Tlamachtilmej para Toteki akinmej tikchiuaj ken Cristo
2-8 DE MAYO
KEN TECHPALEUIA BIBLIA | 1 SAMUEL 27-29
“David okimatki tlen kichiuaskia”
it-1-S pág. 79
Akís
Ijkuak David ocholo porque Saúl okinekiaya kimiktis, ome uelta omopaleuito ompa altepetl kanin ochantiaya tekiua Akís. Ijkuak achto omopaleuito, okijtouayaj tlen ompa ochantiayaj David okinkokoliaya pero ye okichi ken okuatlapolo, ik non, Akís amitlaj okichiuili uan okikauili ma uia (1 Sam. 21:10-15; Sal. 34, encabezamiento; 56, encabezamiento). Satepan ijkuak David iuan 600 isoldados uan infamilias oksepa ompa oyajkej, Akís okinkauili ma chantikan Ziglag. Ompa omokajkej se xiuitl uan naui metstli. Akís omokuayejyekouaya David okinteuiaya altepetsitsintin tlen okatkaj Judá pero David omoteuiaya iuan guesuritas, guirzitas uan amalequitas (1 Sam. 27:1-12). Akís okineltokili David uan hasta okinkauili ma kimaluikan ijkuak filisteos moteuiskiaj iuan tekiua Saúl pero filisteos amo okinekej ma kinpaleui, ik non, David iuan isoldados okinkopkej Ziqlag (1 Sam. 28:2; 29:1-11). Ijkuak David omochi tekiua uan omoteui iuan Gat, amo okimikti Akís porque Biblia kijtoua ok oyoltoka ijkuak otlanauatijtoka Salomón (1 Rey. 2:39-41; xikita kanin kijtoua GAT).
¿Telpokamej ken uelis nantlapaleuiskej itech tlanechikol?
8 Ma tikitakan okseki tlamantli tlen okipanok David. Jehová okipejpenki ma yeto tekiua pero omochixki miak xiuitl para tlanauatiskia (1 Sam. 16:13; 2 Sam. 2:3, 4). ¿Tlen okipaleui amo ma mosotlaua? David amo okachi omotekipacho uan okitak tlen omonekiaya kichiuas. Ijkuak ocholojtinemiaya oyajki kanin ochantiayaj filisteos, ompa omoteui iuan akinmej okinkokoliayaj israelitas. Ijkon okimalui itlal altepetl Judá (1 Sam. 27:1-12).
it-2-S pág. 368 párr. 6
Amo ma titlakajkayauakan
Biblia kijtoua amo ma titlakajkayauakan pero non amo kijtosneki nochi tikinmiluiskej ijkuak itlaj techtlajtlaniaj akinmej amo moneki kimatiskej. Jesús okijto: “Tlan tiochitok iwa chipawak, amo xikinmakakah n chichimeh, amo kichiwa onewaskeh nomopah iwa nomechkuajkuaskeh. Nion xikinmakakah n koskameh patiojkeh n pitsomeh porke san kintlajtlaksaskeh” (Mat. 7:6). Ik non, Jesús amo nochi okijto tlen okitlajtlaniayaj porque tla ijkon kichiuaskia moouijtiliskia (Mat. 15:1-6; 21:23-27; Juan 7:3-10). Noijki ijkon okichijkej Abrahán, Isaac, Rahab uan Eliseo porque amo nochi okinmiluijkej akinmej amo okitekichiuiliayaj Jehová (Gén. 12:10-19; capítulo 20; 26:1-10; Jos. 2:1-6; Sant. 2:25; 2 Rey. 6:11-23).
Ma tiktemokan ken techpaleuia Biblia
w10-S 1/1 pág. 20 párrs. 5, 6
¿Kox uelis techpaleuiskej akinmej yoixpolikej?
Ma timokuayejyekokan tlen kijtoua Biblia. Ompa kijtoua ijkuak ikaj ixpoliui “oksepa mokopa tlali” uan “poliui nochi tlen mokuayejyekoua” (Salmo 146:4). Saúl uan Samuel okimatiayaj toTajtsin Dios amo kipaktia akinmej tetlajchiuiaj. Ik non, tekiua Saúl omochijchika para amikaj ma tetlajchiui (Levítico 19:31).
Ma tikijtokan Samuel ok oyoltoka. ¿Kichiuaskia tlen Jehová kikokolia uan mopaleuiskia iuan se tlachixki para motlapouis iuan Saúl? Noijki tla Jehová amo okinekiaya kinankilis Saúl, ¿ueliskia se tlachixki kichiualtiskia Jehová ma kichiua Samuel ma motlapoui iuan Saúl? Amo. Non kiteititia amo ye Samuel iprofeta toTajtsin Dios tlen omotlapoui iuan Saúl porque ayakmo oyoltoka. Okatka se amo kuali ejekatl tlen okinekiaya kiteititis ye Samuel.
9-15 DE MAYO
KEN TECHPALEUIA BIBLIA | 1 SAMUEL 30, 31
“Xikilui Jehová ma mitsyolchikaua”
w06-S 1/8 pág. 28 párr. 12
Tiyolpakiskej tla tiktlakaitaj Jehová
12 Yotimomachtijkej David okitlakaitaya Jehová, non okipaleui amo ma tlajtlakolchiua. Noijki okipaleui ma yeto ixtlamatki para kimatiskia tlen kipejpenaskia ijkuak tlajyouiskia. Saúl okinekiaya kimiktis David, ik non ye iuan oksekimej tlakamej tlen okipaleuiayaj, se xiuitl uan naui metstli omotlatitoj kanin ochantiayaj filisteos, itech se altepetsintli tlen itoka Ziqlag (1 Samuel 27:5-7). Se tonal ijkuak David uan tlakamej akinmej okipaleuiayaj amo ompa okatkaj, sekimej amalequitas okitlatijkej inmialtepe uan okinuikakej siuamej, konemej uan inyolkauan. Ijkuak omokopkej uan okitakej tlen opanok, opejki chokaj. Maski omoyolkokojtokaj tlakamej, sapanoua okualankej uan okinekiayaj kimiktiskej David. Maski ye omotekipacho okimatiaya tlen kichiuas (Proverbios 24:10). David okitlakaitaya Jehová, ik non, okilui ma kipaleui. Ye ijkon okichi uan okinmajsikej amalequitas uan okinmakixtijkej siuamej, konemej, yolkamej uan oksepa okimoaxkatijkej nochi tlen okipiayaj (1 Samuel 30:1-20).
w12-S 15/4 pág. 30 párr. 14
Jehová techpaleuia ma timomakixtikan
14 David okipanok miak tlamantli tlen amo kuali (1 Sam. 30:3-6). Tlen okijkuilo, kiteititia Jehová okajsikamatiaya tlen okimachiliaya (xiktlajtolti Salmo 34:18; 56:8). Ye noijki kineki techpaleuis. Ijkuak titlajyouiaj uan timoyolkokouaj ye kajki tonauak. Ijkon ken David tejuan noijki kuali techyolchikaua. Ye okijto: “Melauak niyolpakis porque techtlasojtla uan amo keman techkaua, otikitak ken nitlajyouia; otikmatki tlen nechtekipachoua” (Sal. 31:7). ToTajtsin Dios kuali kimati tlen techpanoua, ik non, ijkuak timonechikouaj techyolchikaua uan techyolseuia.
Ma tiktemokan ken techpaleuia Biblia
w05-S 15/3 pág. 24 párr. 8
Tlen okachi ipati omotlajtolti itech Primero de Samuel
30:23, 24. Números 31:27 kiteititia Jehová kinpatioita akinmej tlapaleuiaj kanin monechikouaj. Ik non, Biblia kijtoua: “Nochi tlen nankichiuaj xikchiuakan ika nochi namoyolo, ken nankichiuiliskiaj Jehová uan amo para tlakamej” (Colosenses 3:23, TNM).
16-22 DE MAYO
KEN TECHPALEUIA BIBLIA | 2 SAMUEL 1-3
“¿Tlen techmachtia tlakuikali tlen okitokayotiayaj ‘arco’?”
w00-S 15/6 pág. 13 párr. 9
Ma tikintlakaitakan akinmej techyekanaj
9 ¿Omoyolkoko David porque okichiuilijkej tlen amo kuali? Ye okitlatlaujti Jehová: “Akinmej amo yolkualmej kinekij nechmiktiskej” (Sal. 54:3). Satepan okilui ken omomachiliaya: “ToTajtsin Dios techmakixti inmak akinmej nechkokoliaj [...]. Tlakamej chijchikauakej nechkojkouaj pero ne amitlaj onikchi nion onitlajtlakolchi. Maski amo onikchi tlen amo kuali nechtemojtinemij para nechkojkoskej, techkaki ijkuak nimitsnotsa” (Sal. 59:1-4). ¿Timomachiliaj ken David ijkuak akin techyekana techchiuilia tlen amo kuali maski amitlaj otikchijkej? David nochipa okitlakaitak Saúl. Maski ye oixpoliuik, David amo oyolpakik uan ijkon okiteititi ijkuak okitlakuikili: “Saúl uan Jonatán ijkuak oyoltokaj otikintlasojtlayaj [...]. Yejuan san niman itlaj okichiuayaj ken águilas uan okatkaj chijchikauakej ken leones. Ichpochmej tlen nankatej altepetl Israel xikchokilikan Saúl” (2 Samuel 1:23, 24). ¡Sapanoua kuali tlen okichi David, maski Saúl okitlajyouilti ye nochipa okitlakaitak!
w12-S 15/4 pág. 10 párr. 8
Teyolkoko ijkuak ikaj tekajkayaua
8 Biblia kijtoua miakej nochipa otetlasojtlakej. Ma timomachtikan ome tlen ijkon okichijkej. David nochipa okitlasojtlak Jonatán, ye okatka ikone Saúl uan xamo satepan ye tlanauatiskia. Pero Jehová okipejpenki David ma yeto tekiua. Jonatán amo okualanki, ye okitlakaitak tlen Jehová okipejpenki. Uan “opejki kitlasojtla ken ye motlasojtla”. Okilui David nochipa kitlasojtlaskia uan hasta okitliokoli itlaken, iespada, iarco uan tlen ika motlajkoilpiskia, ijkon okiteititi okipaleuiaya (1 Sam. 18:1-4). Maski itlaj amo kuali kipanoskia Jonatán, okipaleui David ijkuak Saúl okinekiaya kimiktis uan okiyolchika. Ye okilui: “Te tiyetos ueyi tekiua itech Israel uan ne nimitspaleuis” (1 Sam. 20:30-34; 23:16, 17). Ijkuak David okitlakuikili Jonatán, okiteititi sapanoua okitlasojtlaya uan okiyolkokouaya oixpoliuik (2 Sam. 1:17, 26).
Ma tiktemokan ken techpaleuia Biblia
it-1-S pág. 1122 párr. 2
Nokni
Non tlajtoli okinmiluiayaj akinmej san se tlamantli omokuayejyekouayaj kichiuaskej. Tekiua Hiram tlen ochantiaya Tiro okiluiaya tekiua Salomón nokni. Ijkon okiluiaya porque yejuan ome okatkaj tekiuajkej uan xamo noijki ijkon okilui porque mopaleuiskiaj kichijchiuaskiaj teokali (1 Rey. 9:13; 5:1-12). David okijkuilo: “¡Xikitakan! ¡Sapanoua kuali uan teyolpaktia san sekan ma yetokan tokniuan!”. Ijkon okiteititi sekimej uelis mouikaskej ken iknimej maski amo pouiskiaj san itech se familia (Sal. 133:1). David uan Jonatán kuali omouikayaj, ik non, okiluiaya nokni maski amo okatka ifamilia (2 Sam. 1:26). Sekimej kinmiluiaj nokni akinmej mokuayejyekouaj kichiuaskej ken yejuan, maski kinekij kichiuaskej tlen amo kuali (Prov. 18:9). Tlajtoli “nokni” noijki okinmiluiayaj nochtin siuamej tlen ochantiayaj itech se altepetl (Núm. 25:17, 18). Noijki ijkon okinmiluiayaj altepemej tlen kuali omouikayaj uan san se tlamantli okichiuayaj (Jer. 3:7-10; Ezeq. 16:46, 48, 49, 55; 23:32, 33).
23-29 DE MAYO
KEN TECHPALEUIA BIBLIA | 2 SAMUEL 4-6
“Amo ma tikchiuakan tlen Jehová amo kipaktia”
w05-S 15/5 pág. 17 párr. 7
Tlen okachi ipati omotlajtolti itech Segundo de Samuel
6:1-7. David okinekiaya kiuikas Arca itech se carruaje, maski ye kuali okitaya amo kuali okinpanok porque Jehová amo ijkon otlanauati ma kichiuakan (Éxodo 25:13, 14; Números 4:15, 19; 7:7-9). Ijkuak Uzah okikitski Arca okiteititi maski kuali tlen okinekiaya kichiuas, Jehová okinekiaya ma kichiua tlen ye otlanauati.
w05-S 1/2 pág. 27 párr. 20
Jehová nochipa kichiua tlen kuali
20 Ma tikilnamikikan Uzah okimatiaya tlen okijtouaya itlanauatil toTajtsin Dios. Arca okiteititiaya ompa okatka Jehová. Tlanauatil okijtouaya amo omonekiaya kikitskiskej Arca akinmej amo okinnamikiaya porque tla ijkon okichiuayaj kinmixpoloskiaj (Números 4:18-20; 7:89). Ik non, miak ipati kiuikaskiaj Arca ken okijtouaya tlanauatil tlen okijkuilo Moisés. Maski Uzah amo okatka teopixki kuali okimatiaya tlen okijtouaya non tlanauatil porque nesi okatka levita. Noijki seki xiuitl achto Arca okiuikakej ikalijtik itajtsin para amitlaj ma kipano (1 Samuel 6:20–7:1). Ompa okatka 70 xiuitl hasta ijkuak David okijto oksekan kiuikaskiaj. Non kiteititia Uzah desde ijkuak okatka chokotsin okimatiaya tlanauatil okijtouaya ken kiuikaskiaj Arca.
w05-S 1/2 pág. 27 párr. 21
Jehová nochipa kichiua tlen kuali
21 Ken yotikitakej Jehová kita tlen tikpiaj itech toyolo. Biblia kijtoua sapanoua amo kuali tlen okichi Uzah. Maski ompa amo kijtoua, xamo Jehová okitak ijkon okichi porque otlaixnekiaya. ¿Amo okatka yolkuali uan okichiuaya san tlen ye okinekiaya? (Proverbios 11:2). ¿Xamo omoueyinekiaya porque okiuikaya inmixpan oksekimej Arca tlen okatka ikalijtik? (Proverbios 8:13). ¿Uzah okineltokaya Jehová amo uelis kikitskiskia Arca? Tikneltokaj Jehová okichi tlen kuali uan okitak tlen okipiaya itech iyolo Uzah, ik non, san niman okixpolo (Proverbios 21:2).
Ma tiktemokan ken techpaleuia Biblia
w96-S 1/4 pág. 29 párr. 1
Xikilui Jehová ma mitspaleui
Tlen opanok noijki itlajtlakol David porque ye okatka tekiua. Tlen okichi kiteititia maski akinmej kuali mouikaj iuan Jehová ualeua amo kichiuaj tlen kuali tla itlaj kinpanotok. Ye achto okualanki pero satepan omomojti (2 Samuel 6:8, 9). Ik non, amo okilui Jehová ma kipaleui uan amo okitlakamatki. Non kichiuaskia ayakmo kuali iuan ma mouika. ¿Ualeua ijkon techpanoua? ¿Tiktlajtlakoltiaj Jehová ijkuak itlaj techpanoua porque amo otikchijkej tlen ye technauatia? (Proverbios 19:3).
30 DE MAYO-5 DE JUNIO
KEN TECHPALEUIA BIBLIA | 2 SAMUEL 7, 8
“Jehová okilui David tlen kichiuaskia”
w10-S 1/4 pág. 20 párr. 3
Se tekiuajkayotl tlen nochipa yetos
Jehová okiyolpakti tlen okinekiaya kichiuas David, ik non, okilui tlen kichiuaskia porque okitak ye okinekiaya kiueyichiuas ken ye kineki. Jehová okijto kipejpenas se ixui David para nochipa ma yeto tekiua. Natán okilui David tlen kichiuas toTajtsin Dios: “Mokalijtik uan motekiuajkayo nochipa yetoskej uan te nochipa titlanauatis” (versículo 16). ¿Akin okijto Jehová tlanauatis nochipa? (Sal. 89:20, 29, 34-36).
w10-S 1/4 pág. 20 párr. 4
Se tekiuajkayotl tlen nochipa yetos
Jesús omoskalti Nazaret uan okatka ixui David. Se ángel tlen okitematilti nesiskia okijto: “Dios Toteko kitlalis mayeto Rey ijkó kemi otlanawati David iwejkatata. Ye nochipa kinawatijtos n país de Israel, iwa itlanawatil mach ayik pojpoliwis” (Lucas 1:32, 33). Tlen Jehová okilui David omochi itech Jesucristo, ye omochi tekiua amo porque okipejpenkej tlakamej. ToTajtsin Dios yokijtojka san ye tlanauatis nochipa. Ma tikilnamikikan toTajtsin Dios nochipa kichiua tlen kijtoua (Isaías 55:10, 11).
Melauak xitlaneltoka itech Tekiuajkayotl
14 Axkan ma tikitakan tlajtolsenkaualistli iuan David (xiktlajtolti 2 Samuel 7:12, 16). Ika nin tlajtolsenkaualistli Jehová okiyekilui nin ueyi Tekiua tlen okatka itech Israel, Mesías kisaskia itech ikalchanejkauan (Luc. 1:30-33). Ijkon okachi kuali okiteititi kanin kisaskia iixui. Okijto se iixui David tlanauatiskia itech Tekiuajkayotl mesiánico (Ezeq. 21:25-27). Ika Jesús, itekiuajkayo David “kitlaliskej nochipa ma yeto”. Uan noijki “iixuiuan yetoskej nochipa, uan kanin tlanauatia [uejkauas miak] ken Tonaltsin” (Sal. 89:34-37). ITekiuajkayo Mesías nochipa kuali tlanauatis uan tlen kichiuas uejkauas nochipa.
Ma tiktemokan ken techpaleuia Biblia
it-2-S pág. 1168 párr. 1
Itlamian tonalmej
Ijkuak israelitas ayamo okatkaj itech tlali tlen Jehová okinmilui kinmakaskia, Balaam okijto se profecía. Okilui tekiua Balac tlen otlanauatiaya altepetl Moab: “Xiuiki uan xikkaki tlen satepan kichiuilis nin altepetl [Israel] moaltepe [...]. Se sitlali ualkisas itech Jacob uan yetos se cetro ompa Israel. Ye kixkuatlapanas Moab uan kintsontekontlapanas nochtin akinmej tlateuiaj” (Núm. 24:14-17). Achto omochi non profecía ijkuak David okinteui moabitas porque ye okineskayotiaya non “sitlali” (2 Sam. 8:2). Noijki profecía kijtoua “satepan”, non kijtosneki ijkuak David omochi tekiua, ye okiteititi ken tlanauatis Jesús. Profecía tlen okijto Balaam noijki mochiuas ijkuak Jesús kinmixnamikis akinmej kikokoliaj (Is. 9:7; Sal. 2:8, 9).
6-12 DE JUNIO
KEN TECHPALEUIA BIBLIA | 2 SAMUEL 9, 10
“David nochipa otetlasojtlaya”
Nochipa ma timotlasojtlakan ika nochi toyolo uan ma timopaleuikan
7 Párrafo 6 kiteititia akinmej kitechiuiliaj tlen kuali, amo ijkon ken akinmej nochipa tetlasojtlaj ika nochi [in]yolo. Tikmatiskej tleka tlatlamantli kijtosneki tla tikitaj ken otetlasojtlakej itekipanojkauan Jehová. Ma tikitakan ken okichi David. Maski Saúl okinekiaya kimiktis David, ye nochipa kitlasojtlas Jonatán porque okiski itech iyolo kitlasojtlas. Maski opanok miak xiuitl ijkuak yoixpoliuik Jonatán, David noijki nochipa okitlasojtlaya Mefibóset ika nochi iyolo, ye okatka ikone Jonatán. ¿Tleka ijkon okichi David? Porque sapanoua okitlasojtlak Jonatán. Non kiteititia akinmej kitechiuiliaj tlen kuali amo ijkon ken akinmej nochipa tetlasojtlaj ika nochi inyolo (1 Sam. 20:9, 14, 15; 2 Sam. 4:4; 8:15; 9:1, 6, 7).
w05-S 15/5 pág. 17 párr. 11
Tlen okachi ipati omotlajtolti itech Segundo de Samuel
9:1, 6, 7. David okichi tlen okijto uan tejuan noijki moneki timochijchikauaskej tikchiuaskej tlen tikijtouaj.
w02-S 15/2 pág. 14 párr. 10
Otlaxikojkej ijkuak otlajyouijkej
10 Seki xiuitl satepan tekiua David okiteititi sapanoua okitlasojtlaya Jonatán, ik non, okiknomatki ikone tlen omotokayotiaya Mefibóset uan okimakak tlali tlen okatka iaxka Saúl uan okitlali Zibá akin okipaleuiaya, ma kimalui non tlali. Noijki okilui Mefibóset nochipa iuan tlakuaskia (2 Samuel 9:6-10). Tlen okichi David xamo sapanoua okiyolchika Mefibóset uan okipaleui amo okachi ma tlajyoui. Non techmachtia tejuan noijki moneki tikintlasojtlaskej akinmej tlajyouiaj.
Ma tiktemokan ken techpaleuia Biblia
it-1-S pág. 284
Tentsojmio
Yiuejkika altepetsitsintin tlen okatkaj ik Oriente, noijki ik ompa okatka inmialtepe israelitas, yejuan kuali okinmitayaj tlakamej tlen okatkaj tentsojmiojkej. Tlanauatil tlen okinmakakej israelitas okijtouaya amo ma kitekikan intsonkal tlen okipiayaj innajnakastlan nion itentsojmio (Lev. 19:27; 21:5). Ijkon okijtouaya tlanauatil xamo porque okseki altepetsitsintin ijkon okichiuayaj porque okinueyichiuayaj teotsitsintin.
13-19 DE JUNIO
KEN TECHPALEUIA BIBLIA | 2 SAMUEL 11, 12
“Amo ma techyoltilana tlen amo kuali”
Amo ma tikchiuakan tlen Satanás kineki
10 Ma tikitakan tlen okipanok David. Jehová okimakak miak tlamantli; tomin, miakej okixmatiayaj uan otlatlanki itech guerras. David okitlasojkamatili Jehová porque sapanoua miak tlen okimakak (Sal. 40:5). Pero otlaixnek uan okilka tlen Jehová okimakak. Okachi okinekiaya kipias. Uan otlajtlakolchi ixpan Jehová, maski okinpiaya isiuauan, okixneki tesiua. Omomekati iuan Bat-Seba uan okichi ma kipia ikone. Noijki okichi ma kimiktikan inamik tlen omotokayotiaya Urías (2 Sam. 11:2-15). Omokuayejyeko Jehová amo okitlatoka. Maski miak xiuitl okitekichiuilijtoka Jehová otlaixnek uan amo kuali okipanok. Pero satepan okijto tlen okichi uan omoyolkopki. ¡Sapanoua omotlasojkamatili David porque Jehová okitlapojpolui! (2 Sam. 12:7-13).
Ma tiktlakamatikan Jehová
15 Jehová okitlali David ma kinnauati akinmej inmiuan ochantiaya uan noijki israelitas. Uelis san tlen tlamantli tlanauatiskia porque okatka tekiua. Pero ualeua omotlapololti uan okichi tlen amo kuali (2 Sam. 11:14, 15). Pero ye okiseliaya ijkuak Jehová okiyektlaliaya. Okitlatlaujti Jehová uan okilui ma kiyekana (Sal. 51:1-4). Okatka yolyamanki porque okinkak ijkuak siuamej uan tlakamej okiluijkej tlen kichiuaskia (1 Sam. 19:11, 12; 25:32, 33). David okitekichiuili Jehová uan amo oksepa okichi tlen amo kuali.
Ma tikmachtikan totlalnamikilis ika tlanauatilmej uan ika principios bíblicos
7 Amo moneki titlajyouiskej para tikmatiskej tlen okachi kuali. Ma tiktlajtoltikan Biblia uan ijkon tikmatiskej akinmej okichijkej tlen amo kuali uan noijki intech ma timokuayejyekokan. Proverbios 1:5 kijtoa: “Akin ixtlamatki tlakaki uan mochiua okachi ixtlamatki”. Nin tlanauatil techmaka toTajtsin Dios uan miak ipati. Ximokuayejyeko ken otlajyoui David ijkuak amo okitlakamatki toTajtsin Dios ijkuak omotekak iuan Bat-seba (2 Sam. 12:7-14). Ijkuak tiktlajtoltis nin texto ximotlajtlani: “¿Tlen omonekiaya kichiuas David para amo tlajyouiskia? ¿Tlen nikchiuaskia tla ijkon nechpanoskia? ¿Nicholoskia ken José noso nitlajtlakolchiuaskia ken David?” (Gén. 39:11-15). Tla timokuayejyekoaj tlen techpanos tla titlajtlakolchiuaskej, non techpaleuis ma tikixtopeuakan tlen amo kuali.
Ma tiktemokan ken techpaleuia Biblia
it-1-S pág. 639 párr. 3
David
Jehová okitak tlen David okichi uan ye okichi oksekimej ma kimatikan. Tla Jehová kikauaskia David uan Bat-seba ma kinchiuilikan ken okijtouaya itlanauatil, kinmixpoloskiaj uan noijki inkone tlen ayamo onesiaya (Deut. 5:18; 22:22). Jehová okiyektlali David uan okiknomatki porque okilui se ixui yetoskia tekiua (2 Sam. 7:11-16). Noijki okiknomatki porque David oteiknomatki (1 Sam. 24:4-7; noijki xikita Sant. 2:13) uan noijki ome okiteititijkej omoyolkopkej (Sal. 51:1-4). Pero okitlaxtlajkej tlen okichijkej, Jehová ika profeta Natán okilui tlajyouiskiaj: “Axkan nikkauilis mofamilia ma mitstlajyouilti” (2 Sam. 12:1-12).
20-26 DE JUNIO
KEN TECHPALEUIA BIBLIA | 2 SAMUEL 13, 14
“Tlen okichi Amnón okintlajyouilti oksekimej”
it-1-S pág. 34
Absalón
Okixpolojkej Amnón. Ikni Absalón tlen omotokayotiaya Tamar sapanoua kualtsin okatka, ik non, Amnón itlakpaikni Absalón opejki sapanoua kipaktia Tamar. Okijto omokokouaya uan okichi ma kiuikilikan Tamar ma kitlakualchiuiliti kanin ye okatka uan okipinati. Amnón opejki ayakmo kipaktia Tamar, okikokoli uan okikixti ikalijtik. Ompa okajsito Absalón uan okitak okipiaya ipan itsonteko tlikonextli uan okitsayanki itlaken tlen okiteititiaya ayamo omotekaya iuan se tlakatl. Absalón san niman okimatki Amnón okipinati Tamar porque yokimatiaya ye sapanoua okipaktiaya, ik non, okilui Tamar amo ma kijto tlen okipanok uan okiuikak ikalijtik para ompa iuan ma chanti (2 Sam. 13:1-20).
Kuali ma timonauatikan
11 Noijki Biblia tlajtoa itech akinmej amo kuali omonauatijkej, oauilnenkej uan okipixkej ouijkayotl. Tla telpokamej uan ichpokamej kinpanotok ijkon ken Kim, moneki ma mokuayejyekokan itech telpochtli tlen tlajtoa itech Proverbios tlakotonal chikome. Noijki uelis mokuayejyekoskej tlen okichi Amnón uan tlen okipanok (2 Sam. 13:1, 2, 10-15, 28-32). Tetajmej uelis kintekitiltiskej ninmej neskayomej ijkuak momachtiaj ken kalchanejkej uan ijkon kinpaleuiskej inkoneuan ma kimatikan kuali ma monauatikan uan kuali ma mokuayejyekokan tlen kichiuaskej itech non tlamantli.
it-1-S pág. 34
Absalón
Opanok ome xiuitl uan ijkuakon omonekiaya kinximaskej ichkamej uan ijkuakon oiluichiuayaj. Absalón okichi se iluitl ompa Baal-hazor tlen okatka kanaj 22 kilómetros ik nornordeste Jerusalén. Ik non, okilui tekiua David uan ikoneuan ma yakan itech non iluitl. Ken tekiua David amo okinek yas okilui ma kititlani achto ikone tlen omotokayotiaya Amnón (Prov. 10:18). Ijkuak otlakuajtokaj uan Amnón omoyolpaktijtoka porque okonitoka vino, Absalón okinnauati itlakeualuan ma kimiktikan. Oksekimej ikniuan omokopkej Jerusalén uan ye oyajki Guesur tlen okatka ik este mar de Galilea, ompa otlanauatiaya ikoltsin sirio (2 Sam. 13:23-38). Ijkon “espada” tlen okijto profeta Natán okalak “ikalijtik” David kanin yetoskia nochipa (2 Sam. 12:10).
Ma tiktemokan ken techpaleuia Biblia
g04-S 22/12 págs. 8, 9
¿Tlen okachi kipatioita Jehová?
Ma tikitakan tlen okichi Absalón, maski sapanoua kuajkualtsin omotaya amo okatka yolkuali. Biblia kijtoua: “Itech nochi Israel, amo okatka se tlakatl ken Absalón tlen sapanoua okiueyichiuayaj porque sapanoua kuajkualtsin omotaya. Ikxiuan hasta itech itsonteko amo okipiaya itlaj tlen amo kuali” (2 Samuel 14:25). Opejki tlaixneki, ik non, amo okitlakaitak itajtsin uan okinekiaya ipatka tlanauatis, noijki okinpinati isiuauan. Okikualani toTajtsin Dios, ik non, otlajyoui ijkuak oixpoliuik (2 Samuel 15:10-14; 16:13-22; 17:14; 18:9, 15).
¿Mitspaktiskia tikixmatis ikaj ken Absalón? Amo. Ye amo yolkuali okatka. Maski sapanoua kualtsin okatka omoueyinekiaya uan amo otetlasojtlaya uan noijki amo kuali okipanok. Biblia noijki kijtoua miakej okatkaj ixtlamatkej pero amo kijtoua kox kuajkualtsin omotayaj. Non kiteititia Jehová okachi okipatioitak ken okipiayaj innemilis.
27 DE JUNIO-3 DE JULIO
KEN TECHPALEUIA BIBLIA | 2 SAMUEL 15-17
“Absalón okichi tlen amo kuali porque omoueyinekiaya”
Ma tikchiuakan ken itekipanojkauan Jehová tlen okatkaj yolmelajkej
Absalón okatka ikone ueyi tekiua David. Ye amo okatka yolyamanki, ik non, amo okatka yolmelajki iixpan Jehová. Maski okimatiaya Jehová okipejpenki itajtsin ma yeto ueyi tekiua, Absalón okinekiaya kipias nin tekitl. Ik non, otlanauati ma kichijchiuilikan se carro tlen kiuikaskiaj caballos uan iixpan yaskiaj 50 tlakamej (2 Samuel 15:1). Uan noijki okichi miakej israelitas ma kipaleuikan. Uan noijki okinekiaya kimiktis itajtsin (2 Samuel 15:13, 14; 17:1-4).
w12-S 15/7 pág. 13 párr. 5
Ma tiktekichiuilikan toTajtsin Dios
5 Biblia kijtoua miakej okinekiayaj oksekimej ma kichiuakan tlen amo kuali. Ijkon okichi itelpoch David tlen omotokayotiaya Absalón. Ye sapanoua kuajkualtsin omotaya pero okichi ijkon ken Satanás, otlaixnek, ik non, okinek tlanauatis ipatka itajtsin. Okitemo ken kichiuas ijkuak okiteititi okinekiaya kinpaleuis israelitas uan okinekiaya ma kajsikamatikan itlakeualuan tekiua amo okinpaleuiayaj. Absalón okichi ijkon ken Diablo ijkuak okatka xochitlali Edén porque okiteititi ye okichiuaya tlen kuali uan okiteneuak itajtsin (2 Sam. 15:1-5).
it-1-S pág. 1113
Hebrón
Seki xiuitl satepan itelpoch David tlen omotokayotiaya Absalón omokopki Hebrón uan okinek tlanauatis ipatka itajtsin (2 Sam. 15:7-10). Xamo Absalón okipejpenki Hebrón para ma kimatikan ye okinekiaya tlanauatis. Yiuejkika ompa okinauatiayaj altepetl Judá uan Absalón ompa oneski. Satepan Rehoboam ixui David okiyektlali Hebrón (2 Crón. 11:5-10). Babilonios okipojpolojkej Judá uan satepan judíos tlen okinuikakej Babilonia omokopkej, sekimej judíos ochantitoj ompa Hebrón (Quiryat-arbá) (Neh. 11:25).
Ma tiktemokan ken techpaleuia Biblia
¿Tikmatij nochi tlen opanok?
11 Tejuan noijki uelis techkajkayauaskej ijkon ken okinpanok israelitas tlen ochantiayaj itempa aueyatl Jordán. Axkan ma tikitakan tlen okipanok David uan Mefibóset. David nochipa okimakaya tlen okipoloaya Mefibóset uan noijki okinmakak itlaluan Saúl akin okatka ikojkol (2 Sam. 9:6, 7). Pero satepan David itlaj okimatki tlen amo melauak itech Mefibóset. Uan ye san niman okineltokak tlen okiluijkej uan okikixtili nochi tlen okipiaya Mefibóset (2 Sam. 16:1-4). Pero ijkuak iuan omotlapoui, Mefibóset okiyekilui tlen opanok uan David okitak amo kuali tlen okichi, ik non, oksepa okimakak tlen okikixtilijka (2 Sam. 19:24-29). David amo ijkon kichiuiliskia Mefibóset tla ye achto tlajtlaniskia tlen melauak opanok.