TLAMACHTIL 15

Xikteititi tikneltoka tlen titlamachtis

1 Tesalonicenses 1:5

XIKILNAMIKTO: Ma mota tikneltoka tlen titlamachtis uan xikteititi miak ipati.

Kuali ximomachti. Ximomachti hasta tikajsikamatis ken mouika iuan tlen kijtoa Biblia. Amo miak tlajtoli xiktekitilti ijkuak tikijtos tlen okachi ipati. Ximokuayejyeko ken tikinpaleuis akinmej mitskakiskej. Xikilui Jehová ma mitspaleui ika iespíritu santo.

Xikojpaui tlamachtil uan ijkon tikilnamiktos tlen tikijtos.
Kualtsin xikintlapoui uan xikteititi tikneltoka tlen tikinmiluis. Xitlajto ken te titlajtoa uan amo san xiktlajtolti amatl. Noijki xiktekitilti tlajtoli tlen kiteititia tikneltoka tlen tikijtoa.
Ma kisa itech moyolo tlen tikijtos. Kuali ma mokaki tlen tikijtos. Tla kanin tichanti amo itlaj kijtoaj noso amo mokuejsoaj tikintlatos, xikintlato akinmej ompa katej uan amo oksekan xitlajtlachia.

Maski moneki kitaskej tikneltoka tlen nanmomachtiskej, amo kijtosneki tikinmajuas noso amo tikintlakaitas. Maski amo tiixuetskatos, moneki ma kitakan tikintlasojtla.