchanejkauan uan inkalchanejkauan notajtsin tlen katej Israel para ma niyeto imo ueyi tekiua?” (1 Sam. 18:18). ¿Tlen okipaleui David ma yeto yolyamanki? Maski David okimatiaya kichiuas miak tlamantli, nochipa okilnamiktoka toTajtsin Dios yolyamanki, ik non, nochipa okipaleuiaya (Sal. 113:5-8). David okimatiaya Jehová okimakak nochi tlen okipiaya (xikita ika 1 Corintios 4:7).
7 Axkan tiitekipanojkauan Jehová timochijchikauaj tikchiuaskej ken David. Techtlajtlachialtia Jehová amo moueyineki maski ye ueyi tekiua itech nochi semanauak (Sal. 18:35). Ika nochi toyolo tiknekij tikchiuaskej tlen kijtoa Jehová: “Ximokemelokah ika nochi tlan nomechpalewis iwa xiteiknomatikah, xiktechiwilikah tlan kuali, ximotsikitsintilikah, xiyetokah nonyolyamankeh iwa xitexikokah” (Col. 3:12). Uan tikmatij akin tetlasojtla “amo xankuatl nion moweyilia” (1 Cor. 13:4). Ma tikilnamikikan ijkon ken tlakamej ‘non amo tlaneltokakeh, tlaneltokaskeh ijkuak kinmitaskeh kenijki tetlakitah’ insiuauan, oksekimej kinekiskej kixmatiskej Jehová tla kitaj tiyolyamankej (1 Ped. 3:1).
Ma tiktemokan ken techpaleuia Biblia
it-2-S pág. 727 párr. 1
Profeta
Ika iespíritu santo Jehová okinpejpenkej profetas, Jehová amo nochipa inmiuan omotlapouiaya para itlaj ma kijtokan. Biblia kijtoua toTajtsin Dios ualeua okinmakaya iespíritu santo para ma kimatikan tlen kijtoskej (Ezeq. 11:4, 5; Miq. 3:8). Non okinyoliniaya ma kijtokan tlen okinmatilti toTajtsin Dios (1 Sam. 10:10; Jer. 20:9; Amós 3:8). Amo san okichijkej tlen tetlajtlachialti, tlen okijtouayaj okiteititiaya tlen melauak okimachiliayaj. Tlen okichijkej okiteititi tlen okichiuaya se profeta (1 Sam. 10:6-11; 19:20-24; Jer. 29:24-32; xikita Hech. 2:4, 12-17; 6:15; 7:55). Yejuan nochipa okichiuayaj ika nochi inyolo tlen toTajtsin Dios okinmiluiaya, ik non, xamo miakej okintlajtlachialtiaya uan hasta okijtouayaj okuatlapolouayaj. Ijkon omokuayejyekojkej akinmej okinyekanayaj soldados ijkuak se tlakatl okiteititi toTajtsin Dios okipejpenki Jehú. Pero ijkuak okajsikamatkej okatka se profeta okineltokakej tlen okinmilui (2 Rey. 9:1-13; xikita Hech. 26:24, 25). Ijkuak Saúl okitemojtinemiaya David para kimiktis, okichi ken okichiuayaj profetas, okimokixtili itlaken non tonal uan non youak ijkon okatka. Ijkuak ijkon opanok David ocholo (1 Sam. 19:18-20:1). Tlen okichi Saúl amo kijtosneki profetas nochipa xipetstikej okatkaj porque Biblia amo ijkon kijtoua. Ompa kijtoua ome profetas noijki okatkaj xipetstikej porque ijkon okiteititijkej itlaj tlen okijtouaya profecía (Is. 20:2-4; Miq. 1:8-11). Biblia amo kijtoua tleka Saúl okatka xipetstik non tonal, xamo okinekiaya kiteititis okatka se tlakatl ken oksekimej uan xamo okimokixtili itlaken para kiteititis san Jehová okachi ueyititok noso xamo okse tlamantli okichi ijkon ma kichiua.
4-10 DE ABRIL
KEN TECHPALEUIA BIBLIA | 1 SAMUEL 20-22
“¿Tlen uelis tikchiuas para kuali timouikas iuan oksekimej?”
Axkan moneki kuali ma timouikakan iuan tokniuan
18 Axkan miakej tokniuan noijki kixnamikij ouijkayotl. Sekimej tlajyouiaj ijkuak tlaxixini, tlalolini noso onka se guerra. Tla ijkon panoa kanin tichantij, ma tikinkalotikan tokniuan. Oksekimej uelis kitemakaskej tomin. Pero tinochtin uelis tikiluiskej Jehová ma kinpaleui tokniuan. Tla se tokni moyolkokoa xamo amo tikmatij tlen tikiluiskej. Pero tinochtin uelis tikpaleuiskej. Uelis iuan timotlapouiskej, ma tikkakikan ijkuak itlaj techtlapouia uan ma tikiluikan se texto tlen tejuan techyolchikaua (Is. 50:4). Pero miak ipati ma timochijchikauakan ma tikinpaleuikan tokniuan ijkuak tlajyouiaj (xiktlajtolti Proverbios 17:17).
w08-S 15/2 pág. 8 párr. 7
Ma tikchiuakan tlen Jehová kineki
7 ToTajtsin Dios kineki nochipa ma tikinpaleuikan toyolikniuan (Prov. 17:17). Itelpoch tekiua Saúl tlen omotokayotiaya Jonatán kuali omouikaya iuan David. Ijkuak okimatki okimikti Goliat, “omochijkej yoliknimej, uan Jonatán opejki kitlasojtla ken ye motlasojtla” (1 Sam. 18:1, 3). Jonatán okilui itajtsin okinekiaya kimiktis, ik non, David ocholo uan ijkuak omotakej okimoluijkej nochipa mopaleuiskiaj. Satepan maski Jonatán kipanoskia tlen amo kuali okipaleui David uan satepan oksepa okilui nochipa iuan mouikaskia (1 Sam. 20:24-41). Noijki okilnamikti Jehová nochipa kipaleuiskia (1 Sam. 23:16-18).
w09-S 15/10 pág. 19 párr. 11
¿Tlen techpaleuis nochipa ma timouikakan iuan toyolikniuan?
11 Nochipa ma tikinpaleuikan. Salomón okijkuilo: “Se melauak toyolikni nochipa kiteititia techtlasojtla uan ye se tokni tlen kajki ijkuak timoyolkokouaj” (Prov. 17:17). Ijkuak Salomón non okijkuilo, xamo omokuayejyekojtoka ken omouikaya itajsin iuan Jonatán, itelpoch tekiua Saúl (1 Sam. 18:1). Saúl okinekiaya Jonatán ma yeto tekiua. Pero Jonatán okiseli ma yeto tekiua David porque Jehová okipejpenki. Jonatán amo okinexikolitak David ijkon ken Saúl okichi. Noijki amo okualanki ijkuak okitaya oksekimej okachi okitlakaitayaj David, amo okineltokak ijkuak Saúl okijto tlen amo melauak itech David (1 Sam. 20:24-34). ¿Tikchiuaj ken Jonatán? ¿Tiyolpakij ijkuak toyolikniuan kinmiluiaj okachi ma tlapaleuikan itech tlanechikol? ¿Tikinpaleuiaj uan tikinyolchikauaj ijkuak tlajyouijtokej? ¿Tlen tikchiuaj ijkuak oksekimej kijtouaj itlaj okichijkej maski amo melauak? ¿San niman tikneltokaj tlen techiluiaj noso tikinpaleuiaj ijkon ken okichi Jonatán?
Ma tiktemokan ken techpaleuia Biblia
w05-S 15/3 pág. 24 párr. 4
Tlen okachi ipati omotlajtolti itech Primero de Samuel
21:12, 13. Jehová kineki kuali ma timokuayejyekokan uan ma tikchiuakan tlen moneki ijkuak techpanos tlen amo kuali. Otechmakak iTlajtol para kuali ma tikpejpenakan tlen tikchiuaskej uan ma tiyetokan tiixtlamatkej (Proverbios 1:4). Noijki katej tokniuan tlayekankej tlen uelis techpaleuiskej.
18-24 DE ABRIL
KEN TECHPALEUIA BIBLIA | 1 SAMUEL 23, 24
“Ma tikchiakan Jehová ma kiyektlali tlen techpanotok”
“Xiktemolikah kenijki nontlaxikoskeh asta iksemi”
15 Jehová okinauati Santiago ma kijkuilo: “Xiktemolikah kenijki nontlaxikoskeh asta iksemi”. ¿Tlen panos tla ijkon tikchiuaj? Santiago okijkuilo: “Ijkó nonyetoskeh okachi non kualteh iwa nonkichiwaskeh nochi tlan nomechnawatiskeh” (Santiago 1:4). Ijkuak tikpiaj ouijkayotl mota kox moneki okachi ma titetlasojkamatikan, ma timochiakan noso ma tikintlasojtlakan oksekimej. Tla tikxikoaj ouijkayotl, okachi kuali tikpiaskej toyelis uan tikchiuaskej ken Cristo.
16 Ijkuak titlaxikoaj, okachi tikchiuaj ken Cristo. Ik non, amo tiknekij tikinmixtopeuaskej principios bíblicos san pampa ayakmo tikpiaskej ouijkayotl. Se neskayotl, ¿tlen uelis tikchiuaskej tla timochijchikajtokej pampa ayakmo timokuayejyekoskej itech auilnemilistli? Moneki timotlatlaujtiskej uan timochijchikauaskej ayakmo ijkon timokuayejyekoskej. Ijkon okachi kuali tikmoxikoltiskej. ¿Uan tla se tokalchanejka amo kineki ma tiktekichiuilikan Jehová? Amo ma timosotlauakan, okachi kuali, ma tiktekichiuilikan Jehová ika nochi toyolo. Ijkon okachi itech titlaneltokaskej. Ma tikilnamikikan: pampa Jehová techselis, moneki titlaxikoskej (Romanos 5:3-5; Santiago 1:12).
w04-S 1/6 pág. 22 párrs. 5, 6
¿Tlen tikchiuaj ijkuak itlaj techpanoua?
Eyi, techmachtia ma tikneltokakan Jehová techpaleuis uan amo ma tikchiuakan tlen amo kijtoua Biblia. Santiago okijto: “Iwan xikxikokan kuale para ijkón anyeskej antlakaj katlej ankipiaskej nochi ajsitok namotlaneltokalis iwan namotlalnamikilis, iwan ijkón ankipiaskej nochi tlan moneki para anyeskej ken Dios kineki” (Santiago 1:4, NHY). Para okachi titlaneltokaskej itech Jehová moneki titlaxikoskej uan amo ma tikchiuakan tlen amo kijtoua Biblia para ayakmo titlajyouiskej. Ijkon tikteititiskej melauak titlaneltokaj itech Jehová. Ijkon okiteititijkej José uan David. Ijkuak otlajyouijtokaj amo okijtojkej kichiuaskej itlaj tlen amo kuali para ayakmo tlajyouiskej. Okineltokakej Jehová kinpaleuiskia uan ye okinteochi. Okichi ma kipaleuikan uan ma kinyekanakan ialtepe (Génesis 41:39-41; 45:5; 2 Samuel 5:4, 5).
Xamo tejuan noijki techpanos tlen amo kuali uan xamo amo tiknekiskej tikchiuaskej tlen kijtouaj principios bíblicos para san niman tikyektlaliskej tlen techpanotok. ¿Xamo timoyolkokoua porque ayamo tikajsi iuan akin timonamiktis? Tla ijkon mitspanotok, amo san niman ximokuayejyeko timonamiktis iuan akin amo “kineltoka Toteko Dios” (1 Corintios 7:39). ¿Ayakmo kuali timouika iuan akin otimonamikti? Xikitakan ken nankiyektlaliskej tlen namechpanotok uan amo san niman ximoxelokan noso ximokajkauakan inmixpan tekiuajkej ken sekimej kichiuaj (Malaquías 2:16; Efesios 5:21-33). ¿Tikita oui tikinmakas mofamilia tlen ika mopanoltis porque amo tikpia miak tomin? Tla tikneltoka Jehová mitspaleuis, amo tikchiuas tlen amo kuali para tikpias tomin (Salmo 37:25; Hebreos 13:18). Maski titlajyouiaj ma tikchiuakan tlen toTajtsin Dios kineki, ma tikneltokakan ye techpaleuis uan ijkon ye techteochiuas (Miqueas 7:7).
Ma tiktemokan ken techpaleuia Biblia
Amo ikaj ma techkixtili totetliokolil
11 Para amo tichauatiskej moneki titetlasojtlaskej ika nochi toyolo. Ijkon kijtoa iTlajtol toTajtsin Dios: “Akin tetlasojtla, kimati texikoa; semi yolyámanki iwa amo xikojmiki; amo xankuatl” (1 Cor. 13:4). Para amo titenexikolitaskej, moneki timokuayejyekoskej ken Jehová. Moneki ma tikinmajsikamatikan tokniuan akinmej pouij itech tlanechikol. Biblia kijtoa: “Iwa tla se tokxi noso se toma okachi tikmokuitlawiah, nochi tokuerpo mokawa ika pakílistli” (1 Cor. 12:16-18, 26). Ik non, amo ma tichauatikan, okachi kuali, ma tiyolpakikan ijkuak oksekimej itlaj kuali kiseliaj. Ma tikilnamikikan Jonatán, ikone Saúl. Ye amo ochauatik ijkuak Jehová okipejpenki David para yetoskia ueyi tekiua. Okachi kuali, okipaleui David, okiyolchika uan okitlasojtlaya (1 Sam. 23:16-18). ¿Uelis tikchiuaskej ken Jonatán?
25 DE ABRIL-1 DE MAYO
KEN TECHPALEUIA BIBLIA | 1 SAMUEL 25, 26
“¿San niman itlaj tikchiua porque tikualani?”
“Kuali ken timokuayejyekoa”
David okixmatki Abigail ijkuak Saúl okitemojtinemiaya. Abigail omonamikti iuan Nabal, se tlakatl tlen sapanoa okinpiaya yolkamej tlen okatkaj ik sur itech Judá. David uan itlakeualuan okinmaluiayaj itlakeualuan Nabal tlen otlajpiayaj. Ik non, David okintitlanki sekimej tlakamej ma kitlajtlanilitij tlakuali (1 Sam. 25:8, 15, 16). Amo san okitlajtlanilijtoj tlakuali, yejuan okimaluijtokaj tlen iaxka Nabal.
Pero Nabal okichi ken itoka, tlen kijtosneki xoxo. San okiuijuikalti David ijkuak okinankili. Ik non, David omoyektlali para kitlajyouiltiti. Tlen okijto Nabal kichiuaskia nochtin ikalchanejkauan ma tlajyouikan (1 Sam. 25:2-13, 21, 22).
Jehová techpaleuia ma tiktekichiuilikan
Tekiua David uan itlakeualuan omonekiaya ma kinpaleuikan ijkuak tekiua Saúl okinekiaya kinmiktis. Ik non, se tonal itlakeualuan David okiluitoj Nabal tlen okipiaya miak tomin, ma kinmaka tlakuali. Okitlajtlanilitoj porque okinmaluiliayaj ichkauan ompa kanin tlauaki. Pero Nabal okatka tsotsokatl uan amitlaj okinmakak. Ik non, David sapanoa okualanki uan okinekiaya kimiktiti Nabal uan nochtin akinmej okatkaj ompa ikalijtik (1 Sam. 25:3-13, 22). Pero Abigaíl tlen okatka isiua Nabal okatka ixtlamatki uan itlaj okichi. Ye okinamikito David, ixpan omotlankuaketski uan okilui amo ma momakopa porque tlamo tlajtlakolchiuaskia. Okilui ma kikauili Jehová ye ma kiyektlali non ouijkayotl. Tlen Abigaíl okilui David okipaleui amitlaj ma kichiua uan okajsikamatki ye Jehová okititlanki (1 Sam. 25:23-28, 32-34). Abigaíl okipiaya kuali iyelis uan non okipaleui ma kichiua tlen Jehová kineki. Jehová noijki uelis kinpaleuis tokniuan siuamej ma kimatikan ken kinyolchikauaskej uan kinmajsikamatiskej akinmej inmiuan chantij uan tokniuan (Prov. 24:3; Tito 2:3-5).
Ma tiktemokan ken techpaleuia Biblia
ia-S pág. 80 párr. 16
Se siuatl tlen kuali omokuayejyeko
16 ¿Kijtosneki Abigaíl amo okitlakamatiaya inamik? Amo. Ma tikilnamikikan miakej tlakamej uelis kinmiktiskiaj porque Nabal amo okitlakaitak David akin Jehová okipejpenki ma yeto tekiua. Tla Abigaíl amitlaj kichiuaskia, kiteititiskia okipaleuijtoka tlen amo kuali okichijtoka inamik. Pero ye amo ijkon okichi, okimatiaya omonekiaya kitlakamatis toTajtsin Dios uan amo inamik.