Tlamachtilmej para Toteki akinmej tikchiuaj ken Cristo
© 2022 Christian Congregation of Jehovah’s Witnesses
2-8 DE ENERO
KEN TECHPALEUIA BIBLIA | 2 REYES 22, 23
“¿Tleka moneki matiyetokan tiyolyamankej?”
w00-S 15/9 págs. 29, 30
Josías okatka yolyamanki ikinon Jehová okipaleui
Kualkan opeuayaj tekipanouaj akinmej okiyektlaliayaj teokali. Josías okitlasojkamatiliaya Jehová. Porque judíos okiyektlalijtoka teokali tlen okijtlakojkej inuejkatatajuan. Satepan Safán okiuikili se rollo tlen teopixki Hilquías okajsik, ompa oijkuilitoka itlanauatiluan Jehová (2 Crónicas 34:12-18). ¡Sapanoua ipati non rollo! Porque xamo non rollo okatka tlen okijkuilo Moisés.
Josías okinekiaya kikakis tlen oijkuilitoka itech non rollo. Ijkuak Safán okitlajtolti. Josías okajsikamatki tlen ompa oijkuilitoka omonekiaya kitlakamatiskej. Ompa okijtouaya ken omonekiaya kiueyichiuaskej Jehová uan noijki okijtouaya tlajyouiskiaj tla yejuan amo tetlakamatiskiaj. Ijkuak Josías okitak amo otetlakamatiayaj, okitsayanki itlaken uan okinnauati Hilquías, Safán uan oksekimej: “Xiktlajtlanikan Jehová tlen kijtoua amochtli tlen onankajsikej, tlen nechpanos uan tlen kipanos nochi altepetl Judá. Jehová sapanoua touan kualantok porque totatajuan amo okichijkej tlen kijtoua nin amochtli” (2 Reyes 22:11-13; 2 Crónicas 34:19-21).
w00-S 15/9 pág. 30 párr. 2
Josías okatka yolyamanki ikinon Jehová okipaleui
Josías okintitlanki sekimej tlakamej makitatij profetisa Huldá, ompa Jerusalén, ye okinmilui tlen Jehová okijto. Okinmilui kinpanoskia nochi tlen okijtouaya rollo porque amo otetlakamatkej. Pero Jehová okijto Josías amo tlajyouiskia porque ye okatka yolyamanki. Ikinon ijkuak ye oyoltoka Jehová amo okintlajyouilti judíos (2 Reyes 22:14-20; 2 Crónicas 34:22-28).
Matiktemokan ken techpaleuia Biblia
w01-S 15/4 pág. 26 párrs. 3, 4
Uelis tiktekichiuilis Jehová maski otitlajyoui
Josías nochipa okitekichiuili Jehová maski otlajyoui ijkuak okatka tsikitsin. Ikinon Biblia kijtoua: “Ijkuak ayamo onesiaya, nion se tekiua omokopki iuan Jehová ijkon ken ye ika nochi iyolo, ika nochi ialma uan ika nochi ichikaualis, ijkon ken kijtoua nochi tlanauatil tlen okijkuilo Moisés; nion satepan amo okatka okse tekiua ken ye” (2 Reyes 23:19-25).
Akinmej noijki otlajyouijkej ijkuak okatkaj konemej, kinyolchikaua tlen okipanok Josías. ¿Tlen techmachtiaj? ¿Tlen okipaleui kuali makipejpena tlen kichiuaskia?
9-15 DE ENERO
KEN TECHPALEUIA BIBLIA | 2 REYES 24, 25
“Matiijsatokan”
w01-S 15/2 pág. 12 párr. 2
Ayakmo miak poliui uan Jehová tlaixkomakas
2 Tlen okijkuilo profeta Sofonías okipaleui tekiua Josías, non okichi miakej judíos makiueyichiuakan Jehová ken ye kineki. Maski Josías okinpaleui judíos ok okichijkej tlen amo kuali, ikinon Jehová amo okintlapojpolui porque sapanoua otlajtlakolchijkej uan Biblia kijtoua ikoltsin Josías tlen omotokayotiaya Manasés okinmikti miakej ompa Jerusalén (2 Reyes 24:3, 4; 2 Crónicas 34:3). Ikinon Jehová okintlajyouilti judíos.
w07-S 15/3 pág. 11 párr. 10
Tlen okachi ipati omotlajtolti itech amochtli Jeremías
Itech xiuitl 607 achto itech xiuitl 1. Tekiua Sedequías yotlanauatijtoka 11 xiuitl uan yikipia 18 metstli Nabucodonosor tlen otlanauatiaya Babilonia okiyaualo Jerusalén para kimoaxkatis. Ijkuak Nabucodonosor yotlanauatijtoka kanaj 19 xiuitl, Nebuzaradán akin okiyekanaya soldados oajsito Jerusalén (2 Reyes 25:8). Okitak ken uelis kimoaxkatiskiaj Jerusalén uan eyi tonal satepan okalakej itech altepetl uan okitlatijkej (Jeremías 52:12, 13).
Ken techpaleuia biblia
w05-S 1/8 pág. 12 párr. 1
Tlen okachi ipati omotlajtolti itech Segundo de los Reyes
24:3, 4. Jehová amo okitlapojpolui Judá porque Manasés miakej okinmikti. ToTajtsin Dios kipatioita ieso akinmej yolkualmej. Jehová kinmixpolos akinmej tlamiktiaj uan kichiuaj tlen amo kuali (Salmo 37:9-11; 145:20).
16-22 DE ENERO
KEN TECHPALEUIA BIBLIA | 1 CRÓNICAS 1-3
“¿Melauak tlen kijtoua Biblia?”
w09-S 1/9 pág. 14 párr. 1
¿Melauak okatkaj Adán uan Eva?
Itech 1 Crónicas capítulos 1 hasta 9 uan Lucas capítulo 3 kijtoua akinmej okatkaj infamilias judíos uan kijtoua okatkaj kanaj 48 uan 75 inuejkatatajuan. Amochtli Crónicas kijtoua akinmej okatkaj tekiuajkej uan teopixkej itech altepetl Israel uan amochtli Lucas kijtoua akinmej okatkaj iuejkatatajuan Jesús. Noijki techtlapouia itech Salomón, David, Jacob, Isaac, Abrahán uan Noé. Tla ninmej tlakamej melauak okatkaj, ikinon tikijtouaj Adán melauak okatka.
w08-S 1/6 pág. 3 párr. 4
Noé melauak okatkaj ijkuak otlatenki
Tejuan tikijtouaj Noé melauak okatka porque ome amochtli kijtoua akinmej okatkaj inuejkatatajuan (1 Crónicas 1:4; Lucas 3:36). Esdras uan Lucas kuali omomachtijkej uan okijkuilojkej akinmej okatkaj ikoneuan, ikinon Lucas okijkuilo Jesús ouala itech ifamilia Noé.
w09-S 1/9 pág. 14 párr. 6
¿Melauak okatkaj Adán uan Eva?
Miakej kineltokaj ijkuak Biblia kijtoua Jesús omotemakak topatka. Ompa kijtoua Jesucristo okitemakak iyolilis para techmakixtis uan ijkon ayakmo tikpiaskej tlajtlakoli (Mateo 20:28; Juan 3:16). Ijkuak ikaj techmakixtia kijtosneki ken ijkuak ikaj kitemaka tomin para itlaj oksepa tikpiaskej, noijki ken ijkuak ikaj kichteki uan kitlajtlanij tomin para kikajkauaskej. Biblia kijtoua Jesús otechmakixti (1 Timoteo 2:6). Pero, ¿ken okichi? Biblia kijtoua: “Ijkó kemi nochteh n tlaltikpaktlakah mikkih porke walewatokeh de Adán, ijkó noiwa nochteh akimeh tiktlakitah Cristo, nochipa yolitoskeh por Ye” (1 Corintios 15:22). Jesús amo kipia tlajtlakoli ikinon uelis kinmakixtis akinmej yolkualmej uan okipatkayoti Adán, porque noijki amo okatka tlajtlakole (Romanos 5:12). Tla Adán amo okatka uan amo otlajtlakolchi amo monekiskia Jesús mamotemaka topatka.
Matiktemokan ken techpaleuia Biblia
it-1-S pág. 1005 párrs. 1, 2
Akinmej okatkaj inuejkatatajuan
Intokaj sekimej siuamej. Ualeua okinmijkuilouayaj intokaj sekimej siuamej ijkuak omonekiaya. Itech Génesis 11:29 uan 30, kajki itoka Sarai (Sara). Porque Mesías ualaskia itech ye uan amo itech okse isiua Abrahán. Itoka Milcá noijki ompa ijkuilitok porque okatka isitsin Rebeca, isiua Isaac uan ijkon omoteititi ixuiuan Rebeca oualajkej itech ifamilia Abrahán, porque Isaac amo monekia monamiktis iuan se siuatl tlen ochantiaya itech okse altepetl (Gén. 22:20-23; 24:2-4). Itech Génesis 25:1 kijtoua Queturá okatka okse isiua Abrahán. Non kiteititia Abrahán oksepa omonamikti satepan oixpoliouik Sara uan ok okinpixki ikoneuan, maski yopanok kanaj cuarenta xiuitl ijkuak Jehová okichi makipia se ikone (Rom. 4:19; Gén. 24:67; 25:20). Noijki ijkon omoteititi tleka israelitas omouikayaj inmiuan madianitas uan akinmej ochantiayaj Arabia.
Noijki ijkuilitok intoka Lea, Raquel uan oksekimej isiuauan Jacob, noijki katej intoka inkoneuan (Gén. 35:21-26). Ijkon tikajsikamatij tleka omouikaya Jehová inmiuan inkoneuan Jacob. Axkan tikajsikamatij tleka katej intoka sekimej siuamej itech Biblia. Noijki tla okinpanoltiliayaj inkoneuan se tetliokolil intoka omoijkuilouaya (Núm. 26:33). Tikmatij akinmej okatkaj Tamar, Rahab uan Rut. Miak ipati tlen omoijkuilo itech nonmej siuamej porque ijkon tikmatij Jesús ouala itech infamilias (Gén. 38; Rut 1:3-5; 4:13-15; Mat. 1:1-5). Noijki ijkuilitok intoka oksekimej siuamej itech 1 Crónicas 2:35, 48, 49; 3:1-3, 5.
23-29 DE ENERO
KEN TECHPALEUIA BIBLIA | 1 CRÓNICAS 4-6
“¿Tlen nikteititia ijkuak nimotlatlaujtia?”
w10-S 1/10 pág. 23 párrs. 3-7
Akin techkaki ijkuak timotlatlaujtia
Jabez nochipa omotlatlaujtiaya, se tonal okilui toTajtsin Dios makiteochiua. Okitlajtlani eyi tlamantli tlen okiteititi melauak otlaneltokaya.
Jabez okitlajtlanili mamomiaktili itlal (versículo 10). Ye amo okinekiaya kipias itlaluan tlen okipiayaj oksekimej, xamo noijki okitlajtlanili Jehová okachi miakej makiueyichiuakan. Ikinon xamo okitlajtlanili Jehová makimiaktili itlal para ompa yetoskiaj akinmej kiueyichiuaskia.
Noijki Jabez okilui Jehová “ima” nochipa mayeto iuan. Ima Jehová kijtosneki iespíritu santo tlen kinpaleuia itekipanojkauan (1 Crónicas 29:12). Jabez okitlajtlanili Jehová tlen okinekiaya porque okimatiaya ye okinpaleuiaya akinmej kineltokiliaj (Isaías 59:1).
Saiktlami Jabez okilui Jehová: “Techmalui para amitlaj manechpano”. Ijkuak ye okijto “para amitlaj manechpano” amo okinekiaya kijtos Jehová makipaleui para amo tlajyouis. Jabez okinekiaya kijtos makipaleui amo san mamoyolkoko uan noijki makipaleui matlaxiko.
Tlen Jabez okitlajtlanili Jehová okiteititi ye okinekiaya kiueyichiuas ken ye kineki uan noijki okineltokiliaya. ¿Okinankili Jehová? Biblia kijtoua: “ToTajtsin Dios okimakak tlen okitlajtlanili”.
Matiktemokan ken techpaleuia Biblia
w05-S 1/10 pág. 9 párr. 7
Tlen okachi ipati omotlajtolti itech amochtli Primero de las Crónicas
5:10, 18-22. Ijkuak otlanauatiaya Saúl, tribus tlen okatka este ik Jordán okintlanilijkej hagritas maski okatkaj okachi miakej. Yejuan okintlanilijkej porque okineltokilijkej Jehová uan okiluijkej makinpaleui. Axkan noijki moneki tikneltokaskej Jehová techpaleuis para tiktlaniliskej Satanás uan akinmej techkokoliaj (Efesios 6:10-17).
30 DE ENERO-5 DE FEBRERO
KEN TECHPALEUIA BIBLIA | 1 CRÓNICAS 7-9
“Jehová mitspaleuis xiktekichiuili”
w05-S 1/10 pág. 9 párr. 8
Tlen okachi ipati omotlajtolti itech amochtli Primero de las Crónicas
9:26, 27. Levitas otlapaleuiayaj itech teokali, yejuan okipiayaj llaves tlen okintlapouayaj puertas. Mojmostla okiteititiaya kuali otlapaleuiayaj porque nochipa omonekiaya kintlaposkej puertas. Tejuan noijki titlapaleuiaj ijkuak titetlapouiaj uan tikinpaleuiaj oksekimej makiueyichiuakan Jehová. Ikinon moneki timochijchikauaskej titlapaleuiskej ijkon ken levitas.
w11-S 15/9 pág. 32 párr. 7
¿Uelis tikchiuaskej ijkon ken Finehás?
Yiuejkika Finehás okinmalui israelitas. Ye amo omomojti, okimatiaya tlen kichiuas ijkuak itlaj opanouaya uan okineltokaya Jehová kipaleuiskia, ikinon Jehová okiseli. Opanok mil xiuitl uan Esdras okijkuilo: “Yiuejkika, Finehás ikone Eleazar okinyekanaya uan Jehová okipaleui” (1 Crón. 9:20). Nochtin akinmej kinyekana tokniuan uan akinmej tiktekichiuilia Jehová moneki kichiuaskej ken Finehás.
Matiktemokan ken techpaleuia Biblia
w10-S 15/12 pág. 21 párr. 6
Matiktlakuikilikan Jehová
6 Jehová okinnauati iprofetas makinnauatikan itekipanojkauan makitlakuikilikan uan ijkon kiueyichiuaskia. Levitas otlakuikayaj ikinon amo omonekiaya kichiuaskiaj okseki tlamantli, ijkon majxiliskia para kijkuiloskiaj tlen tlakuikaskiaj (1 Crón. 9:33).
6-12 DE FEBRERO
KEN TECHPALEUIA BIBLIA | 1 CRÓNICAS 10-12
“Ximochijchikaua tiktlakamatis Jehová”
w12-S 15/11 pág. 6 párrs. 12, 13
“Xinechmachti motlanauatiluan”
12 David okajsikamatiaya principios tlen okipiaya tlanauatilmej tlen okijkuilo Moisés uan okinekiaya kintlakamatis. Ijkuak David okijto oamikiaya uan okinekiaya konis atl tlen okatka itech cisterna ompa Belén. Eyi isoldados okalakej itech altepetl kanin okatka filisteos uan okiuikilijkej atl. Pero David amo okonik atl uan okinoki ixpan Jehová. ¿Tleka ijkon okichi? Ye okijto: ”Nikmati ken mokuayejyekoua Dios, ¡nin amo keman nikchiuas! Tla nikonis atl, yetoskia ken nikonis inmieso ninmej tlakamej porque okikuito atl maski uelis kinmiktiskiaj” (1 Crón. 11:15-19).
13 David okixmatiaya tlanauatilmej tlen okijkuilo Moisés, okimatiaya omonekiaya monokis estli ixpan Jehová. Noijki okajsikamatiaya tlen okijtouaya tlanauatilmej porque tlanauatil kijtoua “yolilistli kajki itech estli”. Pero tlen okiuikilijkej eyi tlakamej amo okatka estli, ¿tleka amo okonik? Porque okimatiaya Jehová kipatioita estli. Ijkuak nonmej eyi tlakamej okiuikilijkej atl, xamo kinmiktiskiaj, ikinon David okajsikamatki tla koniskia atl amo kipatioitaskia inmieso nonmej tlakamej. Ikinon amo okonik atl uan okinoki (Lev. 17:11; Deut. 12:23, 24).
Ma tikmachtikan totlalnamikilis ika tlanauatilmej uan ika principios bíblicos
5 Tla tiknekij ma techpaleuikan itlanauatiluan toTajtsin Dios amo san tikintlajtoltiskej uan tikinmixmatiskej. Moneki tikinpatioitaskej uan tikintlakamatiskej. ITlajtol toTajtsin Dios kijtoa: “Xikkokolikan tlen amo kuali uan xikchiuakan tlen kuali” (Amós 5:15). ¿Ken uelis ijkon tikchiuaskej? Moneki tikitaskej nochi tlamantli ken Jehová kita. Ma tikijtokan amo kuali tikochi uan akin tlapajtia mitsiluia kuali xitlakua. Xikchiua ejercicio uan xikpatla seki tlamantli. Tla tikchiuas ijkon ken omitsilui uan tikita melauak mitspaleuia, ¿amo tikpatioitas akin tlapajtia uan tlen omitsilui?
6 Noijki ijkon toTajtsin Dios akin otechchijchi otechmakak tlanauatilmej para amo ma titlajtlakolchiuakan uan ijkon amo ma titlajyouikan. Biblia techiluia amo ma titlakajkayauakan, amo ma titlachtekikan, amo ma tiauilnemikan, amo ma timoteuikan nion ma timokajkalakikan itech naualotl (xiktlajtolti Proverbios 6:16-19; Apoc. 21:8). Ijkuak tikitaj techpaleuia tiktlakamatij Jehová, okachi tiktlasojtlaj uan okachi tikinpatioitaj itlanauatiluan.
Matiktemokan ken techpaleuia Biblia
it-1-S pág. 551 párrs. 5, 6
Toyolo
Matiktekichiuilikan Jehová ika nochi toyolo. Para tiyoltoskej toyolo moneki kuali yetos pero xamo ijkuak tiktekichiuilia Jehová amo tikchiua ika nochi toyolo. Ikinon David okilui Jehová: “Xikchiua ika nochi noyolo ma niktlakaita motoka”, non kiteititia xamo ualeua amo tiktekichiuiliskej ika nochi toyolo Jehová (Sal. 86:11). Xamo ikaj amo kimati tlen kipejpenas, non uelis kichiuas amo makitekichiuili Jehová ika nochi iyolo (Sal. 119:113; Apoc. 3:16). Noijki uelis ikaj kinekis kitekichiuilis Jehová pero noijki kinekis kichiuas uan mokuayejyekos okseki tlamantli tlen ye amo kipaktia (1 Crón. 12:33; Sal. 12:2, nota). Jesús okijto akinmej ijkon kichiua kipia ome inmixko (Mat. 15:7, 8).
Moneki tikpejpenaskej tla tikneki tiktekichiuiliskej Jehová noso amo. Tla tiktechiuiliaj Jehová, moneki tikchiuaskej ika nochi toyolo (1 Crón. 28:9). Ikinon moneki timochijchikauaskej porque toyolo ualeua techkajkayaua para tikchiuaskej tlen amo kuali (Jer. 17:9, 10; Gén. 8:21). Ijkuak timotlatlaujtia techpaleuiaj matiktekichiuilikan Jehová ika nochi toyolo (Sal. 119:145; Lam. 3:41), noijki techpaleuia ijkuak nochipa tiktlajtoltia iTlajtol toTajtsin Dios (Esd. 7:10; Prov. 15:28), ijkuak titetlapouiaj (noijki xikita Jer. 20:9), uan noijki ijkuak timouika iuan tokniuan akinmej noijki kinpaktia kitekichiuiliskej Jehová ika nochi inyolo (noijki xikita 2 Rey. 10:15, 16).
13-19 DE FEBRERO
KEN TECHPALEUIA BIBLIA | 1 CRÓNICAS 13-16
“Ijkuak tikkauaj Jehová matechyekana kuali kisa tlen tikchiuaj”
w03-S 1/5 pág. 10 párr. 12
¿Tikmati kanin kajki Jehová?
12 Arca itech tlajtolsenkaualistli okikopkej altepetl Israel uan Tekiua David okijto kiuikas Jerusalén, porque yimiak xiuitl okatkaj altepetl Quiryat-jearim. Okintlajtlani akinmej otlayekanaya itech altepetl kox kuali okitayaj yejuan uan Jehová tlen okinekiaya kichiuas. Pero David amo okitlajtlani Jehová kox omonekiaya ijkon kichiuas. Tla kitlajtlaniskia, arca itech tlajtolsenkaualistli kiuikaskiaj cohatitas uan amo kiuikaskiaj itech se carruaje. David nochipa okitlajtlaniaya Jehová tlen omonekiaya kichiuas, pero non tonal amo ijkon okichi. Ikinon otlajyouijkej. Satepan David okijto: “Jehová toDios sapanoua touan okualanki, porque amo otiktlajtlanijkej tlen omonekiaya tikchiuaskej” (1 Crónicas 13:1-3; 15:11-13; Números 4:4-6, 15; 7:1-9).
w03-S 1/5 pág. 11 párr. 13
¿Tikmati kanin kajki Jehová?
13 Ijkuak levitas okiuikakej arca itech tlajtolsenkaualistli ompa Jerusalén tlen okatka ikalijtik Obed- Edom, okitlakuikilijkej Jehová se tlakuikali tlen David okijkuilo uan okinmilnamikti: “Jehová chikauak, ikinon nochipa xiktemokan. Xikilnamikikan nochi tlamantli kualtsin tlen yokichi, milagros tlen okinchi uan tlanauatilmej tlen okintemakak” (1 Crónicas 16:11, 12).
Matiktemokan ken techpaleuia Biblia
w14-S 1/15 pág. 10 párr. 14
Matikueyichiuakan Jehová toTekiua akin nochipa yolitok
14 David okiuikak arca itech tlajtolsenkaualistli ompa Jerusalén. Non tonal miakej sapanoua oyolpakej, levitas okiueyichijkej Jehová uan okitlakuikilijkej: ‘Jehová axkan toTekiua’ (1 Crón. 16:31). Biblia kijtoua: “Jehová toTekiua tlen nochipa yolitok” ikinon ¿tleka israelitas okijtojkej Jehová axkan toTekiua? Jehová mochiua toTekiua ijkuak tlanauatia mamochiua seki tlamantli noso kinmiluia oksekimej makichiuakan ipatka. Tlen kichiua Jehová miak ipati. Ye okilui David, ixuiuan nochipa tlanauatiskiaj “Ne nikchiuas se mokone matlanauati uan nikchiuas itekiuajkayo mauejkaua” (2 Sam. 7:12, 13). Kanaj mil xiuitl satepan tlen okijto Jehová omochi ijkuak se “ixui” David oneski. ¿Akin okatka uan keman mochiuaskia Tekiua?
20-26 DE FEBRERO
KEN TECHPALEUIA BIBLIA | 1 CRÓNICAS 17-19
“Matiyolpakikan maski techpanos tlen amo kuali”
w06-S 15/7 pág. 19 párr. 1
Matikitakan tlen kuali kichiua ialtepe Jehová
ITECH Escrituras Hebreas okachi moixmati David. Ye okatka tlajpixkej, otlakuikaya, okatka profeta, otlanauatiaya ompa Israel uan okineltokiliayaj Jehová. David sapanoua okitlasojtlaya Jehová ikinon okinekiaya kichiuilis se teokali kanin kiueyichiuaskiaj nochtin israelitas ken ye kineki. David okimatiaya teokali kinpaleuiskia israelitas uan ijkon sapanoua yolpakiskiaj, ikinon okitlakuikili Jehová: “Mayolpaki tlakatl tlen te otikpejpenki uan tikualika para machanti mokaltempa. Timoyolchikauaskej ijkuak tiaskej mokalijtik, moteokal santo” (Salmo 65:4).
Ma tiyolpakikan ika tlen uelis tikchiuaskej para tiktekichiuiliskej Jehová
11 Tejuan noijki uelis tiyolpakiskej tla timochijchikauaj okachi tiktekichiuiliskej Jehová. Okachi ma titetlapouikan uan nochipa ma tikueyichiuakan Jehová iuan tokniuan tlen inmiuan timonechikouaj (Hech. 18:5; Heb. 10:24, 25). Kuali ma timoyektlalikan uan ijkon ijkuak timonechikoskej kuali titlanankiliskej uan tikinyolchikauaskej tokniuan. Tla techiluiaj tlajko semana titlamachtiskej kuali ma timoyektlalikan. Noijki tla techiluiaj ma titlapaleuikan itech tlanechikol, ma tiajsiti hora tlen otimokajkej uan ma tikchiuakan tlen techiluiaj. Amo ma timokuayejyekokan tlen tikchiuaskej itech tlanechikol amo ipati uan amo moneki timochijchikauaskej. Okachi kuali ma tikchiuakan ken moneki (Proverbios 22:29). Tla timochijchikauaj tiktekichiuiliskej Jehová okachi kuali iuan timouikaskej uan tiyolpakiskej (Gál. 6:4). Noijki tiyolpakiskej iuan oksekimej tokniuan ijkuak tikinmitaskej tlapaleuijtokej ijkon ken tejuan tiknekiskiaj (Rom. 12:15; Gál. 5:26).
Matiktemokan ken techpaleuia Biblia
w20.02 pág. 12, recuadro
Sapanoua tiktlasojtlaj toTajtsin Jehová
¿Nechixmati Jehová?
“Axkan sapanoua miakej katej ipan nochi tlaltikpak. Ik non, ¿tleka Jehová onechpejpenki ma niktekichiuili?”. ¿Se tonal ijkon yotimotlajtlanijkej? Amo san tejuan ijkon timotlajtlaniaj. Tekiua David okijkuilo: “Jehová, ¿tlen ipati tlakatl para xikilnamikto? ¿Tlen ipati ikone tlakatl para xikmalui?” (Sal. 144:3). David okineltokaya Jehová kuali okixmatiaya (1 Crón. 17:16-18). ITlajtol toTajtsin Dios uan ialtepe techiluia kipatioita tiktlasojtlaj. Ma tikinmitakan seki textos tlen kiteititiaj Jehová techixmati:
• Jehová otechitak ijkuak ayamo otinesiayaj (Sal.139:16).
• Jehová kimati tlen tikpiaj itech toyolo uan tlen timokuayejyekouaj (1 Crón. 28:9).
• Jehová techkaki ijkuak iuan timotlapouiaj (Sal. 65:2).
• Tlen tikchiuaj uelis kiyolpaktis Jehová noso uelis kiyolkokos (Prov. 27:11).
• Jehová otechyoltilanki (Juan 6:44).
• Jehová kuali techixmati. Ik non, tla tiixpoliuiskej ye techyolitis. Techmakas yankuik totlalnakayo uan tokuayejyekol. Pero tikilnamiktoskej tlen otechpanok uan tikpiaskej toyelis tlen axkan tikpiaj (Juan 11:21-26, 39-44; Hech. 24:15).
27 DE FEBRERO-5 DE MARZO
KEN TECHPALEUIA BIBLIA | 1 CRÓNICAS 20-22
“Xikinpaleui telpochmej mayolpakikan ijkuak kitekichiuiliaj Jehová”
“Xikinmachti n tokniwah non milák motemaktiah inawak Dios”
8 (Xiktlajtolti 1 Crónicas 22:5). Uelis David mokuayejyekoskia Salomón amo uelis kichijchiuaskia teokali. David okinekiaya teokali ma yeto “sapanoa kuali uan ueyititok” pero Salomón okatka ‘ok telpochtli uan amo okimatiaya tlen kichiuas’. David okimatiaya Jehová kipaleuiskia Salomón ma kichijchiua nin teokali tlen miak ipati. Pero noijki omochijchika kipaleuis ikone ika nin tekitl tlen miak ipati.
“Xikinmachti n tokniwah non milák motemaktiah inawak Dios”
7 Ken David ika nochi iyolo okinekiaya kichijchiuas iteokal Jehová, uelis sapanoa omoyolkoko pampa amo kichijchiuaskia. Pero David okipaleui Salomón ika tekitl tlen mochiuaskia. Okijto ken tekitiskiaj tlakamej uan okitemo kuauitl, tepostli, cobre, plata uan oro. David amo okitekipachoaya ma kimatikan akin okichijchi teokali, tlen satepan okitokayotijkej teokali tlen okichijchi Salomón. Okachi kuali, ijkin okiyolchika Salomón: “Jehová mouan ma yeto uan kuali ma kisa tlen tikchiuas uan moneki tikchijchiuas ikalijtik Jehová moDios, ijkon ken motech yokijto” (1 Crónicas 22:11, 14-16).
w18.03 págs. 11, 12 párrs. 14, 15
Tetajmej, ¿nankinpaleuiaj namokoneuan ma moapolaktikan?
14 Tlayekankej uelis kinpaleuiskej tetajmej. Kinpaleuiskej tla kinmiluiaj ken yolpakij kitekichiuiliaj Jehová. Se tokni kijtoa ok kilnamiki ijkuak okipiaya chikuase xiuitl, tokni Russell iuan omotlapoui 15 minutos itech ken okachi kitekichiuiliskia Jehová. Nin tokni okatka precursora kanaj setenta xiuitl. Ken tikitaj, ijkuak ikaj tikyolchikauaj sapanoa kipaleuia (Prov. 25:11). Tlayekankej noijki uelis kinmiluiskej tetajmej uan konemej ma tlapaleuikan itech kali kanin timonechikoaj. Ma kitakan tlen uelis kichiuaskej konemej.
15 ¿Uan ken uelis tlapaleuiskej oksekimej tokniuan? Ma kinpaleuikan telpokamej uan ichpokamej ken moneki. Uelis kitaskej kox okachi yimouikaj iuan Jehová. Se neskayotl, ¿kuali otlanankilijkej itech nechikol? ¿Okipanoltijkej se kualtsin tlamachtil? ¿Otetlapouijkej itech escuela noso okixtopejkej tlen amo kuali? Tla ijkon kichiuaj, ma tikinmiluikan kuali tlen kichijtokej. Ma timotlapouikan iuan telpokamej uan ichpokamej achto peuas nechikol uan ijkuak tlamis. Tla ijkon tikchiuaskej, yejuan yetoskej “itech ueyi tlanechikol” (Sal. 35:18).
Matiktemokan ken techpaleuia Biblia
w05-S 1/10 pág. 11 párr. 6
Tlen okachi ipati omotlajtolti itech amochtli Primero de las Crónicas
21:13-15. Jehová okiualtitlanki iángel para ayakmo matlajyoui ialtepe. Porque ye sapanoua teiknomati.